UJesu Uzaqeda Ubugebenga

UJesu uyabazi ubuhlungu abantu ababuzwayo nxa bephathwa kubi kumbe behlaselwa yizigebenga. Phela waqanjelwa amanga, watshaywa kungelanto ayiphambanisileyo, wagwetshelwa icala angalaziyo futhi wabulawa ngendlela ebuhlungu kakhulu. Lanxa wayengonanga lutho, wayezimisele ‘ukunikela ngempilo yakhe ukuze ibe yinhlawulo yabanengi.’ (UMathewu 20:28; UJohane 15:13) Khathesi uJesu useyiNkosi yoMbuso kaNkulunkulu njalo sekuseduze ukuthi asebenzise amandla alawo ukuthi aqede bonke ubugebenga.—U-Isaya 42:3.

Zwana ukuthi iBhayibhili lithi uJesu uzakwenzani ukuze aqede ubugebenga lokuthi impilo izabe isinjani ngalesosikhathi:

• “Sekusele isikhathi esincane nje ukuthi ababi babe bengasekho. Uzakuthi ukhangela lapho ababekhona, ubone bengasekho. Kodwa abathobekileyo bazakudla ilifa lomhlaba. Bazathokoza kakhulu ngoba kuyabe sekulokuthula okukhulu.”—IHubo 37:10, 11.

Manje singatshengisa njani ukuthi siyabonga ngakho konke uJesu asenzele khona lalokho azasenzela khona esikhathini esizayo? Okunye esingakwenza yikufunda okunengi ‘ngezindaba ezinhle zoMbuso kaNkulunkulu’ uJesu ayezitshumayela. (ULukha 4:43) Bala isihloko esithi “Uyini UMbuso KaNkulunkulu?”