Amabhuku Asetshenziswe Ku-Gwalo Lwempilo Lenkonzo YamaKhristu
© 2024 Watch Tower Bible and Tract Society of Pennsylvania
MAY 6-12
AMAGUGU ASELIZWINI LIKANKULUNKULU | IHUBO 36-37
“Ungathukutheli Ngenxa Yabantu Ababi”
Kuyini Okuzasuswa Lapho UMbuso KaNkulunkulu Ufika?
4 Kusiphatha njani okwenziwa ngabantu ababi? Umphostoli uPhawuli wathi ezinsukwini zokucina kuzakuba lezikhathi ezinzima. Ngemva kwalokho waqhubeka wathi: “Abantu ababi labakhohlisi bazakonakala ngokudlulisileyo.” (2 Tim. 3:1-5, 13) Uyakubona yini lokhu kusenzakala? Phose sonke siyake sithwaliswe nzima ngabantu abalodlakela, abalenzondo kanye lezigebenga. Abanye benza ububi lobu egcekeni ikanti abanye ngabakhohlisi abenza angani bafuna ukunceda abantu bona bengamaqili. Lanxa ungakaze uhlangane lakho lokhu ukuzwa loba ukubona isihluku abasenzayo kuzwisa ubuhlungu. Kuyadanisa lokubabona behlukuluza abantwana, abantu asebekhulile lalabo abangelamandla okuzivikela. Abantu laba benza angani zinyamazana njalo balomoya wobudimoni. (Jak. 3:15) Lanxa kulobubi obungaka okusithokozisayo yikuthi iBhayibhili lisinika ithemba.
UJehova Uyababusisa Abathethelela Abanye
10 Ukubamba isikhwili kuyalimaza. Ukubambela omunye isikhwili kufanana lokuthwala umthwalo osindayo. UJehova kafuni sizithwalise nzima ngomthwalo lo kodwa ufuna sithole impumuzo ebakhona nxa singawethula. (Bala u-Efesu 4:31, 32.) Usikhuthaza ukuthi ‘sixwaye ukuzonda njalo sifulathele intukuthelo.’ (Hubo. 37:8) Kuyanceda ukulalela amazwi la. Ukubamba isikhwili kungasigulisa njalo kuphambanise indlela esicabanga ngayo. (Zaga. 14:30) Ukubamba isikhwili kufanana lokunatha itshefu sizitshela ukuthi izalimaza omunye. Kodwa nxa sithethelela abanye siyabe sizinceda. (Zaga. 11:17) Sizahlaliseka njalo siqhubeke sikhonza uJehova sithokoza.
Kuyini Okuzasuswa Lapho UMbuso KaNkulunkulu Ufika?
5 UJehova uzabenzani abantu ababi? Khathesi uJehova unike abantu ababi ithuba lokuthi bantshintshe. (Isaya. 55:7) Yikho nxa bangazimisela ukuntshintsha bazasinda lapho umumo lo utshabalaliswa. Kodwa kuzakwenzakalani kulabo abangafuniyo ukuntshintsha lalabo abazaqhubeka besekela umumo lo kuze kufike ukuhlupheka okukhulu? Bazayifunda ivaliwe ngoba ngalesosikhathi uJehova uzasusa bonke abenza okubi. (Bala iHubo 37:10.) Lamuhla abantu abanengi bayafihla okubi abakwenzayo ukuze bangatholi isijeziso. Yikho bangacabanga ukuthi isijeziso sokususwa kwababi kasisoze sibehlele. (Jobe. 21:7, 9) Kodwa iBhayibhili lithi: “Amehlo [kaNkulunkulu] aphezu kwezindlela zabantu; ubona zonke izinyathelo zabo. Akulandawo emnyama njani lathunzi elisithe njani, lapho abenzi bobubi abangacatsha khona.” (Jobe. 34:21, 22) Kakho umuntu ongacatshela uJehova loba amqile ngoba uyakubona konke okwenzakalayo. Ngemva kwe-Amagedoni awusoze uphinde ubabone abantu abenza okubi, kuyabe sekuphelile ngabo!—Hubo. 37:12-15.
6 Ngobani abazasala nxa ababi sebebhujisiwe? UJehova uthi: “Abathobekileyo bazakudla ilifa lelizwe bakholise ukuthula okukhulu.” Uphinda athi: “Abalungileyo bazazuza ilifa lelizwe bahlale kulo lanini.” (Hubo. 37:11, 29) Abathobekileyo okukhulunywa ngabo lapha yilabo abavuma ukufundiswa lokuqondiswa nguJehova uNkulunkulu ikanti abalungileyo ngabazimisele ukwenza intando yakhe. Lamuhla abantu abenza okubi banengi kakhulu ukwedlula abalungileyo. Kodwa emhlabeni omutsha esiwulindeleyo kuzabe kulabantu abathobekileyo labalungileyo kuphela. Yibo abazakwenza umhlaba lo ube lipharadayisi.
Ukuchwayisisa IMibhalo
it-2-E 445
Izintaba
Zihlala zikhona, ziqinile futhi ziphakeme. Izintaba zaziwa ngokuqina langokuhlala zikhona. (Isy 54:10; Hab 3:6; khangela loHu 46:2.) Yikho umhubi wathi ekhuluma ngokulunga kukaJehova wathi “kunjengezintaba zikaNkulunkulu” (Hu 36:6, amabala angaphansi) okutsho ukuthi ukulunga kukaJehova akupheli. Kanti njalo izintaba ziphakeme yikho lokulunga kukaNkulunkulu kuphakeme kakhulu kulokwabantu. (Khangela u-Isy 55:8, 9.) Ngemva kokuthululwa komganu wesikhombisa omela intukuthelo kaNkulunkulu, iSambulo 16:20 sithi: ‘Izintaba azisoze zitholakale.’ Lokhu kutshengisa ukuthi lezinto eziphakeme njengezintaba lazo zizatshabalala ngosuku lolaka lukaNkulunkulu.—Khangela uJer 4:23-26.
