KAPITEL 14
Wosoo koine wij God anbeere dat hai dat anneeme däit?
Soo as wij saie häwe in dai kapitel 13, God däit ni al dai religione anneeme. Åwer wij koine Jehovaa dijne soo as hai sägt wat richtig is. Wat fon religion nimt God an? (Tiago 1:27) Wiman’s saie wat dai Bijbel inlërt.
1. Woo daue wij lëre wosoo as wij God dijne muite?
Wij muite God dijne soo as stäit ine Bijbel. Jësus hät tau Jehovaa sägt: “Dij woord is dai wårhët.” (João 17:17) Feel religione daue ni God dijne soo as ine Bijbel in stäit, åwer soo as dai praisters un dai andrer inlëre daue. Jehovaa nimt ni dai an wat ‘sin geboote ni horge’. (Lees Marcos 7:9) Åwer hai wart lustig wen wij em dijne daue soo as ine Bijbel in stäit.
2. Wosoo muite wij Jehovaa anbeere?
Wij muite bloos Jehovaa anbeere weegen hai hät oos måkt. (Apocalipse 4:11) Wij döre kain bijler un kair gemåkt daile benutse taum em anbeere, weegen oos lijb höört bloos tau Jehovaa un wij muite bloos em anbeere. (Lees Isaías 42:8)
Wij muite Jehovaa anbeere ‘soo as hai anneeme däit, mit hailigkët’. (Romanos 12:1) Dat bedüürt wij muite em horge un sijn leis lijbe. Dai wat Jehovaa lijbe, daue sijn leis horge oiwer dat forfrigt leewend. Sai daue uk ni rooke, daue kain drogas benutse un daue ni taufeel drinke.a (Kijk dai nåt)
3. Woweegen muite wij Jehovaa dijne t’hoop mit andrer lüür?
Jehovaa wil dat wij upm kristlig forsamlunge gåe, weegen hai däit oos lijbe un hai wät dat dat oos mithelpe däit ümer lustig sin. Wen wij oos t’hoop forsamle daue ine gemaind, koine wij Jehovaa låwe un em anbeere. Air dail wat wij måke koine taum Jehovaa låwe is dai lijrer singe. (Lees Salmo 104:33) Dai lijrer helpt oos mit ‘Jehovaa låwe ine gemaind’. (Salmo 111:1 un 2) Wen wij nane kristlig forsamlung gåe, wij koine dai andrer stärke, un dai andrer koine oos uk stärke.
DAU MËR LËRE
Dau waite woweegen Jehovaa ni annimt dat wij em anbeere daue doir dai bijler un gemåkt daile. Sai uk wosoo as wij Jehovaa låwe koine.
4. Wij döre kair gemåkt daile un bijler benutse taum Jehovaa anbeere
Wosoo waite wij dat bijler un gemåkt daile benutse taum God anbeere däit em ni gefale? Kijk dai VIDEO un nåheer fortel oiwer dai fråg hijr uuner:
Ine früüsche tijd, wek lüür wat Jehovaa dijne däire häwe forsöcht air bijld benutse taum em dijne. Wat is dårweegen mit eer passijrt?
Wek lüür säge sai daue bijler un gemåkt daile benutse bloos taum näig an God kåme. Is dat wirklig richtig? Lees Êxodo 20:4 bet 6 un Salmo 106:35 un 36 un nåheer fortel oiwer dai frågen hijr uuner:
Wat fon bijler un gemåkt daile häst duu al saie wat dai lüür benutse taum God anbeere?
Bijler un gemåkt daile benutse taum God anbeere däit em gefale?
Wat däist duu dåroiwer denke?
5. Bloos Jehovaa anbeere mökt oos frai fon dai falsch inlëren
Sai’s wosoo God anbeere soo as hai wil, däit oos fraimåke fon dai falsch inlëren. Kijk dai VIDEO.
Lees Salmo 91:14 un nåheer fortel oiwer dai fråg hijr uuner:
Wij wijse dat wij Jehovaa lijbe wen wij bloos em dijne daue. Wat däit Jehovaa tau oos måke wen wij dat måke?
6. Wij daue God låwe wen wij oos t’hoop forsamle daue
Wij daue Jehovaa låwe un dai andrer koråsch geewe wen wij antwooren geewe up forsamlung. Lees Salmo 22:22 un nåheer fortel oiwer dai frågen hijr uuner:
Däist duu gërn dai antwooren hööre up forsamlung?
Däist duu dij trecht måke taum antwooren geewe?
7. Jehovaa wart lustig wen wij tau dai andrer fortele wat wij lëre
Wij koine oft fortele oiwer dai wårhëte fone Bijbel tau dai andrer. Lees Salmo 9:1 un Salmo 34:1 un nåheer fortel oiwer dai fråg hijr uuner:
Duu häst feel wårhëte lërt wat ine Bijbel in ståe. Wat fon wilst duu tau dai andrer säge?
WEK DAUE SOO SÄGE: “Hät nischt sägen wosoo as wij God dijne. Wen dat uutm härts is, is dat gaud.”
Denkst duu uk soo?
WAT HÄWE WIJ HIJR LËRT?
God wart lustig wen wij bloos em anbeere, wen wij em låwe upe forsamlung un wen wij tau dai andrer fortele wat wij lëre daue.
Denk dij ais nå
Woo koine wij lëre God anbeere soo as hai anneeme däit?
Woweegen muite wij bloos Jehovaa anbeere?
Woweegen muite wij God dijne t’hoop mit dai andrer wat em sijne wile måke wile?
TAUM MËR WAITE
Lees oiwer ain fruug wat kain bijler un gemåkt daile mër anbeere däit un sai is fröölig woore dårweegen.
“Dai Bijbel mökt dat leewend aners” (Wat Bekandmökt, 1 juli 2011)
Dau lëre wat helpe kan antwoore geewe upe kristlig forsamlung.
Kijk wosoo ais dai forsamlung air jong hulpe hät lijkerst wen dat ni licht wäir nam forsamlung gåe.
Feel maine dai kristen muite dat krüüts benutse taum God dijne, åwer is dat wirklig wår?
“Woweegen daue dai Jehovaas Tüügen kair krüüts benutse?” (Stäit in jw.org taum leesen)
a Nåt: Wij daue hijr mër oiwer saie in andrer kapitels.