KAPITEL 26
Woweegen daue sofeel slimhët un sofeel slechte daile passijre?
Wen air slim traurigkët passijre däit, wek lüür daue sich fråge: Woweegen däit dit passijre? Is gaud waite dat dai Bijbel kan oos helpe dit forståe!
1. Fon woo kümt dai slechtigkët heer?
Dai Düüwel hät wut ni mër Jehovaa horge. Hai wul oiwer dai andrer regijre un dårweegen hät hai måkt dat Adam un Eva uk ni God horge schule. Wosoo hät dai Düüwel dit måkt kreege? Hai hät loigen tau Eva fortelt. (Gênesis 3:1 bet 5) Hai hät måkt dat Eva denke schul dat Jehovaa eer wat geewe küün, åwer hai wul dat ni. Satan hät måkt dat dai lüür schule denke, dat sai küüne fröölig sin åne God horge. Soo, hät hai dai airst loigen fortelt. Hai hät sägt dat Eva ni doodblijwe däir. Dårweegen, sägt dai Bijbel dat dai Düüwel is ‘dai groot loigensak, dai fåter fone loigen’. (João 8:44)
2. Wat häwe Adam un Eva uutsöcht måke?
Jehovaa is sër gaud un hät feel daile taum Adam un Eva geewt. In Eden gåre wäire feel bööm un God hät sägt dat sai küüne fon al dës bööm eete, bloos ni fon aine boom. (Gênesis 2:15 bet 17) Åwer lijkerst soo, sai häwe uutsöcht fon dës boom eete. Eva ‘hät fon dës boom geete un nåheer, hät Adam uk dårfon geete’. (Gênesis 3:6) Adam un Eva wäire åne fëgels un hare kain süün, dårweegen wat richtig wäir måke wäir ni tau swår. Åwer, sai häwe uutsöcht God ni horge. Dat sai dit måkt häwe, sai häwe groot süün måkt un sai häwe weese dat sai wule ni uuner God sij regirung leewe. Dit wat sai uutsöcht häwe, hät ain groot nood bröcht. (Gênesis 3:16 bet 19)
3. Wat hät besägen wat Adam un Eva uutsöcht häwe mit oos leewend?
Weegen dai süün, Adam un Eva häwe fëgels kreege, un al eer kiner uk. Dai Bijbel sägt oiwer Adam: “Is dårweegen dat doir bloos aine kërl dai süün int wild rinerkåme is, un dai dood doir dai süün, un soo dai dood hät ale angreepe, weegen ale hare süün måkt.” (Romanos 5:12)
Den, woweegen daue wij slime daile doirsete? Wekmåls daue wij slime daile doirsete weegen wij daue kain gaure uutsuiken måke im leewend, weegen dat wat dai andrer ni gaud uutsuike daue un öftens daue wij nood doirsete wen wij up ain stel sin woo dai slechte daile grår passijre daue. (Lees Eclesiastes 9:11)
DAU MËR LËRE
Sai woweegen God kain schuld hät oiwer dai nood wat wij doirsete un al slechte daile wat hüütsendåg passijre daue. Un dau uk saie wat God forneeme däit wen wij nood doirsete daue.
4. Wee hät wirklig schuld dat wij nood doirsete?
Feel lüür daue maine dat God dai wild ine hand hät. Is dat wirklig wår? Kijk dai VIDEO.
Lees Tiago 1:13 un 1 João 5:19 un nåheer fortel oiwer dai fråg hijr uuner:
Hät God schuld oiwer dai slechte daile wat passijre daue?
5. Sai wat ruutergeewt hät dat Satan regijre däit
Lees Gênesis 3:1 bet 6 un nåheer fortel oiwer dai frågen hijr uuner:
Wat fon loigen hät dai Düüwel fortelt? (Sai dai sprüüch 4 un 5)
Wat hät dai Düüwel måkt dat dai lüür denke daue dat God oos gaure daile geewe kan, åwer wil oos dat ni geewe?
Bruuke wij Jehovaa sij regirung taum fröölig sin? Wat hät dai Düüwel hijr oiwer sägt?
Lees Eclesiastes 8:9 un nåheer fortel oiwer dai fråg hijr uuner:
Wij häwe al saie dat Jehovaa ni dai wild ine hand hät. Wat däit dårweegen passijre?
Adam un Eva wäire åne fëgels, hare kain süün un däire in Eden gåre leewe. Åwer, sai häwe dai Düüwel bijståe un häwe God ni horgt.
Weegen dai süün daue dai lüür slime daile doirsete un blijwe dood
Bald, däit Jehovaa dai süün, dai nood un dai dood almåke. Soo as God wul, dai lüür daue åne fëgels leewe im paradijs.
6. Jehovaa däit sich bekümre oiwer dai slime daile wat wij doirsete
Däit God sich bekümre oiwer dai slime daile wat wij doirsete daue? Wiman’s saie wat dai köönig Davi un dai apostel Pedro sreewe häwe. Lees Salmo 31:7 un 1 Pedro 5:7 un nåheer fortel oiwer dai fråg hijr uuner:
Dës sprüüch daue oos wijse dat Jehovaa oos nood saie däit un hai wil oos mithelpe. Wat fornimst duu dat’s duu dit waite däist?
7. God däit dai gans nood almåke
Lees Isaías 65:17 un Apocalipse 21:3 un 4 un nåheer fortel oiwer dai fråg hijr uuner:
Jehovaa däit taum ën bringe al dai slechte daile wat dai lüür doirsete daue. Woweegen is gaud dit waite?
Wätst duu?
Mit dai airste loigen wat Satan fortelt hät, hät hai Jehovaa sijne nåme drekig måkt, un dårweegen feel lüür daue maine dat hai ni regijre däit mit lijb un gerechtigkët. Bald däit Jehovaa dai nood almåke, un hai däit wijse dat em sij regirung dai best is. Wen dit passijre däit ale ware genau saie dat dai Düüwel air groot loigensak is. Nischt hät mër wërd as dit int raich bringe. (Mateus 6:9 un 10)
WEK DAUE SOO SÄGE: “Dai slechte daile daue passijre weegen God dat wil.”
Wat kast duu säge?
WAT HÄWE WIJ HIJR LËRT?
Al dai slechte daile passijre weegen dai Düüwel, Adam un Eva. Jehovaa däit sich sër bekümre oiwer oos un dårweegen däit hai al dai slechte daile uutrote.
Denk dij ais nå
Wat hät dai Düüwel sägt taum Eva forfuire?
Wat hät besägen mit oose leewend wat Adam un Eva uutsöcht häwe?
Jehovaa däit sich bekümre oiwer dat wat wij doirsete daue. Wosoo waite wij dat?
TAUM MËR WAITE
Wat bedüürt süün måke? Wat sägt dai Bijbel dåroiwer?
Lees oiwer dai loigen wat Satan fortelt hät in Eden gåre.
“Woweegen löt God dat sofeel nood passijre?” (Wat Bekandmökt, 1 januar 2014)
Sai dai antwoord tau ain wichtig fråg.
“Woweegen hät God ni dai Holocausto forstööt?” (Stäit in jw.org taum leesen)
Sai dai slime daile wat air kërl beleewt hät un wat hai lërt hät dårmit.