Ukwanda Kobubi Emhlabeni—IBhayibhili Lithini?

Amaqembu ezigangi abathwalise nzima abantu eHaiti. Udlakela lobugebenga lokhe kusanda eSouth Africa, eMexico lakwamanye amazwe eLatin America. Lanxa kwezinye indawo kungeladlakela olwethusa kangako, abantu abanengi bayakhathazeka nxa besizwa imibiko enjengokugqekezwa kwezakhiwo, ukubanjwa inkunzi kumbe ukutshiswa kwempahla zabantu.

IBhayibhili lithini ngezinto zonke lezi ezimbi ezenzakalayo?

Okwatshiwo liBhayibhili ngokwanda kobubi

IBhayibhili lathi ukwanda kobubi kwakuzakuba yisibonakaliso ‘sesiphetho somumo lo wezinto.’ (UMathewu 24:3) Ngesikhathi uJesu Khristu ekhuluma ngesibonakaliso lesi wathi:

• “Lothando lwabanengi luzaphola ngenxa yokwanda kobubi.”—UMathewu 24:12.

IBhayibhili laphinda lathi “ezinsukwini zokucina” kuzakuba labantu ‘abangazikhuziyo, abalolaka labangakuthandiyo okuhle.’ (2 KuThimothi 3:1-5) Lokhu yikho okubangela ukuthi ububi bande kangaka lamuhla.

Kodwa izinto azisoze zihlale zinjalo. IBhayibhili lithembisa ukuthi bonke ububi buzaphela du!

• “Sekusele isikhathi esincane nje ukuthi ababi babe bengasekho. Uzakuthi ukhangela lapho ababekhona, ubone bengasekho. Kodwa abathobekileyo bazakudla ilifa lomhlaba. Bazathokoza kakhulu ngoba kuyabe sekulokuthula okukhulu.”—IHubo 37:10, 11.

Funda okunengi ngalokho iBhayibhili elisithembisa khona lokuthi kungani sisithi izinto ezenzakala khathesi zigcwalisa isiphrofetho. Bala izihloko ezilandelayo.

“Ithemba Elimayelana Lekusasa Elingcono”

“Zibonakala Ngani ‘Izinsuku Zokugcina,’ Noma ‘Isikhathi Sokuphela’?”

“IBhayibhili Laphrofetha Yini Ngalokho Okwenziwa Ngabantu Kulezinsuku?”