KAPITEL 8
Woweegen giwt dat sofeel nood?
1. Wosoo hät dai nood anfunge?
Bliwt klår dat der lüür eer regirung ni oos eelent int raich bröcht krijge
Satan, dai Düüwel, wäir ain ängel åne fëgel. Hai däir waite dat bloos God anbeert ware müst. Åwer Satan hät anfunge maine hai müst uk anbeert ware. Dun, hät hai loigen tau Eva sägt. Dårweegen, sägt dai Bijbel is hai ‘ni ine wårhët bleewe’. (João 8:44) Eva hät måkt wat Satan wul un hät God ni horgt. Nåheer, Adam hät uk ni God horgt. Is soo dat dai nood un dai dood anfunge hät. — Lees Gênesis 3:1-6, 19.
Satan hät God sijne Regirung ni bijståe. Hai wul dat andrer dat neemlig måke däire. Wij koine dat saie in dat soo as hai Eva belåge hät. Hüüt, dai mëste lüür wile ni regijrt sin fon God. Sai sin an Satan sijn kant. Dårweegen, is hai dai wat dai wild regijre däit. — Lees João 14:30; 1 João 5:19.
2. Is God sijn schuuld dat?
Në. Ales wat Jehovaa mökt is åne fëgel. Dai lüür un dai ängels hare küüt God horgt häwe wen sai wule. (Deuteronômio 32:4, 5) God hät oos dai fraihët geewt taum uutsuike of wij måke wat richtig urer forkërd is. Wen wij God lijbe, daue wij måke wat richtig is. — Lees Tiago 1:13-15; 1 João 5:3.
3. Woweegen hät God nog ni dai nood almåkt?
Dai lüür wat an Satan sijn kant sin maine sai bruuke God ni taum gaut leewe. God däit erlaube dat sai dat wijse koine. Åwer dai tijd gët forbij un bliwt ümer klårer dat bloos God sij Regirung frööligkët bringe kan tau dai lüür. (Eclesiastes 7:29; 8:9) Kair regirung upe Ër hät der krijg, gewald, ungerechtigkët un dai krankhëte almåkt kreege. — Lees Jeremias 10:23; Romanos 9:17.
God sij Regirung is gans aners as dai lüür eer regirunge weegen hai däit dai lüür uppasse wat an sijne kant blijwe. (Isaías 48:17, 18) Bald, däit God al dai regirunge uutrote. Bloos dai lüür wat God sijne Regirung anneeme, daue upe Ër wåne. — Isaías 11:9. — Lees Daniel 2:44.
Kijk dai film Woweegen Giwt dat Sofeel Nood?
4. Wat koine wij nuu måke?
Wij koine wijse of wij God sijne Regirung wile urer der lüür eene. Wij daue dat wijse doir dat soo as wij leewe. Satan hät sägt dat kair mësch God mit lijb dijne däit. Åwer wij koine wijse dat hai forkërd is. — Lees Jó 1:8-12; Provérbios 27:11.
5. Wosoo wijse wij dat wij wile dat God oos regijre däit?
Oos uutsuiken daue wijse of wij an God sijne kant sin urer ni
Wij wijse dat wij wile dat God oos regijrt doir dai Bijbel lëre un ales måke soo as God wil. (João 4:23) Wij, uk soo as Jësus, daue oos ni inlåte mite politik uk ni mitm krijg. Dit däit wijse dat wij an God sijne kant sin, ni an Satan sijn. — Lees João 17:14.
Satan mökt ales wat hai kan dat dai lüür anglööwe dat dai forkërde daile richtig sin. Den, wen wij anhule dës daile måke, wek grootfründe un fon oos famijlg daue forsuike måke dat oos dat lëd ware däit. (1 Pedro 4:3, 4) Mag sin dat wij måke wat God wil urer wat dai lüür wile? Satan hät sägt dai lüür däire bloos God horge wen ales licht wäir. Åwer God sijn leis sin ümer gaut tau oos. Wen wij God sijn leis horge daue wij wijse dat Satan laige däit. — Lees 1 Coríntios 6:9, 10; 15:33.
God däit sër dai lüür lijbe. Dårweegen koine wij oos sicher sin dat hai al dai nood almåke däit. Wee hijr anglööwe däit un horgt God, däit up ümer upe Ër leewe. — Lees João 3:16.