Ngubani Ongamthemba?—IBhayibhili Lithini?

Abantu bayadana nxa bebona labo ababathembayo bebalahlisa. Abanengi abasabathembi . . .

• abakhokheli bezombusazwe ngoba bagijimisa okwabo bengelandaba lalokho okufunwa ngabantu.

• abezindaba ngoba babika imibiko engamanga futhi engaqondanga.

• abezesayensi ngoba abaqakathekisi okufunwa ngabantu.

• abakhokheli bamasonto ngoba basekela ezombusazwe kulokuthi basekele uNkulunkulu.

Abantu abasaphonguthemba loba ngubani. Baqondile sibili ngoba iBhayibhili lisixwayisa lisithi:

• “Ungathembi abakhokheli abangabantu; akulamuntu ongakusindisa.”—IHubo 146:3, Good News Translation.

Umuntu ongamthemba

 IBhayibhili litshengisa ukuthi ukhona umuntu esingamthemba, uJesu Khristu. Wayengasondoda elungileyo nje kuphela eyaphila kudala. Kodwa uNkulunkulu wamkhetha ukuthi ‘abe yiNkosi njalo uMbuso wakhe awusoze uphele.’ (ULukha 1:32, 33) UJesu uyiNkosi yoMbuso kaNkulunkulu okutsho uhulumende obusayo khathesi ezulwini.—UMathewu 6:10.

• Ukuze uzwe ukuthi kungani ungamthemba uJesu, bala isihloko esithi “Ngubani INkosi YoMbuso KaNkulunkulu?” lesithi “UMbuso KaNkulunkulu Uzabenzelani Abantu?”