God kan dij helpe air fröölig forfrigt leewend häwe

Is Jehovaaa God wääst wat dai airst kërl un fruug frigt hät. Dai Bijbel sägt tau oos dat God dai airst fruug måkt hät un “hät dem kërl dai bröcht”. Adam is soo fröölig woore dat hai sägt hät: “Den, dës is knåke fon mijn knåken un flaisch fon mijn flaisch.” (Gênesis 2:22, 23) Jehovaa wil nog dat dai forfrigte lüür fröölig sin.

As duu frigt häst, kan sin dat’s duu dacht häst ales wäir ümer sër gaud. Åwer, sogår dai kërl un fruug wat sich sër lijbe, koine uk slimhët doirsete. (1 Coríntios 7:28) In dit bauk, däist duu formånen fone Bijbel fijne wat dij helpe daue frööliger sin in dijn forfrigt leewend un ine familg. (Salmo 19:8-11)

1 NEEM DAT AN WAT JEHOVAA DIJ OIWERGEEWT HÄT

WAT DAI BIJBEL SÄGT: Dai kërl is her oiwer dai familg. (Efésios 5:23)

Wen’s duu dai kërl büst, Jehovaa wil dat’s duu mit lijb dijn fruug behandle däist. (1 Pedro 3:7) Hai hät dai fruug måkt taum dij mithelpe un wil dat’s duu eer lijbe un ëre däist. (Gênesis 2:18) Dat lijb up dijn fruug mut soo groot sin dat’s duu an eer airer denke däist as an dij alaine. (Efésios 5:25-29)

Wen’s duu dai fruug büst, Jehovaa wil dat’s duu dij kërl ümer bijståe däist un em helpe däist måke wat hai oiwersich hät. (1 Coríntios 11:3 un Efésios 5:33) Dau em sij uutsuiken bijståe un dau em mitm ganse härts mithelpe. (Colossenses 3:18) Wen’s duu dit måke däist, den dij kërl uk Jehovaa daue dij saie soo as ain schöön fruug. (1 Pedro 3:1-6)

DUU KAST SOO MÅKE:

• Dau dij kërl urer dijn fruug fråge woin duu beeter ware kast. Dau gaud hööre un måk ales wat’s duu kast taum dårnå leewe.

• Wäs geduldig. Mite tijd, daue jij bëd ruuterfijne woo air der ander fröölig låte.

2 BEKÜMERT JUUCH AIR MITM ANDER

WAT DAI BIJBEL SÄGT: Duu must uppasse nå dat wat dij kërl urer dijn fruug bruuke däit. (Filipenses 2:3, 4) Dau dij kërl urer dijn fruug wërd geewe un andenke dat Jehovaa wil dat sijn dijners lijb wijse tau ale. (2 Timóteo 2:24) “Sin wöör wat soo snijre as air metser wat up twai kante snijre däit, åwer dai wöör fone kluiker daue kurijre.” Den, dau uppasse mit dat wat’s duu säge däist. (Provérbios 12:18, Nova Versão Internacional) Jehovaa sij hailig gaist däit dij helpe fortele mit lijb un gaure wöör. (Gálatas 5:22, 23 un Colossenses 4:6)

DUU KAST SOO MÅKE:

• Airer dat’s duu mit dij kërl urer dijn fruug fortele däist, dau beere tau God dat hai dij helpt ruig blijwe un dat jij dårmit oiwerain kåme.

• Dau gaud andenke an dat wat’s duu säge wilst un wosoo as duu dat säge däist.

3 DAUT T’HOOP DENKE

WAT DAI BIJBEL SÄGT: As jij frigt häwe, jij sin ‘soo as air woore’. (Mateus 19:5) Nog soo, jij sin ni bëd oiwerain un kan sin dat jij ni oiwerain denke. Dårweegen, muite jij lëre juuch ainig sin in dat wat jij denke un forneeme. (Filipenses 2:2) Wen jij wat uutsuike muite, is gaud dat jij ainig schåle sin. Dai Bijbel sägt: “Doir dat formånen, dat wat uutdacht is, wart fast inset.” (Provérbios 20:18) Daut erlaube dat dai wårhëte fone Bijbel juuch lenke daue wen jij uutsuiken måke muite. (Provérbios 8:32, 33)

DUU KAST SOO MÅKE:

• Dau tau dij kërl urer dijn fruug säge wat’s duu forneeme däist, un ni bloos dai daile dag for dag.

• Dau mit dij kërl urer dijn fruug fortele airer as duu dij wat oiwernimst.