MAY 13-19
AMAGUGU ASELIZWINI LIKANKULUNKULU | IHUBO 38-39
Ungahlali Uzisola
“Khangelisa Amehlo Akho Nta Phambili”
12 Bala u-1 Johane 3:19, 20. Sonke siyake sizisole ngezinye izikhathi. Ngokwesibonelo, abanye bayazisola ngezinto ababezenza bengakafundi iqiniso. Abanye bona bazisola ngamaphutha abawenza sebebhabhathiziwe. (Rom. 3:23) Siyafisa sibili ukwenza izinto eziqondileyo kodwa “sonke siyaphambanisa izikhathi ezinengi.” (Jak. 3:2; Rom. 7:21-23) Lanxa ukuzisola kubuhlungu, kuyanceda ngoba kungenza silungisise ebesikuphambanisile futhi sizimisele ukungakuphindi.—Heb. 12:12, 13.
13 Kungenzakala ukuthi sihlale sizisola lanxa sesiphendukile futhi uJehova esesithethelele. Ukuzisola okunjalo kuyingozi. (Hubo. 31:10, NWT; 38:3, 4) Kungani sisitsho njalo? Ake sixoxe ngomunye udade owayehlala ezisola ngezono azenzayo. Wathi: “Ngangibona angani akuncedi ukuthi ngitshiseke ekukhonzeni uJehova ngoba ngangicabanga ukuthi kangisoze ngisindiswe.” Abanye bethu singazizwa ngale indlela. Kodwa kumele sinanzelele ukuthi singahlali sizisola ngoba uSathane angathokoza kakhulu nxa singayekela ukukhonza uJehova lanxa uJehova esesithethelele.—Khangela u-2 Khorinte 2:5-7, 11.
w02-ZU 11/15 20 ¶1-2
Singazenza Kanjani Izinsuku Zethu Zamukeleke KuJehova?
IZINSUKU zokuphila kwethu zibonakala zimbalwa futhi zidlula ngokushesha. Umhubi uDavide wazindla ngobufushane bokuphila washukumiseleka ukuba athandaze athi: “Jehova, ngazise ukuphela kwami, nesilinganiso sezinsuku zami ukuba siyini; mangazi ukuthi ngingodlulayo. Bheka, izinsuku zami wazenza zaba ngangobubanzi besandla; imihla yokuphila kwami ayilutho kuwe.” UDavide wayekhathalela ukuphila ngendlela eyayiyojabulisa uNkulunkulu, ngenkulumo nangezenzo. Ezwakalisa ukwethembela kwakhe kuNkulunkulu, wathi: “Ithemba lami likuwe.” (IHubo 39:4, 5, 7) UJehova walalela. Ngempela wazilinganisa izenzo zikaDavide wayesemvuza ngokufanele.
Kulula ukuba matasa umzuzu ngamunye wosuku nokuxinwa ukuphila okusheshayo nokumatasa. Lokhu kungasenza sikhathazeke, ikakhulu njengoba sinokuningi kangaka okumelwe sikwenze kodwa sisincane kangaka isikhathi sokukwenza. Ingabe nathi sikhathalela into efanayo neyayikhathalelwa uDavide—ukwenza ukuphila kwethu kwamukeleke kuNkulunkulu? Akukho kungabaza ngokuthi uJehova usibhekile futhi uhlolisisa ngamunye wethu. UJobe, indoda eyayimesaba uNkulunkulu, wavuma eminyakeni engaba u-3 600 edlule ukuthi uJehova wayezibona izindlela zakhe futhi ebala zonke izinyathelo zakhe. UJobe wabuza: “Lapho engiphenya, ngingaphendula ngokuthini na?” (Jobe 31:4-6, 14) Singakwazi ukwenza izinsuku zethu zamukeleke kuNkulunkulu ngokwenza izinto ezingokomoya zize kuqala, ngokulalela imiyalo yakhe nangokusebenzisa isikhathi sethu ngokuhlakanipha. Ake sizihlolisise lezi zinto.
Vuselela Ubungane Bakho LoJehova
Hlala uthandaza kuJehova. UBaba wakho uyazwisisa ukuthi ukuhlala uzithonisisa ngephutha owalenzayo kungenza kube nzima ukuthi uthandaze kuye. (Rom. 8:26) Lanxa kunjalo ‘phikelela ekuthandazeni’ umtshela ukuthi uyafuna sibili ukulungisisa ubudlelwano bakho laye. (Rom. 12:12) U-Andrej ukhumbula lokho okwenzakala kuye esebuyiselwe, uthi: “Ngangizithonisisa kakhulu futhi ngizizwa ngiyangekile. Kodwa ngangisithi ngingathandaza ngisale sengisizwa ngcono futhi sengihlalisekile.” Nxa uswele ukuthi uthini emithandazweni yakho, bala imithandazo eyenziwa yiNkosi uDavida isiphendukile, etholakala kuHubo 51 lo-65.
Ukuchwayisisa IMibhalo
Woba Ngumuntu Othembekileyo
16 Zikhuze. Kumele sibe ngabantu abazikhuzayo ukuze abanye basithembe. Ukuzikhuza kuzasinceda ukuthi sizibambe nxa sesilingeka ukuthi siveze imfihlo yabanye. (Bala iZaga 10:19.) Kungaba nzima ukuzikhuza nxa sisebenzisa ezokuxhumana. Nxa singekela ukunanzelela singacina sesichaye egcekeni izinto eziyimfihlo zicine sezibonwe ngabantu abanengi. Phela nxa singafaka okuthile kwezokuxhumana siyabe singakwazi ukuthi abanye bazakusebenzisa njani lokuthi kungabangela uhlupho olunganani. Ukuzikhuza kuzasinceda lokuthi singavumi ukuqilwa ngabaphikisi abafuna sikhulume izinto ezingafaka abafowethu labodadewethu engozini. Into enjalo ingenzakala emazweni lapho umsebenzi wethu ongavunyelwa khona ngesikhathi abafowethu bebuzwa imibuzo ngamapholisa. Nxa sekunjalo kuyabe sokumele ‘sivale imilomo yethu.’ (Hubo. 39:1) Kumele sibe ngabantu abathembekileyo emulini, kubangane bethu, kubafowethu labodadewethu lasebantwini bonke nje. Kuqakathekile ukuthi sizikhuze nxa sifuna ukuba ngabantu abathembekileyo.
MAY 20-26
AMAGUGU ASELIZWINI LIKANKULUNKULU | IHUBO 40-41
Kungani Kumele Sincede Abanye?
