Okungakunceda Nxa Ubala

Bamba “Izingoma Zokukhonza” Ngekhanda

“Nxa ngihlulukelwe uJehova uyangikhuthaza esebenzisa ingoma ze-JW Broadcasting^®.”—uLorraine, e-U.S.A.

Kusukela kudala amaKhristu ayehlabela “izingoma” edumisa uNkulunkulu. (Kol. 3:16) Ukwazi izingoma zethu ngekhanda kungakunceda nxa lapho okhona uyabe ungelasihlabelelo kumbe i-JW Library^®. Zama ukulandela amacebo alandelayo ukuze wenelise ukubamba ingoma zethu ngekhanda.

• Bala amazwi engoma uze uzwisise ukuthi atshoni. Nxa into uyizwisisa kulula ukuthi uyikhumbule. Amazwi engoma zethu zonke okugoqela lezeBroadcasting ayatholakala ku-jw.org. Hamba engxenyeni ethi izinto ezikhona ubusuvula okubhalwe ukuthi UMculo.

• Bhala amazwi engoma ngesandla. Ukwenza njalo kuzakunceda ukuthi ahlale engqondweni futhi uwakhumbule lula.—Dute. 17:18.

• Phrakthiza uphumisela. Bala amazwi engoma kumbe uyihlabele kanengi uphumisela.

• Yihlabele ngekhanda. Zama ukuyihlabela ngekhanda ungakhangelanga lapho oyibhale khona ukuze ubone ukuthi usuyibambe kangakanani.