Dai wårhët bringt ni “freere, åwer dai espada”

1, 2. (a) Wat fon sort freere daue wij al forneeme? (b) Woweegen sin wij ni gans un går im freere? (Sai dat bijld im anfang fom artikel.)

JEHOVAA giwt oos “freere fon God”. (Fil 4:6 un 7) Dat is sër gaud weegen wij wile im freere leewe. Dårweegen wij danke Jehovaa sër. Dës freere helpt oos ni unruig blijwe un ni slecht gedanke häwe. Wen wij oos leewend tau Jehovaa anbaire, wij blijwe im freere mit em. Soo, oos ümgang mit em wart ümer stärke. (Rom 5:1)

² Woweegen sin wij ni gans un går im freere? Weegen feel daile. Wij leewe ine lätste dåg, dårweegen feel krijg un andrer slechte daile passijre ine ganse wild. Un dai lüür daue sich fortööne weegen irgends air dail. (2 Tim 3:1 bet 4) Wij häwe uk aine krijg gëgen Satan un gëgen dai loigen wat fon em kümt. (2 Cor 10:4 un 5) Kan sin wij sin uk ni gans un går im freere weegen dai daile wat oos familg mökt urer säge däit. Kan sin wek fon oos familg wat ni Tüügen fon Jehovaa sin måke un säge slechte daile wat oosem freere sër wat schåre kan. Sai koine slecht reere oiwer dat wat wij glööwe urer säge dat wij oos familg wat schåre wile. Andrer fon oos familg daue uk säge, wen wij bijblijwe Jehovaa dijne, wij daue ni mër tauhööre tau dai familg. Wat muite wij dåroiwer denke? Wen dat passijrt mit oos, wosoo koine wij oos dårmit drëge?

WEN OOS FAMILG GËGEN OOS IS, WAT MUITE WIJ DÅROIWER DENKE?

3, 4. (a) Wat kan passijre ine familg fon dai wat dai wårhët anneeme daue? (b) Wonair kan slime ware Jësus någåe?

³ Jësus däir waite dat ni ale dai wårhët anneeme däire. Wek wule sogår dat dai andrer ni em horge schule. Jësus hät sägt dat küün passijre sogår ine familg. Hai hät sägt: “Daut ni denke dat ik bün kåme taum freere upm ër bringe. Ik bün ni kåme taum freere bringe, åwer dai espada. Ik bün kåme taum uutenanermåken: tüschen der jong mit sijm papa, tüschen air määke un eer mama un tüschen swijgertochter un eer swijgermuter. Dem mësche sijn fainde sin wirklig dai in sijm aigen huus.” Dårweegen, müste sijn jüngers koråsch häwe. (Mat 10:34 bet 36)

⁴ Woweegen hät Jësus sägt: “Daut ni denke dat ik bün kåme taum freere upm ër bringe?” Jësus is upt ër kåme taum dai wårhët preege un ni taum dai familg wat schåre. Åwer dai wat em någåe wule müste waite dat sai swår daile doirsete däire un uk air ine familg küün dai besijd låte weegen dat wat Jësus inlëre däir. (João 18:37) Jësus någåe is ni licht, åwer dat kan nog slime ware wen air fon oos familg urer dai woo wij gaure ümgang mit häwe gëgen dai wårhët sin. Jësus hät sägt wij küüne swårhëte doirsete weegen dai wårhët, sogår doir dai familg.

5. Wat fon slime daile koine passijre dat wij Jësus någåe daue?

⁵ Dat wij Jësus någåe daue, wij daue slime daile doirsete. Sogår oos familg kan gëgen oos sin. (Mat 10:38) Kan passijre dat oos fründe sich oiwer oos lache un daue oos afsäge. Åwer lijkerst soo, wij koine oos sicher sin: Jësus någåe däit sich doch sër loone. (Lees Marcos 10:29 un 30)

6. Wen oos fründe ni wile dat wij Jehovaa dijne daue, wat muite wij im kop häwe?

⁶ Lijkerst wen oos fründe ni wile dat wij Jehovaa dijne daue, wij daue eer nog lijbe. Åwer wij muite im kop häwe dat oos lijb up Jehovaa un Jësus mut grööte sin as oos lijb up eer. (Mat 10:37) Satan wät dat wij oos fründe lijbe un hai wil dat benutse dat wij måke wat oos fründe wile airer as dat wat Jehovaa wil. Nuu wile wij wek daile saie wat passijre koine in oos familg un wosoo oos dårmit drëge.

