Okungakunceda Nxa Ubala

Dinga Amagugu Amayelana LoJehova

Nxa sibala iBhayibhili singachwayisisa emabhukwini ethu ukuze sikuzwisise lokho esikubalayo. Kodwa inhloso yethu ayisiyo yokwengezelela ulwazi nje kuphela. Sifuna ukuthola amagugu amayelana lobuntu bukaJehova azakwenza simthande kakhulu. Ukuze siwathole singazibuza ukuthi, ‘Amavesi la angifundisani ngoJehova?’

Singadinga ubufakazi obutshengisa ukuthi uJehova ulothando, lokuhlakanipha, lamandla lokuthi wahlulela kuhle. Kodwa kunengi esingakuthola mayelana lokuthi uJehova unjani. Singakuthola ngaphi okunengi okumayelana lobuntu bukaJehova?

Khangela izinto ezedlula 50 ezimayelana loJehova okukhulunywa ngazo ku-Watch Tower Publications Index ngaphansi kwesihloko esithi “Jehovah” ubususiya esihlokwaneni esithi “Qualities by Name.” Chwayisisa ngobuntu bukaJehova obuhambelana lendaba oyibala eBhayibhilini. (Nxa ule-Bhuku Lokuchwayisisa LaboFakazi BakaJehova kuphela khangela isihloko esithi “UJehova UNkulunkulu” ubususiya esihlokwaneni esithi “Izimpawu Zobuntu BukaJehova.”)