Bayathokoza Abaphanayo
16 Abantu abaphanayo kabenzeli abanye umusa ukuze bathole inzuzo. Yikho uJesu wathi: “Nxa usenza idili, nxusa abayanga, izilima, izigoga, iziphofu, lapho uzabusiswa. Loba bengasoze bakwenanise lawe.” (Luk. 14:13, 14) IBhayibhili lithi: “Umuntu ophanayo uzabusiswa.” Liphinda lithi: “Ubusisiwe lowo onanza abahluphekayo.” (Zaga. 22:9; Hubo. 41:1) Amazwi la atshengisa ukuthi ukunceda abanye kwenza sithokoze.
17 Ngesikhathi uPhawuli ebhala amazwi akhulunywa nguJesu athi “ukupha kuyathokozisa kakhulu ukwedlula ukwamukela,” wayengakhulumi ngokunika abanye izinto esilazo kuphela kodwa wayekhuluma langokubakhuthaza lokubeluleka kanye lokwenza okuthile ukuze sibaphathise. (ImiSeb. 20:31-35) Ngakho umphostoli uPhawuli wasifundisa ngamazwi langezenzo ukuthi sithande abanye njalo sisebenzise isikhathi sethu lamandla ethu kanye lakho konke esilakho ukuze sibasize.
18 Ingcitshi ezibona ngokudlelana kwabantu emphakathini sezinanzelele ukuthi ukupha kwenza umuntu ajabule. Elinye ibhuku libika ukuthi “abantu bathi bayathokoza kakhulu nxa banganceda abanye.” Abanye abachwayisisayo bathi ukusiza abanye “kwenza umuntu aphile impilo elenjongo njalo asuthiseke.” Yikho ezinye ingcitshi zisithi kuhle ukuthi abantu benze umsebenzi womphakathi bengaholi ukuze bathuthukise impilakahle yabo futhi bajabule. Lokhu kakusimangalisi ngoba uJehova uMenzi womuntu wavele watsho eLizwini lakhe ukuthi ukupha kuyathokozisa.—2 Tim. 3:16, 17.
UJehova Uzakuqinisa
7 Njengalokho okwakusenziwa yizinceku zikaNkulunkulu zasendulo lathi nxa sigula singenelisa ukumcela ukuthi asiphe induduzo, asisize ukuthi senze izinqumo ngokuhlakanipha lokuthi asiqinise. INkosi uDavida yabhala yathi: “Ubusisiwe lowo onanza abahluphekayo; uJehova uyamkhulula ngezikhathi zokuhlupheka. UJehova uzamvikela alondoloze impilo yakhe.” (Hubo. 41:1, 2) Siyakwazi ukuthi abantu ababenanza abahluphekayo ngesikhathi sikaDavida abazange baqhubeke bephila kokuphela. Ngakho uDavida wayengatsho ukuthi umuntu owayephatha kuhle abahluphekayo wayezaqhubeka ephila ngendlela eyisimangaliso, ahlale kuze kube nini lanini. Esikunanzelelayo yikuthi amazwi la aphefumulelweyo atsho ukuthi uNkulunkulu uyenelisa ukusiza umuntu onanza abahluphekayo. Njani? UDavida wachaza ukuthi “uJehova uzamqinisa lanxa elele egula njalo amsilise avuke ekuguleni kwakhe.” (Hubo. 41:3) Ngakho-ke umuntu onanza ohluphekayo kumele abe leqiniso lokuthi uNkulunkulu uyakubona lokho akwenzayo kanye lokuthembeka kwakhe. Njalo nxa laye esegula, amandla avela kuNkulunkulu enza ukuthi umzimba uzelaphe azamnceda ukuthi asile ekuguleni kwakhe.
Lingisela Isihawu SikaJehova
17 Sesibonile ukuthi ukuba lesihawu kuyasinceda kakhulu. Okumele kusifuqe ukuthi sibe lesihawu yikufuna ukudumisa uJehova uNkulunkulu wethu olesihawu. (IZaga 14:31) UJehova uyisibonelo esihle endabeni le ngakho kumele sizame ngamandla ethu wonke ukumlingisela. Singenza njalo sizakuba lobudlelwano obuhle labafowethu labodadewethu kanye labomakhelwane bethu.—Gal. 6:10; 1 Joh. 4:16.
Ukuchwayisisa IMibhalo
it-2-E 16
UJehova
IBhayibhili lilonke nje likwenza kucace ukuthi uJehova nguye olelungelo lokubusa lokuthi uzayigcwalisa njani inhloso yakhe yokungcwelisa ibizo lakhe. Phela sekulesikhathi eside ibizo likaNkulunkulu lingcoliswa. Izingilosi kanye labantu kumele balihloniphe njalo balingcwelise ibizo lakhe. Okwenza izidalwa zikaJehova zimkhonze futhi zimhloniphe yikuthi ziyamthanda futhi ziyananzelela ukuthi nguye olelungelo lokusibusa. Umthandazo kaDavida okuHubo 40:5-10 utshengisa ukuqakatheka kokungcwelisa ibizo likaJehova. (Bala uHebheru 10:5-10 ukuze ubone ukuthi umphostoli uPhawuli wathi amanye amavesi akuHubo isahluko 40 agcwaliseka njani kuKhristu uJesu.)
MAY 27–JUNE 2
AMAGUGU ASELIZWINI LIKANKULUNKULU | IHUBO 42-44
Kusebenzise Konke Esikufundiswa NguJehova
w06-ZU 6/1 9 ¶4
Amaphuzu Avelele ENcwadi Yesibili YamaHubo
42:4, 5, 11; 43:3-5. Uma ngesizathu esithile esingenakusilawula sizithola sihlukene nebandla lobuKristu isikhashana, ukukhumbula injabulo esasinayo kulobo budlelwane kungasiqinisa. Nakuba lokhu ekuqaleni kungase kusenze sibe nesizungu ngokwengeziwe, kungasikhumbuza nokuthi uNkulunkulu uyisiphephelo sethu nokuthi kudingeka silindele yena ukuze sithole impumuzo.
Ungayigcina Njani Inhliziyo Yakho?
15 Lokhu singakwenza ngokubala iBhayibhili ngoba lilemicabango kaJehova. Nxa silibala siyabe simvumela ukuthi aqondise indlela esicabanga ngayo lesenza ngayo. Manje singenzani ukuze sizwisise okunengi nxa sibala iBhayibhili? Kumele siqale ngokuthandaza. Omunye udadewethu uthi: “Ngingakabali iBhayibhili ngiqala ngithandaze kuJehova ngimcela ukuthi angisize ‘ngibone izinto ezimangalisayo’ eziseLizwini lakhe.” (Hubo. 119:18) Okunye okungasinceda yikucabangisisa ngalokho esikubalayo. Nxa singathandaza, sibale iBhayibhili futhi sicabangisise ngalokho esikubalayo, ‘sizawagcina enhliziyweni’ amazwi kaNkulunkulu njalo sizayithanda imithetho yakhe.—Bala iZaga 4:20-22; Hubo. 119:97.