WEN KËRL URER FRUUG NI JEHOVAA DIJNE DÄIT

7. Wen’s duu forfrigt büst mit aim wat ni Jehovaas Tüügen is, wat däit Jehovaa hijr oiwer denke?

⁷ Dai Bijbel wijst oos dat dat forfrigt leewend is ni wat lichters. (1 Cor 7:28) Åwer dat kan nog slime ware wen oos fruug urer oos kërl ni Jehovaa dijne däit. Åwer wat däit Jehovaa hijr oiwer denke? Duu dörst ni uutananergåe urer dij uutananersrijwe låte fon dijn fruug urer dij kërl bloos dat dai ni Jësus någåe däit. (1 Cor 7:12 bet 16) Jehovaa wil dat dai fruug der kërl respektijre schal lijkerst wen hai ni Jehovaas Tüügen is un ni der gloobe fone familg uppasst, weegen hai is dai her fone familg. Un God wil uk dat dai kërl dai fruug uppasst un lijbt lijkerst wen sai ni Jehovaas Tüügen is. (Efé 5:22, 23, 28 un 29)

8. Woo an müst duu angrüüwle wen dij kërl urer dijn fruug ni wil dat’s duu ales tau Jehovaa mökst wat’s duu wilst?

⁸ Wat kast duu måke wen dij kërl urer dijn fruug ni wil wat’s duu ales tau Jehovaa mökst wat’s duu wilst? Dat is mit aine swester passijrt. Eer sij kërl wul ni dat sai wek dåg upe week preege däir. Wen soo wat mit dij passijrt, daue hijr oiwer grüüwle: Wil dijn fruug urer dij kërl forbaire dat’s duu Jehovaa dijne däist? Wen ni, duu kast måke wat dai wil. Ni streng sin kan oos helpe dat doirsete. (Fil 4:5)

9. Wosoo kast duu dijn kiner helpe dai papa un mama ëre, lijkerst wen air fon eer ni Jehovaas Tüügen is?

⁹ Dai kiner uptreke kan ni licht sin wen kërl urer fruug ni Jehovaa dijne däit. Lijkerst wen dai woo’s duu mit forfrigt büst ni mökt wat ine Bijbel stäit, duu must dijn kiner inlëre wat stäit in Efésios 6: 1 bet 3: “Dau dijn papa un mama ëre.” Denk dat ain fruug sij kërl ni Jehovaa dijne däit. Wat mut sai måke? Sai mut sich anstrenge een kërl sijn gaure moors wërd geewe. Sai mut uk danke fon dai gaure daile wat eer kërl måke däit un däit ni slecht reere oiwer eer kërl foir eer kiner. Säg tau dijn kiner dat jërer ainsig mut uutsuike Jehovaa dijne urer ni. Wen dai kiner eer sij papa ëre, lijkerst dat hai ni Jehovaa Tüügen is, dat kan måke dat hai anfänge däit Jehovaa dijne.

10. Wosoo kan papa urer mama sijn kiner inlëre oiwer dai Bijbel?

¹⁰ Åwer kan passijre dat kërl urer fruug wat ni Jehovaa dijne däit wil dat eer kiner oiwer sijn religion lëre schåle urer dat sai daile måke wat ni mit dai Bijbel t’hoopstime. Kan uk passijre dat dai kërl sijn fruug forbaire däit dai kiner inlëre oiwer dai Bijbel urer dat sai nam forsamlunge gåe. (Atos 16:1 un 2 Tim 3:14 un 15) Wen dat soo is wat kan sai måke? Sai mut sich anstrenge anneeme dat wat eer kërl uutsöcht hät. Åwer sai kan dai tijd benutse wat sai t’hoop mit eer kiner is taum oiwer dai Bijbel, oiwer Jehovaa un oiwer dat wat richtig is inlëre. (Atos 4:19 un 20) Åwer mite tijd dai kiner daue uutsuike Jehovaa dijne urer ni. (Deut 30:19 un 20)a

WEN DAI FON DIJN FAMILG NI DAI WÅRHËT ANNEEME

11. Wat kan passijre wen’s duu tau dijn familg sägst duu däist dai Bijbel studijre?

¹¹ As duu anfånge häst dai Bijbel studijre, kan sin duu wust ni dat tau dijne familg säge. Åwer mite tijd, is dij gloobe stärke woore un duu küst ni stil blijwe. (Mar 8:38) Duu büst koråschlig wääst as duu uutsöcht häst Jehovaa dijne un dat tau dijne familg säge. Åwer kan sin dat hät feel problems bröcht mit dijn familg. Wat kast duu måke taum dat oiwerståe un bijblijwe reäl sin tau Jehovaa? Wij daue nuu dat saie.

