IMPILO YAMAKHRISTU

Usukulungiselele Yini Ukuwa Kwezomnotho?

Asimangali nxa izinto ezenzakala emhlabeni zibangela ukuthi ezomnotho ziwe yonke indawo. Ngenxa yani? Ngenxa yokuthi sesingene sacwila ezinsukwini zokucina njalo iBhayibhili lithi singabeki ithemba lethu “enothweni etshabalalayo.” (1Thi 6:17; 2Thi 3:1) Okwenziwa yiNkosi uJehoshafathi kungasinceda njani ukuthi silungele ukuwa kwezomnotho?

UJehoshafathi wathi ehlaselwa ngezinye izizwe wathembela kuJehova. (2Imi 20:9-12) Kanti njalo wenza konke ayengakwenza ukuze alungiselele isizwe sakhe singakahlaselwa yizitha. Wafaka amabutho kuwo wonke amadolobho avikelwe ngemiduli. (2Imi 17:1, 2, 12, 13) Lathi njengoJehoshafathi kumele simthembe uJehova njalo senze esikwenelisayo ukuze silungiselele ubunzima obungasehlela.

SINGAKULUNGISELELA NJANI UKUWA KWEZOMNOTHO?

Qinisa ubungane bakho loJehova: Suthiseka ngalokho olakho njalo hlala uthemba ukuthi uJehova uzakunika khona kanye okudingayo ngesikhathi esifaneleyo. (Mat 6:26; 1Thi 6:8) Zimisele ukuthi ungayekeli ukulandela izimiso eziseBhayibhilini lanxa kungaba nzima ukuthola okokuziphilisa. (Rom 2:21) Cabanga ngokuthi uzakwenzani ukuze uqhubeke ubala iBhayibhili lamabhuku esiwanikwa yinhlanganiso nxa kungaba lohlupho lwamagetsi loba olwe-inthanethi. Nxa kusenza gcina amabhuku amalutshwana aphrintiweyo njalo hlala ulamabhuku amanengi owadawunilodileyo.

Sebenzisa kuhle imali njalo ugcine lezinto eziqakathekileyo: Balekela ukuba lezikwelede njalo ungabi lomkhuba wokuthenga izinto ezingaqakathekanga. (Zag 22:7) Nxa kuvuma wobani lokudla okungalidonsa okwesikhathi esithile kanye lezinye izinto eziqakathekileyo. Abanye bakubona kungcono ukuba lengadi ukuze bangahlali bethenga ezinye izilimo.

BUKELANI IVIDIYO ETHI INDLELA YOKULUNGISELELA IZINGOZI ZEMVELO BESELIPHENDULA IMIBUZO ELANDELAYO:

Ipikitsha etshengisa okukuvidiyo ethi “Indlela Yokulungiselela Izingozi Zemvelo” Emapikitsheni amancane kuleBhayibhili lesikhwama esilezinto eziqakathekileyo lefoni kanye labantu abakhayo.

Ngamunye wethu kumele enzeni ukuze alungiselele umonakalo ongaba khona?

Your answer

Ipikitsha etshengisa okukuvidiyo ethi “Indlela Yokulungiselela Izingozi Zemvelo” Abafowethu bancedisa abehlelwe ngumonakalo ngokwakha langokwehlisa izinto zokwakha emoteni.

Singenzani ukuze sincede abanye nxa sekube lomonakalo?

Your answer