Sebenzisa Ama-Marginal Reference

Nxa ubala ivesi ethile kuNguqulo Yomhlaba Omutsha uyabona lamanye amavesi eceleni angakunceda uyizwisise kuhle indaba oyibalayo. Manje ungawathola njani ama-marginal reference? Kuqalisa ibala besekusithi phambi kwalo kube lohlamvu lwebala. Nxa usebenzisa iBhayibhilil eliphrintiweyo, kuloluhlu lwamavesi phakathi laphakathi kwekhasi linye ngalinye futhi kuyabe kulenhlamvu ezihambelana lalezo ezisemavesini oyabe uwabala. Nxa ubala iBhayibhili ku-jw.org kumbe ku-JW Library^®, ungahlaba uhlamvu olusebaleni elisevesini kuyaphuma amavesi ahambelana lendaba oyibalayo.

Nanku okunye ozakunanzelela nxa ungasebenzisa ama-marginal reference:

Indaba Efananayo: Angakutshengisa elinye ibhuku eliseBhayibhilini lapho okukhulunywa khona ngendaba yonaleyo. Ngokwesibonelo, khangela u-2 Samuyeli 24:1 lo-1 ImiLan. 21:1.

Okuthethwe Khona Umutsho: Angakutshengisa ukuthi umutsho owubalayo uthethwe kuyiphi ivesi. Ngokwesibonelo, khangela uMathewu 4:4 loDutheronomi 8:3.

Isiphrofetho Esagcwalisekayo: Angakutshengisa isiphrofetho lamavesi akhuluma ngokugcwaliseka kwaso. Ngokwesibonelo, khangela uMathewu 21:5 loZak. 9:9.