Woo kan man dai problems int raig bringe?

Wen jij dat forfrigt leewend t’hoop anfänge, feel problems koine upkåme. Dat passijrt weegen jij bëd daue aners denke, daue ni dai daile oiwerain forneeme un denke aners oiwer dat leewend. Kan uk sin dat air slim dail kümt woo jij ni up luure daue.

Nog dat soo löt is lichter dat problem besijdlåte, dai Bijbel däit oos formåne dat int raig bringe. (Mateus 5:23, 24) Den, dai best dail taum måken is nå dai wårhëte fone Bijbel leewe.

1 FORTEL DÅROIWER

WAT DAI BIJBEL SÄGT: “Is . . . ain tijd taum fortelen.” (Eclesiastes 3:1, 7) Wen air problem passijrt, dau dij tijd ruuterneeme taum dåroiwer fortele. Wäs reäl un dau dij kërl urer dijn fruug waite låte wat’s duu dåroiwer denke däist. ‘Dau dai wårhët säge’ tau dij kërl urer dijn fruug. (Efésios 4:25) Nog wen juuch air dail argre däit, daut ni strijre. Ain ruig antwoord mökt dat air klair dail ni air groot strijd wart. (Provérbios 15:4 un 26:20)

Nog wen dij dat ni anstäit, fortel mit ruig, lijb un dau dij kërl urer dijn fruug ëre. (Colossenses 4:6) Forsuikt dai problem int raig bringe soo rasch as gäit un daut ümer gaud t’hoop fortele. (Efésios 4:26)

DUU KAST SOO MÅKE:

• Daut juuch t’hoop ain tijd ruuterneeme wat sich passe däit taum oiwer dai problem fortele.

• Wen dij kërl urer dijn fruug fortelt, dau dij anstrenge taum dij dår ni mank steeke. Nåheer kast duu fortele.

2 DAU HÖÖRE UN FORSTÅE

WAT DAI BIJBEL SÄGT: “Häwt groot beschöönen air mit dem andrer. Gåt nå foir taum air dem andrer ëre.” (Romanos 12:10) Is sër nöörg gaud air dem andrer hööre. Dau forsuike forståe wosoo dij kërl urer dijn fruug denke däit un wat dai fornimt, un wäs gewöönlig. (1 Pedro 3:8 un Tiago 1:19) Dau dij ni anstele soo as wen’s duu hööre däist. Ümer wen’s duu kast, dau anhule an dat wat’s duu mökst un dau gaud hööre wat dij kërl urer dijn fruug sägt, urer fråg of jij dåroiwer nåheer fortele koine. Wen dai kërl un fruug ainig t’hoop sin, un ni fainde t’hoop sin, kair wart wüütend. (Eclesiastes 7:9)

DUU KAST SOO MÅKE:

• Dau gaud uppasse nå dat wat dij kërl urer dijn fruug sägt, nog wen dij dat ni anstäit.

• Dau forsuike forståe wat dai wöör bedüüre: Löt em urer eer sijn gesicht gaur urer suur? Wosoo däit dai fortele? Wat däit em urer eer sij schik wijse?

3 DAU DÅRNÅ LEEWE

WAT DAI BIJBEL SÄGT: “Jërer swår arbëd bringt beloonen, åwer bloos fortele bringt armhët.” (Provérbios 14:23) Däit ni bloos loone säge duu däist anneeme air dail int raig bringe. Jij muite juuch anstrenge taum måken wat jij bëd uutsöcht häwe. Is wår, dårtau bruukt “swår arbëd” un muite jij juuch sër anstrenge, åwer dat loont sich. (Provérbios 10:4) Wen jij bëd t’hoop arbëre, krijge jij ‘gaur beloonen for juuche swåre arbëd’. (Eclesiastes 4:9)

DUU KAST SOO MÅKE:

• Dau uutsuike wat fon sride jërer ainsig fon juuch pere mut.

• Tijd nå tijd, daut saie woo wijd jij foirwärdsgåe sin.