Abatshadileyo Kumele Bahlale Bonke Okwempilo Yabo Yonke

Nxa abatshadileyo bengaphathana kuhle, uJehova uzadunyiswa njalo labo bazathokoza. (Mak 10:9) AmaKhristu angatshadanga kumele asebenzise izimiso eziseBhayibhilini nxa ekhetha umuntu azatshada laye. Lokhu kuzakwenza ukuthi athokoze emitshadweni yawo.

Qala ulinde kudlule ‘isikhathi lapho imizwa yakho yobutsha elamandla khona.’ Lokhu kuzakunceda ukuthi ukhethe kuhle umuntu ozatshada laye. (1Kr 7:36) Sebenzisa kuhle isikhathi lesi ukuze uqinise ubungane bakho loNkulunkulu njalo uzame ngamandla ukuba lobuntu okumele amaKhristu abe labo. Ukwenza lokho kuzakunceda kakhulu nxa usutshadile.

Kuhle ukuthi ungakavumi ukutshada lomuntu othile uqale uzinike isikhathi sokwazi ‘umuntu ofihlakeleyo wenhliziyo.’ (1Pe 3:4) Khuluma laye nxa kukhona okukhulu okusolayo. Ubudlelwano babantu abatshadileyo buyafanana lobudlelwano esilabo labanye. Otshadileyo kumele aqakathekise okufunwa ngomunye wakhe. (Flp 2:3, 4) Nxa ungahle uqalise ukusebenzisa okutshiwo liBhayibhili ungakatshadi, kuzaba lula ukuthi uqhubeke ukwenza nxa usutshadile futhi kuzalenza lithokoze.

BUKELANI IVIDIYO ETHI UKULUNGISELELA UKUTSHADA—INGXENYE 3: “BALISA INDLEKO,” BESELIPHENDULA IMIBUZO ELANDELAYO:

• Izinto zazihamba njani phakathi kukadadewethu loThemba?

• Udadewethu wananzelelani ngesikhathi esethandana loThemba?

• Abazali bakhe bamncedisa njani futhi yisiphi isinqumo esihle asenzayo?