“Ungavumeli Ukuba Izandla Zakho Zibe Buthakathaka”
11 Okunye okusiqinisayo yimfundo esiyithola emihlanganweni yebandla, emihlanganweni yeziqinti leyezabelo. Enye njalo imfundo itholakala ezikolo ezitshiyeneyo eziqhutshwa yinhlanganiso yethu. Imfundo le iyasinceda ukuthi singapheli amandla, sihlele esifuna ukukwenza enkonzweni njalo siphumelele ukwenza yonke imisebenzi esiyiphiwayo. (Hubo. 119:32) Nxa ungakusebenzisa konke lokhu esikuphiwa nguJehova uzahlala uqinile ekukhonzeni.
12 UJehova wasiza ama-Israyeli ukuthi anqobe ama-Amaleki lamaKhushi njalo wanika uNehemiya labanye bakhe amandla ukuze benelise ukuwuqeda umsebenzi wokwakha kutsha imiduli yeJerusalema. Lathi uNkulunkulu uzasinika amandla okulwisana lokuhlukuluzwa, ukuzondwa kanye lokukhathazeka ukuze siqhubekele phambili ngomsebenzi wokutshumayela. (1 Phet. 5:10) Kodwa kasilindelanga ukuthi uJehova asenzele izimangaliso, kulokuthile okufanele sikwenze. Kumele sibale iLizwi likaNkulunkulu nsuku zonke, silungiselele imihlangano njalo siyingene maviki wonke, sibe lesikhathi sokufunda sisodwa lesokukhonza kwemuli futhi sikhuleke kokuphela kuJehova. Akumelanga sivumele ukuthi ezinye izinto zisiphambanise ekwenzeni konke lokhu ngoba yikho uJehova akusebenzisayo ukuze asiqinise. Nxa kukhona ongasakwenzi kuhle ezintweni lezi esiziqambe phezulu, thandaza kuNkulunkulu ucele ukuthi akusize. Ungenza njalo uzabona ukuthi umoya wakhe ongcwele ‘uzasebenza phakathi kwakho’ ukwenze ‘ufune njalo wenze okumthokozisayo.’ (Flp. 2:13) Manje kuyini ongakwenza ukuze uqinise abanye?
Ukuchwayisisa IMibhalo
it-1-E 1242
Ikhanka
Kulamavesi aseBhayibhilini lapho ikhanka elisetshenziswa khona ngendlela engokomfanekiso. Ngesikhathi ekhuluma ngobuhlungu ayephakathi kwabo, uJobe wathi ‘wayesengumfowabo wamakhanka.’ (Job 30:29) Umhubi laye wakhuluma ngamakhanka ngesikhathi ekhuluma ngokunqotshwa kwabantu bakaNkulunkulu. Kungenzeka ukuthi wayejayele ukuwabona esidla izidumbu zabantu ababebulewe empini yikho wathi: “Usichobozile saba yikudla kwamakhanka.” (Hu 44:19, khangela loHu 68:23) Ukuvinjezelwa kweJerusalema ngamabutho eBhabhiloni ngomnyaka ka-607 B.C.E. kwenza ukuthi kube lendlala enkulu kakhulu eyabangela ukuthi omama bacine besidla abantwababo. Lokhu yikho okwenza uJeremiya wakhuluma ‘ngolunya lwabantu bakubo’ wathi bedlulwa ‘ngamakhanka amunyisa abantwabawo.’—IZil 4:3, 10.
JUNE 3-9
AMAGUGU ASELIZWINI LIKANKULUNKULU | IHUBO 45-47
Ingoma Emayelana Lomtshado WeNkosi
Thokoza Ngomtshado WeWundlu!
8 Bala iHubo 45:13, 14a. Umlobokazi ukhanya ‘ebucwazicwazi’ elungele umtshado wesikhosini. KuSambulo 21:2, umlobokazi ufaniswa ledolobho, iJerusalema eLitsha njalo ukhanya “ececele umkakhe.” Lelidolobho lasezulwini ‘lilenkazimulo kaNkulunkulu’ njalo liyacazimula, ‘njengelitshe eliligugu, njengejaspha, licwebezela njengelitshe elikhanyisayo.’ (Isam. 21:10, 11) Ubuhle obumangalisayo beJerusalema eLitsha buchazwa kuhle ebhukwini leSambulo. (Isam. 21:18-21) Yikho umhubi echaza umlobokazi ngokuthi ‘ubucwazicwazi.’ Lokhu akumangalisi ngoba umtshado lo uzabe usezulwini.
9 Umlobokazi usiwa kuMyeni wakhe, iNkosi enguMesiya. Umyeni ubemlungiselela ‘emhlambulula ngokumgezisa ngamanzi esebenzisa ilizwi.’ ‘Ungcwele njalo kalasici.’ (Efe. 5:26, 27) Umlobokazi laye ugqoke kuhle emtshadweni njengoba kumele abe njalo. Sibona ‘isembatho sakhe siceciswe ngegolide’ njalo ‘usiwa enkosini embethe izivunulo ezelukiweyo.’ Emtshadweni weWundlu umlobokazi lo ‘uphiwe ilineni elihle, elicazimulayo elihlanzekileyo ukuba agqoke. (Ilineni elihle limele imisebenzi emihle yabangcwele.)’—Isam. 19:8.
Ibhuku LeSambulo Lithi Kuzakwenzakalani Esikhathini Esizayo?
10 UJehova uzakwenzani nxa abantu bakhe sebehlaselwa? Uthi: “Ulaka lwami oluvuthayo luzavuka.” (Hez. 38:18, 21-23) ISambulo isahluko 19 siyasitshela okuzakwenzakala ngemva kwalokho. UJehova uzathumela iNdodana yakhe ukuthi ivikele abantu bakhe njalo inqobe izitha zakhe. UJesu uzabe ‘elamabutho asezulwini’ okutsho izingilosi ezithembekileyo kanye labangu-144 000. (Isam. 17:14; 19:11-15) Kuzahamba njani empini le? Bonke abantu abaphikisana loJehova bazatshabalaliswa. Lenhlanganiso zonke eziphikisana laye zizatshabalaliswa.—Bala iSambulo 19:19-21.
