Koine wij an dai Bijbel glööwe?

1. Fon wem kümt dai Bijbel?

Dai Bijbel kümt fon Jehovaa. In dai, fijne wij dës gaur nijg dat wij up ümer upe Ër leewe koine. (Salmo 37:29) Dai Bijbel hät 66 klain buiker. God hät wënsig 40 reäl kërls uutsöcht taum dai srijwe. Moose is air fon dai wääst. Hai hät dai airste fijw buiker ain 3.500 jåre trööguut sreewe. Dat letst bauk is fon apostel João bijnå 2 duusend jåre trööguut sreewe woore. Åwer wosoo häwe dës kërls wüst wat sai srijwe müste? God hät der bijbelsrijwers dat waite låte doir sijn hailig gaist. (2 Samuel 23:2) Den, dai beschaid fone Bijbel kümt fon God, ni fone kërls. — Lees 2 Timóteo 3:16; 2 Pedro 1:20, 21.

Kijk dai film Fon Wem Kümt dai Bijbel?

2. Woweegen koine wij oos sicher sin dat dai Bijbel fon God kümt?

Wij waite dat dai Bijbel fon God kümt weegen sai sägt gans genau wat nog passijre däit. Un wat sai sägt däit ümer passijre. Kair fon oos kan dat måke. (Josué 23:14) Bloos dai Almächtig God wät genau wat nog kåme däit. — Lees Isaías 42:9; 46:10.

Air bauk wat fon God kümt mut aners sin as al dai andrer buiker, is’t ni wår? Un dai Bijbel is aners! 2 biljone fon eer sin al uutdailt woore in mër as 450 språke. Nog dat sai air bauk is wat feel tijd trööguut sreewe woore is, dai Bijbel is ümer richtig wen sai fortelt oiwer dat wat dai uutgelërte ruuterfuune häwe. Dai kërls wat dai Bijbel sreewe häwe däire ni ine neemlig tijd leewe. Nog soo, ales wat sai sreewe häwe däit t’hooppasse.a Dai Bijbel däit oos uk inlëre wat dat lijb is. Sai is soo as air spëgel woo wij oose lijb God in saie koine. Un nog, sai kan der lüür eer leewent beeter måke. Tau feel lüür, dit ales däit wijse dat dai Bijbel God sij Woord is. — Lees 1 Tessalonicenses 2:13.

Kijk dai film Wosoo Koine Wij oos Sicher Sin dat dai Bijbel Fon God Kümt?

3. Woo oiwer fortelt dai Bijbel?

Dai Bijbel fortelt uphaupt oiwer dai gaure nijges wat God tau oos hät. Hai wil dat dai lüür air schöön leewent häwe schåle in dai tijd wat nog kümt. Dai Bijbel sägt wosoo Adam un Eva forspeelt häwe dat sai küüne up ümer leewe im paradijs upe Ër. Sai däit uk uutdüüre wosoo dai Ër air paradijs wart in dai tijd wat nog kümt. — Lees Apocalipse 21:4, 5.

Dai Bijbel sägt ales wat God fom anfang an tau dai lüür måkt hät. Wen wij leese wosoo God mit sijn dijners wääst is, lëre wij wosoo as hai is. Soo, dai Bijbel däit dij helpe God kenelëre. In eer fijne wij uk geboote, belërunge un formånen wat dij helpe daue waite wosoo God sij grootfründ sin. — Lees Salmo 19:7, 11; Tiago 2:23; 4:8.

4. Wosoo kast duu dai Bijbel forståe?

Dit heft däit dij helpe dai Bijbel forståe. Sai däit uutdüüre wat dai sprüch dårin bedüüre. Jësus däir dat uk måke as hai dai lüür inlëre däir. — Lees Lucas 24:27, 45.

Dai gaure nijges fon God sin sër schöön! Åwer wek lüür wile nischt waite fon dës gaure nijges. Dau dårweegen ni traurig ware, weegen taum up ümer leewe must duu God kenelëre. — Lees João 17:3.