Kungani Izimpi Lodlakela Kungapheli?
IBhayibhili liyasitshela ukuthi kuyini okubangela izimpi lodlakela lokuthi yindaba zingapheli.
ISONO
UNkulunkulu wadala abazali bethu bokuqala u-Adamu lo-Eva ngomfanekiso wakhe. (UGenesisi 1:27) Lokhu kwakusitsho ukuthi babesenelisa ukuba lothando lokuthula njengoNkulunkulu. (1 KwabaseKhorinte 14:33; 1 UJohane 4:8) Lanxa kunjalo abamlalelanga uNkulunkulu benza isono. Lokhu kwabangela ukuthi sonke sizalwe silesono, yikho sisifa lamuhla. (KwabaseRoma 5:12) Isono senza sibe lemicabango emibi futhi lokhu yikho okwenza abantu babe lodlakela.—UGenesisi 6:5; UMakho 7:21, 22.
OHULUMENDE
UNkulunkulu wathi esidala wayengahlosanga ukuthi sizibuse. IBhayibhili lithi: “Umuntu kaliphiwanga ilungelo lokuqondisa izinyathelo zakhe.” (UJeremiya 10:23) Yikho ohulumende bengenelisi ukuqeda izimpi lodlakela.
USATHANE LAMADIMONI AKHE
IBhayibhili lithi “umhlaba wonke ungaphansi kwamandla kaSathane.” (1 UJohane 5:19) USathane uDeveli ungumbulali ololunya. (UJohane 8:44) Lanxa yena lamadimoni akhe bengabonakali, yibo abayenga abantu ukuthi baqalise izimpi lodlakela.—ISambulo 12:9, 12.
Thina ngeke sikuqede lokho okubangela izimpi lodlakela kodwa uNkulunkulu uyenelisa ukukuqeda.