11 Akucabange ukuthi abathembekileyo abasemhlabeni bazathokoza njani ngemva kokutshabalaliswa kwezitha zikaNkulunkulu! Lanxa kuzakuba lokuthokoza okukhulu ezulwini nxa iBhabhiloni Enkulu isitshabalalisiwe kukhona okunye okuthokozisayo okuzakwenzakala. (Isam. 19:1-3) ‘Ngumtshado weMvana’ oyisenzakalo esiqakatheke kulazo zonke okukhulunywa ngazo ebhukwini leSambulo.—Isam. 19:6-9.
12 Unini umtshado lo? Bonke abangu-144 000 bazabe sebesezulwini impi ye-Amagedoni ingakaqalisi. Kodwa umtshado weMvana awusoze ubekhona ngalesosikhathi. (Bala iSambulo 21:1, 2.) Uzabakhona ngemva kwempi ye-Amagedoni izitha zikaNkulunkulu sezitshabalalisiwe.—Hubo. 45:3, 4, 13-17.
it-2-E 1169
Impi
Ngemva kwempi le kuzaba lokuthula okukhulu emhlabeni okweminyaka engu-1 000. Amazwi omhubi athi “[UJehova] uyaziqeda izimpi emhlabeni wonke, uqamula idandili ephule lomkhonto, atshise izinqola zempi ngomlilo” agcwaliseka ngesikhathi uNkulunkulu eletha ukuthula ko-Israyeli ngokutshabalalisa izikhali zezitha zabantu bakhe. Empini ye-Amagedoni, uKhristu uzatshabalalisa bonke ababangela izimpi futhi ngemva kwalokho kuzaba lokuthula okungapheliyo emhlabeni wonke. (Hu 46:8-10) Abazathola ukuphila okungapheliyo yilabo ‘abazakhanda inkemba zabo zibe yizikali zamakhuba okulima, lemikhonto yabo ibe zingqamu zokuthena izihlahla njalo abangasoze baphinde bafundele ukulwa impi.’ “Ngoba uJehova wamabutho usekhulumile.”—Isy 2:4; Mik 4:3, 4.
Ukuchwayisisa IMibhalo
Kuyini Okuzasuswa Lapho UMbuso KaNkulunkulu Ufika?
9 UJehova uzalethani esikhundleni sazo? IBhayibhili lithi: “Silindele izulu elitsha lomhlaba omutsha, ikhaya lokulunga.” (2 Phet. 3:13) UJehova uzasusa izulu elidala okutsho ohulumende abakhona lamuhla kanye lomhlaba omdala okutsho abantu abasekela ohulumende laba. Ngemva kwalokho uzaletha “izulu elitsha lomhlaba omutsha.” Amazwi la atshengisa ukuthi kuzakuba lohulumende omutsha kanye labantu abalungileyo abazabuswa ngulowo hulumende. Ngalesosikhathi kuzakuba lokuhleleka okumangalisayo emhlabeni omutsha ngoba uJesu uKhristu iNkosi yalowoMbuso uzabe elingisela uyise ngokugcweleyo. (1 Khor. 14:33) Kanti njalo kuzakhethwa amadoda azabe ekhokhela abantu bakaNkulunkulu eqondiswa nguKhristu labangu-144 000. (Hubo. 45:16) Siyabona-ke ukuthi zonke inhlanganiso ezikhona lamuhla zizasuswa kungene inhlanganiso eyodwa elokumanyana futhi engeke iqile abantu.
JUNE 10-16
AMAGUGU ASELIZWINI LIKANKULUNKULU | IHUBO 48-50
Bazali Ncedisani Abantwabenu Ukuthi Bayithembe Inhlanganiso KaJehova
Ukukhonza Kweqiniso Kuzakwenza Uthokoze
11 Siyabe sikhonza uJehova nxa sitaditsha iLizwi lakhe futhi sifundisa abantwabethu ngaye. Ngelanga leSabatha ama-Israyeli ayetshiya imisebenzi yawo yansuku zonke ukuze aqinise ubungane bawo loJehova. (Eks. 31:16, 17) Lawo ayethembekile ayefundisa abantwabawo ngoJehova langobuhle bakhe. Lathi kumele sibe lesikhathi sokubala lokutaditsha iLizwi likaNkulunkulu. Nxa sikwenza lokhu siyabe simkhonza futhi kuyasinceda ukuthi sisondele kuye. (Hubo. 73:28) Kanti njalo nxa sitaditsha siyimuli siyabe sinceda abantwabethu ukuthi babe ngabangane abaseduze bakaBaba wethu osezulwini osithandayo.—Bala iHubo 48:13.
w11-ZU 3/15 19 ¶5-7
Unesizathu Sokujabula
“Zungezani iZiyoni, nina bantu, nihambahambe kulo, nibale imibhoshongo yalo. Bekani izinhliziyo zenu egoqweni lalo lokuvikela. Hlolani imibhoshongo yalo yokuhlala, ukuze nilandise ngalo esizukulwaneni sesikhathi esizayo.” (IHu. 48:12, 13) Lapha umhubi wayenxusa ama-Israyeli ukuba alibukele eduze iJerusalema. Ungacabanga yini ngezingxoxo zezinkumbulo eziyigugu zemikhaya yama-Israyeli eyayithathe uhambo oluya emzini ongcwele, emikhosini yaminyaka yonke futhi yabona ithempeli lawo elihle kakhulu? Kumelwe ukuba yayishukumiseleka ukuba “ilandise ngalo esizukulwaneni sesikhathi esizayo.”
Cabanga ngendlovukazi yaseSheba, eyaqale yangayethemba imibiko yokubusa kukaSolomoni okuhle ngokumangalisayo nokuhlakanipha kwakhe okukhulu. Yini eyayenza yakholelwa ukuthi izinto eyayizizwile zaziyiqiniso? Yathi: “Angizange ngibe nokholo emazwini abo kwaze kwaba yilapho sengifikile ukuze ngizibonele ngamehlo ami.” (2 IziKr. 9:6) Yebo, esikubona ‘ngamehlo ethu’ kungasithinta ngokujulile.
