Wat must duu måke taum ine nijge wild leewe?

Dit wat’s duu hijr al leest häst, hät weese dat bald God dës slecht wild ful mit swårhëte uutrote däit. Wij koine gloobe häwe dat dat passijre däit. Woweegen? Weegen God sij Woord, dai Bijbel, giwt oos dës sicherhët:

“Dai wild gäit forbij.” (1 JOÃO 2:17)

Åwer wij koine oos sicher sin dat lüür leewig blijwe, weegen in dëse neemlig spruch dai Bijbel sägt uk:

“Wee God sijne wile mökt, blijwt up ümer.”

Den, taum leewig blijwe, muite wij God horge. Åwer, taum dat måke, muite wij airste em kenelëre.

‘KEN’ GOD UN BLIW LEEWIG

Bijler: 1. Ain krankeswester wat sich sër muir forneeme däit, sit upe deele ine krankehuus. 2. Sai hült ain bits an taum sich uutrooge un süüt ain wat mit eer t’hoop arbëre däit wat fröölig is un dai leest air bauk. 3. Dai wat mit eer t’hoop arbëre däit, däit ain spruch fone Bijbel tau eer leese un giwt tau eer aine setel fon dai site jw.org.

Jësus hät sägt: “Dit bedüürt leewend up ümer: dat sai dij kenelëre, dai ainsig wår God.” (João 17:3) Taum leewig blijwe wen dat ën kümt un den up ümer leewe, muite wij God kene. God kene is ni bloos glööwe dat aine God giwt urer wek daile oiwer em waite. Wij muite aine gaure ümgang mit em häwe. Åwer wosoo koine wij dat måke? Wen wij aine gaure un starke ümgang mit God häwe wile, muite wij oos dårtau tijd ruuterneeme. Sai wek wårhëte wat dai Bijbel inlërt wat oos helpe ümgang mit God häwe un uk der stärke.

Wårhëte wat wij lëre ine Bijbel

Wij lëre God wul dat wij schule im paradijs leewe.

As God Adam un Eva måkt hät, hai hät eer ain fain stel taum wånen geewt, der Eden gåre. Sai wäire åne fëgels un God hät tau eer geewt ales wat sai bruuke däire taum fröölig sin. Sai bëd hare küüt up ümer leewe. Solang as sai God horge däire, däire sai ni doodblijwe. God har Adam un Eva air gewöönlig dail forbåre. Åwer sai häwe uutsöcht grår dat måke.

Wij lëre woweegen dat sofeel nood giwt.

Nå dat Adam God ni horgt hät, küün hai ni mër up ümer leewe. Dit wat Adam måkt hät, hät der ganse lüür eer leewend schårt. Dai Bijbel sägt: “Doir bloos aine kërl dai süün int wild rinerkåme is, un dai dood doir dai süün, un soo dai dood hät ale angreepe.” (Romanos 5:12) Soo as air mësch ain krankhët fon eer papa un mama ärbe kan, soo häwe Adam sijn kiner dai süün ärbt. Dårweegen, daue wij ale uld ware un blijwe dood.

Wij lëre wat God måkt hät taum oos helpe.

Dai Bijbel sägt: “God hät dai wild soo sër lijbt dat hai sij ainsig Kind geewt hät, dat jërer ainsig wat an em gloobe hät ni uutrot wart, åwer up ümer leewe kan.” (João 3:16) God hät Jësus upt Ër schikt taum sij leewend for oos geewe. Air kërl mit 86 jåre fon Índia, wat Prabhakar hit, hät soo sägt oiwer Jehovaa sij lijb: “Wat Jehovaaa måkt hät, wijst woo dul hai mij lijbe däit un dit lijb giwt mij hofnung taum up ümer leewe.”

Wij lëre dankbåg sin for ales wat God tau oos måkt hät.

Dai Bijbel wijst wij koine dankbåg tau God sin doir em horge. (1 João 2:3) Weegen dat lijb, Jehovaa lërt oos in wosoo nuu fröölig sin. (Isaías 48:17 un 18, nåt) God wil ni dat wij nood doirsete. Hai giwt oos dës sicherhët: wen wij em horge, häwe wij nuu frööligkët un koine uk up ümer leewe.

LEES GOD SIJ WOORD JËRER DAG

Buuten sijr fone krankehuus, dai neemlig krankeswester däit nane himel kijke, nådem dat sai dai Bijbel leest hät in eer mirdag eeten stuun. — Tau God beere un sijne wile måke, däit dij helpe leewig blijwe wen dës wild uutrot wart

Dat wij leewe koine muite wij jërer dag eete. Åwer Jësus hät sägt: “Dai mësch dört ni bloos fon brood leewe, åwer fon jërer woord wat fon Jehovaa kümt.” (Mateus 4:4)

God sij Woord stäit ine Bijbel. Wen wij dit hailig bauk leese wij lëre wat God for oos al måkt hät, wat hai hüüt mökt un wat hai nog måke däit in dai tijd wat nog kümt.

FORLANG GOD SIJN HÜLP

Kan sin wij wile God horge, åwer wekmåls is ni licht måke wat hai sägt wat richtig is. Wat koine wij den måke? God beeter kene kan oos sër helpe.

Sai wat ain fruug wat in Ásia wånt beleewt hät. Sai däir huurerig bedrijwe. As sai anfånge hät oiwer dai Bijbel lëre, hät sai lërt dat God sägt: “Daut juuch trööghule fon dai huurerig.” (1 Coríntios 6:18) Sai hät tau God beert, hät sijn hülp forlangt un hät ni mër måkt wat forkërd is. Åwer sai müst sich nog sër dårtau anstrenge. Sai sägt: “Wen mij huurerig int gedanke kåme, glijk beer ik tau Jehovaa un måk mij härts up. Weegen ik wait, ik krijg ni dit alaine doirset. Dat beeren stärkt mijne ümgang mit Jehovaa.” Soo as dës fruug miljone lüür daue God kenelëre. Hai däit der lüür kraft geewe taum eer leewend aners måke un leewe nå dat wat hai wil. (Filipenses 4:13)

Ji mër as duu God kene däist, ji mër däit hai dij reekne soo as air laiw mësch wat gaure ümgang mit em hät. (Gálatas 4:9 un Salmo 25:14) Weegen dit kast duu in God sijn nijg wild leewe. Åwer wosoo wart dës nijg wild sin? Nuu däist duu dåroiwer lëre.

a Dai Bijbel wijst Jehovaa is God sij nåme.