Wat fon is dai wår religioon?

1. Däit dat bloos ain wår religioon geewe?

Jå. Dai wår religioon is dai wat Jësus inlërt hät. Hai hät sägt dës religioon is soo as ain stråt. Wënig lüür däire dës stråt fijne, åwer wee up eer güng, küün up ümer leewe.(Mateus 7:14) Wee God gefale wil mut måke wat dai Bijbel sägt. Soo al dai wår kristen glööwe an dai neemlige daile un sin in dai neemlig religioon. — Lees João 4:23, 24; 14:6; Efésios 4:4, 5.

Kijk dai film Däit God al dai Religioone Anneeme?

2. Daue al religioone wat sich kristen nene dai wårhët inlëre?

Në. Jësus hät sägt oiwer falsch profëten wat loigen inlëre. Kan soo låte as wen dës lüür God sijne wile måke. Sai säge daue Jësus någåe. Åwer wij koine saie of dat wår is urer ni. Wosoo? Wij muite saie of dai måke wat Jësus sägt hät. — Lees Mateus 7:13-23.

3. Wosoo kast duu waite wat fon religioon richtig is?

Dau fijw daile saie wat dai lüür fone wår religioon måke:

• Sai daue glööwe dat dai Bijbel God sij Woord is. Dai lüür fone wår religioon daue sich anstrenge taum dai formånen fone Bijbel någåe. Feel religioone gåe nå wat dai lüür inset häwe. (Mateus 15:7-9) Wee ine wår religioon is däit inlëre un måke wat dai Bijbel sägt. — Lees João 17:17; 2 Timóteo 3:16, 17.

• 

  Sai daue God sijne nåme Jehovaa ëre un inlëre. Jësus däir God sijne nåme ëre un däir wijse dat dës nåme feele wërd har. Hai hät inlërt oiwer God un in dem gebeed Oos Fåter urer Fater Unser, hai hät sägt: ‘Dij nåme schal hailig måkt ware.’ (Mateus 6:9) Däist duu ain religioon kene wat God sijne nåme Jehovaa inlëre däit tau dai lüür? — Lees João 17:26; Romanos 10:13, 14.

• Sai preege oiwer God sijne Regirung. Jësus hät inlërt oiwer dai gaure daile wat God sij Regirung måke däit. Bloos dës Regirung krigt der lüür eer eelent int raich bröcht. Jësus hät oiwer dit fortelt bet sijm dood hen. (Lucas 4:43; 8:1; 23:42, 43) Hai hät uk sijn jüngers dai ordnung geewt taum preegen oiwer dëse Regirung. Wat fon religioon mökt dat hüüt? — Lees Mateus 24:14.

• Sai daue ni tau dai wild tauhööre wat Satan ine häin hät. Dai lüür fone wår religioon daue sich ni inlåte mitm politik uk ni mit dai wat upe ruu gåe taum ain recht forlange urer wat anhule ane arbëren taum beeter loon krijge. (João 17:16; 18:36) Un nog, sai daue ni dai forkërde daile måke wat wij ine wild hüüt saie. — Lees Tiago 4:4.

• Sai daue sër air der andrer lijbe. Wee ine wår religioon is hät fone Bijbel lërt dat dai der andrer lüür wërd geewe mut. Dai falsche religioone daue sich feelmåls mang dai krijge steeke. Åwer wee ine wår religioon is däit dat ni måke. (Miqueias 4:1-3) Dai wår kristen daue eer tijd un gild benutse taum dai andrer helpe. — Lees João 13:34, 35; 1 João 4:20.

4. Häst duu ruuterfuune wat fon dai wår religioon is?

Wat fon religioon gët dai Bijbel nå un däit God sijne nåme Jehovaa ëre un inlëre? Wat fon religioon däit preege dat bloos God sij Regirung dat eelent int raich bringe däit? Wee sin dai lüür wat air der andrer lijbe un daue sich ni inlåte mitm krijg? Wätst duu wat fon? — Lees 1 João 3:10-12.