Ungazisiza kanjani izingane zakho ukuba zibone izimangaliso zenhlangano kaJehova ‘ngamehlo azo’? Uma kunehhovisi legatsha loFakazi BakaJehova endaweni yakini, yenzani umzamo wokulivakashela. Ngokwesibonelo, indawo uMandy noBethany abakhulela kuyo yayiqhele ngamakhilomitha angu-1 500 ukusuka eBethel yasezweni lakubo. Nokho, abazali babo babehlela ukuba kuvakashelwe khona njalo kuyobonwa izakhiwo, ikakhulu ngesikhathi besakhula. Bathi: “Ngaphambi kokuba sivakashele eBethel, sasicabanga ukuthi iyindawo ezothe kakhulu neyabantu abadala kuphela. Kodwa sahlangana nabantu abasha ababezikhandla enkonzweni kaJehova futhi beyijabulela! Sabona ukuthi inhlangano kaJehova yayingapheleli nje endaweni yakithi encane, futhi isikhathi ngasinye lapho sivakashela eBethel sasivuseleleka ngokomoya.” Ukuyibukela eduze inhlangano kaNkulunkulu kwakhuthaza uMandy noBethany ukuba baqale ukuphayona, futhi baze bamenyelwa ngisho nokuba bazokhonza eBethel isikhashana.
w12-ZU 8/15 12 ¶5
Ziphatheni Njengezakhamuzi ZoMbuso!
5 Funda umlando. Umuntu ofisa ukuba isakhamuzi kuhulumeni wabantu kungase kudingeke afunde okuthile ngomlando walowo hulumeni. Ngokufanayo, labo abafisa ukuba izakhamuzi zoMbuso kaNkulunkulu benza kahle ngokufunda konke abangakufunda ngawo. Cabanga ngesibonelo samadodana kaKhora ayekhonza kwa-Israyeli wasendulo. Ayejabule kakhulu ngeJerusalema nangendawo yalo yokukhulekela futhi ekujabulela ukulandisa ngomlando walo muzi. Ayehlatshwa umxhwele yilokho lo muzi naleyo ndawo yokukhulekela okwakukumelela, hhayi nje ubuhle bamatshe ezindonga zawo. IJerusalema ‘laliwumuzi weNkosi Enkulu,’ uJehova, ngoba laliyisikhungo sokukhulekela okuhlanzekile. UMthetho kaJehova wawufundiswa lapho. UJehova wayebonisa umusa wakhe wothando kubantu ababebuswa iNkosi yaseJerusalema. (Funda iHubo 48:1, 2, 9, 12, 13.) Njengamadodana kaKhora, unaso yini isifiso sokufunda nokulandisa ngomlando wengxenye yasemhlabeni yenhlangano kaJehova? Lapho ufunda okwengeziwe ngenhlangano kaJehova nangendlela abasekela ngayo abantu baKhe, uMbuso wakhe uyoba ngokoqobo ngokwengeziwe kuwe. Isifiso sakho sokushumayela izindaba ezinhle zoMbuso kaNkulunkulu siyokhula ngokuzenzakalelayo.—Jer. 9:24; Luka 4:43.
Ukuchwayisisa IMibhalo
it-2-E 805
Inotho
Kwakubahambela kuhle abako-Israyeli ngoba babelokudla lokokunatha okweneleyo. (1 Am 4:20; Tsh 5:18, 19) Inotho yabo yayibavikela ukuthi bangahlaselwa yibuyanga. (Zag 10:15; Tsh 7:12) Lanxa kwakuyinhloso kaJehova ukuthi abako-Israyeli bakholise inotho ababeyisebenzela nzima (khangela uZag 6:6-11; 20:13; 24:33, 34), uJehova wabatshela ukuthi kwakumele bangakhohlwa ukuthi nguye owayebanika leyonotho yikho kwakungamelanga bathembe yona. (Dut 8:7-17; Hu 49:6-9; Zag 11:4; 18:10, 11; Jer 9:23, 24) Kwakungamelanga bakhohlwe ukuthi inotho ihlala isikhathi esifitshane (Zag 23:4, 5), lokuthi ngeke ihlawulele umuntu ekufeni (Hu 49:6, 7), kanye lokuthi ayimncedi ngalutho umuntu ofileyo (Hu 49:16, 17; Tsh 5:15). Bakhunjuzwa lokuthi ukuthanda inotho kungabangela ukuthi umuntu acine esenza izinto ezingamthokozisiyo uJehova. (Zag 28:20; khangela loJer 5:26-28; 17:9-11.) Baphinda bakhunjuzwa lokuthi ‘badumise uJehova ngokuhle kakhulu abalakho.’—Zag 3:9.
JUNE 17-23
AMAGUGU ASELIZWINI LIKANKULUNKULU | IHUBO 51-53
Qhubeka Usebenza Nzima Ukuze Ungenzi Isono Esikhulu
Ungayigcina Njani Inhliziyo Yakho?
4 Ibala elithi “inhliziyo” elikuZaga 4:23 litsho lokho umuntu ayikho “ngaphakathi,” “emibilini” yakhe. (Bala iHubo 51:6.) “Inhliziyo” igoqela imicabango, imizwa, inhloso kanye lezifiso. Zonke izinto lezi zingaphakathi komuntu futhi ngeke zibonwe ngabanye.
5 Ngakho kuqakathekile ukuthi sinanzelele lokho esiyikho ngaphakathi. Phela inhliziyo singayifanisa lomzimba. Njani? Okokuqala, nxa umuntu efuna ukugcina umzimba wakhe uqinile kufanele adle ukudla okwakha umzimba futhi ahlale ewuqeqetsha. Lathi nxa sifuna ukugcina izinhliziyo zethu kumele sihlale sibala iBhayibhili kanye lamabhuku esiwaphiwa yinhlanganiso. Kanti njalo kumele sitshengise ukuthi silokholo ngokuhlala sisebenzisa esikufundayo futhi sikutshele abanye. (Rom. 10:8-10; Jak. 2:26) Okwesibili, umuntu angakhanya angathi uqinile nxa umkhangele kanti ngaphakathi umkhuhlane uyamudla. Lathi singacabanga ukuthi silokholo oluqinileyo ngenxa yokuthi sikhanya sikhuthele ekukhonzeni kanti ngaphakathi sifukamele izifiso ezimbi. (1 Khor. 10:12; Jak. 1:14, 15) Akumelanga sikhohlwe ukuthi uSathane ufuna ukusintshintsha sibe lemicabango enjengeyakhe. Angakwenza njani lokho futhi thina singenzani ukuze sizivikele?
