UJesu Uzaqeda Zonke Izimpi

Ngesikhathi uJesu esemhlabeni watshengisa ukuthi uyabathanda kakhulu abantu waze wanikela ngokuphila kwakhe. (UMathewu 20:28; UJohane 15:13) Khathesi useyiNkosi yoMbuso kaNkulunkulu njalo sekuseduze ukuthi aphinde atshengise ukuthi uyabathanda abantu. Uzakwenza lokhu ngokusebenzisa amandla alawo ukuthi ‘aqede izimpi emhlabeni wonke.’—IHubo 46:9.

Zwana ukuthi iBhayibhili lithi kuyini okunye okuzakwenziwa yiNkosi yethu uJesu:

• “Izalamulela umyanga okhalela uncedo, ilamulele lomuntukazana kanye laloba ngubani ongelamuntu ongamsiza. Izazwela umuntukazana lomyanga, isindise abadubekayo. Izabakhulula ekuhlukuluzweni lasebantwini abalodlakela.”—IHubo 72:12-14.

Manje singatshengisa njani ukuthi siyabonga ngakho konke uJesu asenzele khona lalokho azasenzela khona esikhathini esizayo? Okunye esingakwenza yikufunda okunengi ‘ngezindaba ezinhle zoMbuso kaNkulunkulu’ uJesu ayezitshumayela. (ULukha 4:43) Bala isihloko esithi “Uyini UMbuso KaNkulunkulu?”