12. (a) Woweegen kan wek fon oos familg dat ni gefale dat wij dai Bijbel studijre? (b) Wosoo koine wij wijse dat wij forståe wat sai forneeme?

¹² Forsuik forståe wat dai lüür fon dijn familg forneeme daue. As duu anfånge häst oiwer dai Bijbel lëre dat hät dij groot frööligkët geewt. Åwer kan sin dai lüür fon dijn familg häwe ni dat neemlig fornåme. Kan sin dat hät eer ni gefale. Åwer woweegen kan dat passijre? Kan sin sai maine Jehovaas Tüügen daue dij bedraige. Urer sai denke sai sin ain gefärlig religion. Sai koine uk denke wij lijbe eer ni mër, weegen wij sin ni mër t’hoop mit eer ine fijrdåg. Urer kan sin sai maine wij ware stråwt nå dem dood. Is ni gaud dat sai dës daile denke urer maine oiwer dij. Åwer wosoo kast duu wijse dat’s duu forståe däist wat sai forneeme? Duu must dij anstrenge eer genau hööre un forståe woweegen daue sai sich soo forneeme. (Prov 20:5) Dat wat Paulo måkt hät kan oos helpe. As hai preege däir, hai däir sich anstrenge taum forståe wat jërer sort mësch forneeme däir. Den, soo as hai wij muite oos anstrenge forståe wat dai lüür fon oos familg forneeme daue. (1 Cor 9:19 bet 23)

13. Wat kan oos helpe mit gaurigkët fortele mit dai fon oos familg?

¹³ Fortel mit gaurigkët. Ine Bijbel stäit soo: “Dat juuch wöör ümer fründlig sin.” (Col 4:6) Wat kan oos helpe dat måke? Wij muite tau Jehovaa beere un em sijn kraft forlange, dat wij krijge mit dai lüür fon oos familg mit gaurigkët fortelt. Wij döre ais nij oos mit eer fortööne weegen dai forkërde daile woo sai anglööwe daue. Åwer wat muite wij måke wen sai wat fortele wat oos traurig löt? Wij koine oos anstrenge dai apostels nåmåke. Paulo hät sreewe dat wen andrer oos schimpe urer oos slechte behandle daue, wij muite geduldig sin un mit gaurigkët antwoore. (1 Cor 4:12 un 13)

14. Woweegen muite wij måke wat richtig un gaud is?

¹⁴ Måk ümer wat richtig un gaud is. Mit gaurigkët fortele is gaud, dat kan dai lüür fon oos familg helpe. Ni bloos fortele mit gaurigkët, åwer dai daile måke mit gaurigkët un up ain richtig årt, kan eer nog düler helpe. (Lees 1 Pedro 3:1 un 2 un 16) Wen sai nå oos kijke, sai daue saie dat wij Jehovaa dijne, dat wij häwe ain lustig familg, dat wij passe oos kiner gaud up un dat wij sin wirklig sër fröölig. Wen wij dat måke, dat bedüürt ni dat oos familg däit dai wårhët anneeme. Åwer dat däit oos sër frööge weegen wij daue Jehovaa gefale.

15. Woweegen is dat gaud tau oos airst denke an wat passijre kan?

¹⁵ Dau airst denke an wat passijre kan. Wen’s duu dat måke däist, duu däist dij ni mit andrer fortööne. (Prov 12:16 un 23) Ain swester fon Austrália hät sägt: “Mij swijgerfåter däir ni dai wårhët anneeme un wekmåls hai däir sich mit oos fortööne. Den, airer as mit em fortele, ik un mij kërl, wij däire tau Jehovaa beere un däire kraft forlange un dat hai oos helpe schul ni wüütend ware. Airer as tau em henlijgre, wij däire uutsuike oiwer wat däire wij t’hoopfortele. Wij däire ni sër lang fortele taum ni wüütend ware mit em.”