Singenelisa Ukuhlala Simsulwa
5 Okunye okungasinceda ukuthi silwisane lemicabango engcolileyo yikuthandaza kuJehova sicele ukuthi asincedise njalo lokhu kuzatshengisa ukuthi sithembele kuye. Nxa singathandaza kuJehova, sizasondela kuye futhi laye uzasondela kithi. Uyasinika umoya wakhe ongcwele ngenhliziyo emhlophe osisiza ukuthi siqhubeke sizimisele ukulwisana lemicabango emibi ukuze sihlale simsulwa. Yikho-ke kasimtsheleni ukuthi siyafuna sibili ukuthi iminakano yezinhliziyo zethu imjabulise. (Hubo. 19:14) Siyake simcele yini ukuthi asihlole ukuze sibone langabe “kulendledlana embi,” okutsho izifiso lezinkanuko ezingasidonsela esonweni? (Hubo. 139:23, 24) Siyamncenga zikhathi zonke yini ukuthi asincedise ukuthi sihlale siqotho nxa sisekulingweni?—Mat. 6:13.
6 Okunye okungabangela ukuthi sihugwe ngeminye imikhuba ezondwa nguJehova kungaba yindlela esakhuliswa ngayo kumbe esasiziphatha ngayo. Loba kunjalo, angasisiza ukuthi silungise lapho okumele siqondise khona ukuze siqhubeke simkhonza ngendlela ayamukelayo. INkosi uDavida yakunanzelela lokhu. Ngemva kokufeba loBhathisheba, yancenga uJehova yathi: “Dala phakathi kwami inhliziyo ehlanzekileyo, . . . uvuselele ngaphakathi kwami umoya othembekileyo.” (Hubo. 51:10, 12) Thina abantu abalesono singakhangwa yikuziphatha okubi, kodwa uJehova angavuselela phakathi kwethu isifiso sokuthi simlalele. Lanxa izifiso ezimbi zisenzikini yezinhliziyo zethu njalo ziminyanisa imicabango yethu ehlanzekileyo, uJehova angasincedisa ukuthi silalele imilayo yakhe futhi senelise lokuyisebenzisa ezimpilweni zethu. Angasivikela ukuze singabuswa yizinkanuko ezimbi.—Hubo. 119:133.
Ukuchwayisisa IMibhalo
it-1-E 644
UDowegi
UDowegi wayengum-Edomi futhi elesikhundla esiphezulu sokuba yinduna yabelusi beNkosi uSawuli. (1 Sa 21:7; 22:9) Kungenzakala ukuthi uDowegi wayengumphroselithe. Okwenza uDowegi waba seNobhi yikuthi ‘kwakungamelanga asuke phambi kukaJehova’ mhlawumbe ngenxa yokuthi wayenze isifungo, kumbe engcolile loba ecatshangelwa ukuthi ulobulephero. Kungalesosikhathi lapho abona khona uMphristi Omkhulu u-Ahimeleki enika uDavida isinkwa sokubukiswa kanye lenkemba kaGoliyathi. Ngesikhathi uSawuli ekhuluma lezinceku zakhe esithi zifuna ukumhlamukela, uDowegi wahle wakhuluma ayekubone eNobhi. Ngemva kwalokho uSawuli wathi umphristi omkhulu kanye labanye abaphristi beNobhi babizwe wasebuza u-Ahimeleki ngendaba ayizwe ngoDowegi. Wathi esezwile okwakwenzakele wasetshela izithunywa ukuthi zibulale bonke abaphristi. Izithunywa lezi zala ukukwenza lokhu, yikho uDowegi wasukumela phezulu wabulala abaphristi abangu-85. Esuka lapho wahlasela idolobho leNobhi wabulala bonke abantu, abadala labancane kanye lezifuyo.—1 Sa 22:6-20.
Esethulweni seHubo 52 uDavida wabhala ngoDowegi wathi: “Ulimi lwakho lubukhali njengereza, lulobuqili njalo lubumba amacebo amabi. Uthanda okubi ukwedlula okuhle, uthanda ukukhuluma amanga ukwedlula iqiniso. Uthanda ukukhuluma amazwi alimazayo, ulimi lwakho lulobuqili!”—Hu 52:2-4.
JUNE 24-30
AMAGUGU ASELIZWINI LIKANKULUNKULU | IHUBO 54-56
UNkulunkulu Kasoze Akutshiye
w06-ZU 8/1 22 ¶10-11
Hlakanipha—Yesaba UNkulunkulu!
10 Ngesinye isikhathi, uDavide waya ku-Akhishi, inkosi yamaFilisti yomuzi waseGati, kubo kaGoliyati, eyocela ukukhoseliswa. (1 Samuweli 21:10-15) Izinceku zenkosi zamangalela uDavide zathi uyisitha sesizwe sazo. Wasabela kanjani uDavide kuleso simo esiyingozi? Wathululela inhliziyo yakhe kuJehova ngomthandazo. (IHubo 56:1-4, 11-13) Nakuba kwadingeka azenze osangene ukuze aphunyuke, uDavide wayazi ukuthi empeleni nguJehova owayemkhululile ngokubusisa imizamo yakhe. Ukuncika kukaDavide kuJehova ngenhliziyo yonke nokuthembela kwakhe kuye kwabonisa ukuthi wayemesaba ngempela uNkulunkulu.—IHubo 34:4-6, 9-11.
11 NjengoDavide singabonisa ukwesaba uNkulunkulu ngokuthembela esithembisweni sakhe sokusisiza ukuba sibhekane ngokuphumelelayo nezinkinga zethu. UDavide wathi: “Gingqela indlela yakho kuJehova, wethembele kuye, yena uyothatha isinyathelo.” (IHubo 37:5) Lokhu akusho ukumane sinikeze uJehova izinkinga zethu bese sisonga izandla singenzi okusemandleni ethu silindele ukuba athathe isinyathelo sokusisiza. UDavide akazange athandazele usizo wabe esesonga izandla. Wasebenzisa amakhono nokuhlakanipha uJehova ayemnike kona ukuze axazulule inkinga ayesuke ebhekene nayo. Nokho, uDavide wayazi ukuthi ngeke kwalindelwa ukuba imizamo yabantu iyodwa iphumelele. Kufanele kube njalo nangathi. Lapho sesenze konke okusemandleni, kumelwe sishiyele konke kuJehova. Eqinisweni, ngokuvamile akukho lutho esingalwenza, ngaphandle kokuncika kuJehova. Yilapho ukwesaba uNkulunkulu kungena khona. Singathola induduzo kula mazwi kaDavide asuka enhliziyweni: “Ukusondelana noJehova kungokwabamesabayo.”—IHubo 25:14.
