IBHOKISI 20A

Ukwabiwa Kwelizwe

Indlela uJehova acacisa ngayo imingcele yelizwe yenza amaJuda aqiniseka ukuthi ayezabuyela sibili elizweni lawo ayelithanda. Thina sifundani embonweni lo? Kasixoxeni ngezinto ezimbili uHezekheli azibonayo:

Imephu etshengisa imingcele yelizwe elalizahlalwa ngama-Israyeli nxa esebuyele elizweni lawo. Itshengisa lezindawo ezazizaphiwa izizwana kusukela enyakatho kusiya eningizimu. Indawo lezo zazizalandelana kanje: KoDani, Ko-Asheri, KoNafithali, KoManase, Ko-Efrayimi, KoRubheni, KoJuda, Indawo Enikelweyo, KoBhenjamini, KoSimiyoni, Ko-Isakhari, KoZebhuloni, KoGadi.

Indawo lomsebenzi oqakathekileyo

Umuntu ngamunye owabuyela eLizweni Lesithembiso wathola indawo eyayizakuba lilifa lakhe. Kunjalo lasepharadayisi esikulo lamuhla. Wonke umuntu okhonza uJehova ulendawo yakhe. Sonke silomsebenzi oqakathekileyo lendawo esiyiphiweyo epharadayisi esikulo kungelani lokuthi esikwenzayo enhlanganisweni kaJehova kungakhanya kukuncane. Sonke siligugu kuJehova.

Indawo ezilinganayo

Umbono kaHezekheli watshengisa ukuthi bonke ababezabuyela eLizweni Lesithembiso babezathola indawo enhle levundileyo kungelani lokuthi babengabasiphi isizwana. Lalamuhla uJehova wenze ukuthi bonke abantu abamkhonzayo bazithole izibusiso ezisepharadayisi esikulo.

Khangela isahluko 20, indima 5-11