Dinga Amagugu AseLizwini LikaNkulunkulu Ongawasebenzisa

Nxa sibala iBhayibhili singachwayisisa ukuze sithole amagugu. Kodwa kuyini okungasinceda nxa sichwayisisa?

Gebha ujule ukuze uthole okunengi endabeni oyabe uyibala. Ngokwesibonelo, dinga ukuthi ngubani owabhala indaba leyo, lokuthi wayibhalela obani kanye lokuthi wayibhala nini. Dinga ukuthi kuyini okwakwenzakele engakayibhali lokuthi kuyini okwenzakalayo ngemva kokuyibhala.

Dinga izifundo ezisendabeni oyibalayo ngokuchwayisisa usebenzisa imibuzo enjengale: ‘Abantu okukhulunywa ngabo babesizwa njani? Babelobuntu obunjani? Kungani kumele ngibalingisele kumbe kungamelanga ngibalingisele?’

Okufundileyo kusebenzise ekutshumayeleni kumbe endleleni ophatha ngayo abanye. Nxa ungenza njalo uzaba lokuhlakanipha okuvela kuNkulunkulu njengoba leBhayibhili lisithi: “Ohlakaniphileyo uzazinanzelela izinto lezi.”—Hubo. 107:43.

• Ongakwenza: Nanzelela ukuthi esikufunda emhlanganweni waphakathi kweviki kungxenye ethi Amagugu AseLizwini LikaNkulunkulu kusinceda njani ukuthi sisebenzise lokho esikufundayo. Ingxenye le ijayele ukuba lemibuzo esingazibuza yona, lemicijo esingacabangisisa ngayo kanye lemifanekiso esingayihlola.