Kakulalutho ‘Olungasehlukanisa Lothando lukaNkulunkulu’
9 UJehova uphinde akuqakathekise lokubekezela kwethu. (UMathewu 24:13) Khumbula ukuthi uSathane ufuna utshiye ukukhonza uJehova. Nxa uhlala uthembekile kuJehova ilanga ngalinye uyabe uncedisa ekutshengiseni ukuthi uSathane ulamanga. (IZaga 27:11) Ngezinye izikhathi ukubekezela kakulula. Ukugula, izinhlupho zezimali, ukukhathazeka enhliziyweni, kanye lezinye izinhlupho kungenza ukuphila kube nzima ilanga ngalinye. Ithemba eliphuziswayo lingasiqeda amandla. (IZaga 13:12) Ukubekezela nxa silezinhlupho ezinjalo kuligugu kakhulu kuJehova. Lokho yikho okwenza iNkosi uDavida yacela ukuthi uJehova abhale phansi izinyembezi zayo “emqulwini,” yaphinda yathi: “Kazikho yini emibhalweni yakho?” (IHubo 56:8) UJehova uyazikhumbula izinyembezi zethu kanye lokuhlupheka esikubekezelelayo nxa sihlala sithembekile kuye. Izinyembezi kanye lezinhlupho ezinjalo ziligugu kuye.
Uthando LukaJehova Lusinceda Sinqobe Ukwesaba
16 USathane uyakwazi ukuthi siyakwesaba ukufa. Uthi singenza loba yini size sitshiye uJehova ukuze siqhubeke siphila. (Jobe. 2:4, 5) La ngamanga aluhlaza tshoko. Lanxa kunjalo, nguye “olamandla okubangela ukufa.” Yikho usebenzisa ukwesaba ukufa ukuze asenze siyekele ukukhonza uJehova. (Heb. 2:14, 15) Ngezinye izikhathi uSathane usebenzisa abantu ukuthi basethusele ngokuthi bazasibulala ukuze silahle ukholo lwethu. Kanti njalo nxa sigula angazama ukusenza sikhethe ukwelatshwa ngendlela engamthokozisiyo uJehova. Odokotela lezinye izihlobo ezingakhonziyo bangazama ukusibamba ngamandla ukuthi sifakwe igazi. Abanye bangazama ukusincenga ukuthi selatshwe ngezinye indlela eziphikisana lalokho okutshiwo liBhayibhili.
17 Asikufuni ukufa kodwa nxa kungenzakala lokhu, siyakwazi ukuthi uJehova kasoze ayekele ukusithanda. (Bala uRoma 8:37-39.) Nxa abangane bakaJehova bengafa, uhlala ebakhumbula sengathi bayaphila. (Luk. 20:37, 38) Uyafisa sibili ukubavusa. (Jobe. 14:15) UJehova ubhadale inhlawulo edula kakhulu ukuze ‘sibe lokuphila okungapheliyo.’ (Joh. 3:16) Siyakwazi ukuthi uyasithanda sibili lokuthi ulendaba lathi. Yikho asimtshiyi nxa sigula kumbe sisethuselwa ngokufa kodwa sithembela kuye ukuthi asiduduze, asiphe inhlakanipho njalo asiqinise. Lokhu yikho kanye okwenziwa nguValérie lomkakhe.—Hubo. 41:3.
Ukuchwayisisa IMibhalo
it-1-E 857-858
Ukuhlelwa Kwezinto Zingakenzakali
Okwenziwa nguJudasi Iskariyothi ethengisa uJesu kwagcwalisa isiphrofetho futhi kwatshengisa ukuthi uJehova leNdodana yakhe uJesu bayenelisa ukubona izinto zingakenzakali. (Hu 41:9; 55:12, 13; 109:8; Imis 1:16-20) Kodwa asingeke sitsho ukuthi uNkulunkulu wavele wahlela kudala ukuthi uJudasi nguye owayezakwenza lokhu. Iziphrofetho zazithe uJesu wayezathengiswa ngumuntu owayengumngane wakhe kodwa aziqambanga ibizo lomuntu owayezakwenza lokhu. Kanti njalo izimiso eziseBhayibhilini azivumelani lakho ukuthi uNkulunkulu wavela wahlela ukuthi uJudasi uzakwenzani. Ngokwesibonelo umphostoli uPhawuli waphefumulelwa ukuthi athi: “Ungaphangisi ukubeka izandla zakho kuloba ngubani njalo ungahlanganyeli ezonweni zabanye, zigcine umsulwa.” (1Thi 5:22; khangela lesahluko 3:6.) Engakakhethi abaphostoli bakhe abangu-12, uJesu wathandaza ubusuku bonke kuYise ukuze abe leqiniso lokuthi wenza isinqumo esihle. (Luk 6:12-16) Yikho nxa kuyikuthi kwakuvele kuhleliwe ukuthi uJudasi nguye owayezakuba ngumthengisi, uNkulunkulu wayezabe esehlanganyele ezonweni zikaJudasi ngoba nguye owayencedise uJesu ngesikhathi ekhetha abaphostoli bakhe.
Ubufakazi lobu butshengisa ukuthi ngesikhathi uJudasi ekhethwa ukuthi abe ngumphostoli wayemsulwa, kungelalutho ngitsho enhliziyweni yakhe olwaluveza ukuthi uzakuba ngumthengisi. Yena nguye owasuka wavumela ukuthi ‘kumile impande eletshefu’ enhliziyweni yakhe okwabangela ukuthi aphambuke njalo acine evumela ukulingwa nguDeveli ukuthi abe lisela kanye lomthengisi. Ayisuye uNkulunkulu owabangela ukuthi akwenze lokhu. (Heb 12:14, 15; Joh 13:2; Imis 1:24, 25; Jak 1:14, 15) Ngokuhamba kwesikhathi uJesu wayesemazi umuntu owayezamthengisa ngenxa yokuthi wayesebone inhliziyo kaJudasi ukuthi isiphambukile.—Joh 13:10, 11.