UNkulunkulu Ulendaba Lawe
IBHAYIBHILI livela kuNkulunkulu yikho lilamacebo amahle kakhulu angasinceda. Lanxa lingayisilo bhuku lezempilakahle, lilamacebo angasinceda silwisane lokukhathazeka, imicabango ehluphayo kanye leminye nje imikhuhlane ehlasela ingqondo.
Kanti njalo iBhayibhili liyasitshela ukuthi uMdali wethu uJehovaa uNkulunkulu uyayizwisisa imicabango yethu lendlela esizizwa ngayo ukwedlula loba ngubani. Uzimisele ukusincedisa silwisane lenhlupho esihlangana lazo. Nanka amavesi amabili aduduzayo:
“UJehova useduze lalabo abalenhliziyo ezidabukileyo, uyabasiza abadanileyo.”—IHUBO 34:18.
“Mina Jehova uNkulunkulu wakho, ngibambe isandla sakho sokudla ngithi kuwe, ‘Ungesabi ngizakunceda.’”—U-ISAYA 41:13.
UJehova ubancedisa njani labo abalemikhuhlane ehlasela ingqondo? Ezihlokweni ezilandelayo uzabona indlela uJehova atshengisa ngazo ukuthi ulendaba lawe.
a UJehova libizo likaNkulunkulu.—IHubo 83:18.