16. Wen’s duu dij fortööne däist mit dijn familg, wat kan dij helpe ni traurig ware?

¹⁶ Wekmåls duu kast dij fortööne mit dijn familg. Dat kan passijre. Dat kan dij traurig låte weegen duu däist dijn familg sër lijbe. Åwer dau nij ais forgeete dat dat haupt is reäl sin tau Jehovaa, ni tau dijn familg. Dau tau dai lüür fon dijn familg wijse dat dat best is Jehovaa dijne. Dau uk andenke duu kast ni mit gewald måke dat dai lüür fon dijn familg dai wårhëte anneeme daue. Jehovaa erlaubt dat jërer ainsig fon oos uutsuiken mökt im leewend. Duu häst uutsöcht tau Jehovaa leewe. Un wen’s duu bijblijwst reäl sin tau Jehovaa, kan sin dat dai fon dijn familg forståe dat tau dij wat dai Bijbel sägt måke bedüürt leewend. (Isa 48:17 un 18)

WEN AIR FON DIJN FAMILG JEHOVAA BESIJD LÖT

17, 18. Wat kan dij helpe wen air fon dijn familg ruuterschikt wart uut dai gemaind urer däit Jehovaa besijd låte?

¹⁷ Wen air fon dijn familg ruuterschikt wart uut dai gemaind urer uutsöcht Jehovaa besijd låte, dat däit dij sër, sër traurig låte. Wosoo kast duu dij dårmit drëge?

¹⁸ Blijw bij dijne gloobe stärke. Åwer wosoo kast duu dit måkt krijge? Duu must jërer dag dai Bijbel leese, dai forsamlunge trecht måke un up dai sin, preege un tau Jehovaa beere taum hülp forlange. (Judas 20 un 21) Åwer, un wen’s duu dai daile måke däist åne lust? Låt nij ais nå! Wen’s duu bijblijwe däist dijne gloobe stärke, dat helpt dij dij gaud befijne. Dai wat der Salmo 73 sreewe hät, har kain lust taum dai daile tau Jehovaa måke. Dat wäir soo, weegen hai däir denke up ain forkërd årt. Åwer wat hät em hulpe? Jehovaa ine airste stel måke. Dun hät hai anfånge dai daile saie up ain richtig årt. (Sal 73:16 un 17) Wen’s duu bijblijwe däist Jehovaa dijne, wart dat neemlig mit dij passijre.

19. Wosoo kast duu wijse dat’s duu dat anneeme däist, wen air formånt wart for Jehovaa?

¹⁹ Wen air formånt wart for Jehovaa, dau dat anneeme. Jehovaa hät sägt wij muite “anhule ümgang häwe” mit dai wat süün måkt häwe un hät sich ni lëd dår. (1 Cor 5:11 bet 13) Dat måke kan ni licht sin, weegen wen air fon oos familg ruuterschikt wart uut dai gemaind, dat löt oos sër traurig. Åwer wen wij dat anneeme, mite tijd dat wart sër gaud sin tau oos un uk tau dai wat süün måkt hät. (Lees Hebreus 12:11) Den, wij koine ni henlijgre, beschaid schike urer t’hoop fortele mit air wat ruuterschikt woore is uut dai gemaind.

20. Wat koine wij luure?

²⁰ Dau nij ais nålåte. Dat lijb “luurt al dai daile.” (1 Cor 13:7) Dårweegen koine wij hofnung häwe dat dai wat Jehovaa besijd låte häwe, werer tröögkåme nå em. Un wen’s duu saie däist dat air fon dijn familg, mökt dai daile aners taum tröögkåme nå Jehovaa, duu kast for der beere. (Isa 44:22)

21. Wat fon sicherhët koine wij häwe?

²¹ Wij sin ni wërd Jësus någåe wen andrer lüür mëre wërd häwe tau oos as hai. Åwer Jësus wüst dat sijn jüngers groot koråsch wijse däire, lijkerst wen eer familg gëgen eer blijwe däire. Kan sin duu däist wat oiwerain doirsete in dijn leewend. Wen jå, duu kast dij sicher sin Jehovaa wart dij helpe. (Isa 41:10 un 13) Wen’s duu reäl bijblijwe däist, gans sicher Jehovaa un Jësus daue dij beloone.