Uyalisebenzisa Yini IBhayibhili Elirekhodiweyo?

Ukurekhodwa kweBhayibhili: Lokhu yikubalwa kwamabhuku aseBhayibhilini kusetshenziswa iNguqulo Yomhlaba Omutsha. Nxa ibhuku ngalinye selirekhodiwe liyabe selitholakala kwezempucuko njalo amabhuku la eBhayibhili azatholakala ngendimi ezitshiyeneyo. Okuhle ngeBhayibhili leli yikuthi amanye amazwi abalingiswa abaseBhayibhilini arekhodwa ngabantu abatshiyeneyo. Ababalayo babala kuhle begcizelela imicijo eqakathekileyo futhi bekhipha lemizwa esendabeni ukuze olaleleyo azwisise khona kanye okutshiwo liBhayibhili.

IBhayibhili elirekhodiweyo libancede njani abanye? Abanengi abahlala besebenzisa iBhayibhili leli elirekhodiweyo bayakukholisa ukuzwa iLizwi likaNkulunkulu libalwa. Bathi nxa besizwa amazwi abalingiswa abatshiyeneyo kuyabanceda ukuthi bakubone ngelihlo lengqondo lokho okwakusenzakala besekusenza ukuthi bayizwisise kuhle iMibhalo. (Zag 4:5) Abanye bathi ukulalela iBhayibhili elirekhodiweyo kuyabanceda ukuthi balwisane lokukhathazeka.—Hu 94:19.

Ukuzwa iLizwi likaNkulunkulu libalwa kungayitshintsha impilo yethu. (2Imi 34:19-21) Nxa iBhayibhili elirekhodiweyo likhona ngolimi oluzwisisayo kungaba kuhle ukuthi uhlale ulisebenzisa.

BUKELANI IVIDIYO ETHI UKUREKHODWA KWEBHAYIBHILI—ISIQEPHU, BESELIPHENDULA UMBUZO OLANDELAYO:

Kuyini okuthanda kakhulu ngomsebenzi wokurekhodwa kweBhayibhili?