Usuzilungiselele Yini Iziphithiphithi?

Sikhangelele ukuthi iziphithiphithi, omalwecatsha kanye lezimpi kwande njengoba ukuphela sekuseduze. (Sam 6:4) Singabulungiselela njani ubunzima obungasehlela esikhathini esizayo?

• Qinisa ukholo lwakho: Bala amavesi lezindaba eziseBhayibhilini ezikunceda ukuthi uthembe uJehova lenhlanganiso yakhe njalo ungathathi uhlangothi endabeni zombusazwe. (Zag 12:5; jr-ZU 125-126 ¶23-24) Khathesi yisikhathi sokuthi sibe ngabangane abaseduze labafowethu labodadewethu ebandleni.—1Pe 4:7, 8

• Woba leqiniso lokuthi ulezinto ozidingayo: Hlelani lokho elizakwenza ukuze lihlale livikelekile nxa lingasenelisi ukuphuma endlini njalo libe lezinto elizidingayo ezeneleyo. Hlelani ukuthi lizakwenzani nxa sekumele libaleke. Khangelani ukuthi kulani ezikhwameni zenu ezilezinto eziqakathekileyo futhi lifake imali ama-gloves lamamaski lokunye okunjalo. Wobani lenamba zefoni zabadala bebandla njalo libe leqiniso lokuthi labo balazo ezenu.—Isy 32:2; g17.5 3-7

Nxa sekuleziphithiphithi, qhubekani lithandaza, libala iBhayibhili njalo lingena imihlangano yebandla. (Flp 1:10) Lingasuki ezindlini ngaphandle nxa kudingeka kumbe nxa libaleka. (Mat 10:16) Phanini abanye ukudla lokunye.—Rom 12:13.

BUKELANI IVIDIYO ETHI UKULUNGELE YINI UKUTSHINTSHA KWEZIMO?, BESELIPHENDULA IMIBUZO ELANDELAYO:

• UJehova angasincedisa njani nxa kube lomonakalo?

• Singawulungiselela njani umonakalo?

• Singabancedisa njani abehlelwe ngumonakalo?