KAPITEL 57
Un wen’s duu ain groot süün måke däist?
Duu däist Jehovaa sër lijbe un wilst nischt måke wat em traurig löt. Lijkerst soo, hen un wen mökst duu wat forkërd. Wek süün sin grööter as dai andrer. (1 Coríntios 6:9 un 10) Wen’s duu ain groot süün måke däist, duu kast dij sicher sin dat Jehovaa dij nog lijbe däit. Hai wil dij helpe un forgeewe.
1. Wat muite wij måke dat Jehovaa oos forgeewe däit?
Dai wat Jehovaa lijbe däit, wart sër traurig wen dai ain groot süün måkt hät. Åwer, dat wat Jehovaa tau sijm folk sägt hät is sër wat gaures: “Nog dat juuch süün swartrood sin, dai ware wit måkt soo’s neebel.” (Isaías 1:18) Jehovaa däit gans un går der mësche forgeewe wat sich wirklig lëd däit fone süün. Wat kan air måke taum wijse dat dai sich lëd daue däit? Anhule måke wat forkërd is un tau Jehovaa afbire taum forgeewt ware. Den, sich anstrenge taum dai gewoonhët un gedanke besijdlåte wat der mësche henlenkt häwe taum dai süün måke. Un sij best måke taum werer leewe nå dat wat Jehovaa sägt richtig is. (Lees Isaías 55:6 un 7)
2. Wosoo däit Jehovaa doir dai ülster oos helpe wen wij ain süün måke?
Wen wij ain süün måke, Jehovaa sägt oos taum “dai ülster fone gemaind raupe”. (Lees Tiago 5:14 un 15) Dai ülster daue Jehovaa un em sij folk lijbe. Doir dat kenen fone Bijbel daue dai ülster oos helpe werer tröögkåme na Jehovaa un aine starke ümgang mit em häwe. (Gálatas 6:1)
Wosoo helpe dai ülster oos wen wij süün måke daue? Twai urer drai ülster daue oos wijse ine Bijbel woweegen as dat forkërd is wat wij måkt häwe. Sai daue uk formånen geewe wat oos helpe ni werer süün måke. Un wen air ain groot süün mökt un dat däit dem ni lërd? Taum dai gemaind behüüte, dai ülster daue der fone gemaind ruuterschike.
DAU MËR LËRE
Dau saie wosoo Jehovaa oos helpe kan wen wij ain groot süün måke.
3. Is gaud wen wij dai süün ni forsteeke
Wen wij süün måke, låte wij Jehovaa traurig. Dårweegen muite wij tau em säge wat wij forkërd måkt häwe. Leest Salmo 32:1 bet 5. Nåheer fortelt oiwer dai fråg hijr uuner:
Woweegen is beeter oos süün tau Jehovaa säge as dai forsteeke wile?
Un uk, nådem dat wij oos süün tau Jehovaa sägt häwe, wij daue oos beeter befijne wen wij dai ülster hülp forlange. Kijkt der VIDEO. Nåheer fortelt oiwer dai fråg hijr uuner:
In dem video, wosoo häwe dai ülster der braurer hulpe na Jehovaa tröögkåme?
Dai ülster wile oos helpe, dårweegen döre wij nischt in forsteek tau eer låte. Leest Tiago 5:16. Nåheer fortelt oiwer dai fråg hijr uuner:
Woweegen is dat lichter tau dai ülster oos helpe wen wij nischt in forsteek tau eer låte?
Dau dijn süün ni forsteeke, wäs reäl mit dai ülster un dau dai lijb hülp fon Jehovaa anneeme
4. Jehovaa is barmhärtsig mit dai wat groot süün måkt häwe
Dai mësch wat ain groot süün mökt un däit ni anneeme wat Jehovaa sägt richtig is wart ruuterschikt uute gemaind. Wij daue mit dem kaine ümgang mër häwe. Leest 1 Coríntios 5:6 un 11. Nåheer fortelt oiwer dai fråg hijr uuner:
Dai gans daig däit upgåe weegen dem suurdaig. Wosoo ümgang mit aim häwe wat sich ni lëd däit fone süün kan dai gans gemaind angåe?
Soo’s Jehovaaa, dai ülster sin barmhärtsig mit dai wat groot süün måkt häwe un ruuterschikt woore sin uute gemaind. Dai ülster daue eer suike taum eer helpen un feel fon dai kåme werer tröög tau Jehovaa. Lijkerst dat dai stram formånt woore sin, dat hät eer hulpe sich lëd daue. (Salmo 141:5)
Wosoo saie wij dat Jehovaa ni streng formånt un dat hai lijblig un barmhärtsig is mit dai wat groot süün måkt häwe?
5. Wen wij oos lëd daue fone süün Jehovaa däit oos forgeewe
Jësus hät ain geschicht fortelt wat helpt oos forståe wosoo as Jehovaa sich befijne däit wen air mësch sich fone süün lëd daue däit. Leest Lucas 15:1 bet 7. Nåheer fortelt oiwer dai fråg hijr uuner:
Wat lëre wij fon dëse sprüüch oiwer Jehovaa?
Leest Ezequiel 33:11. Nåheer fortelt oiwer dai fråg hijr uuner:
Wat muite wij måke taum wijse dat wij oos wirklig lëd dåe häwe fone süün?
Soo as air wat schåp uppasst, Jehovaa bekümert sich sër mit sijm folk wat soo as schåp sin
WEK DAUE SOO SÄGE: “Wen ik tau dai ülster säge dau wat ik måkt häw, dai daue mij uute gemaind ruuterschike.””
Wat däist duu säge tau aim wat sich soo befijne däit?
WAT HÄWE WIJ HIJR LËRT?
Wen wij ain süün måke, Jehovaa kan oos forgeewe. Åwer, dårtau, muite wij oos gans un går lëd daue fon dai süün un oos anstrenge taum ni mër måke wat forkërd is.
Denk dij ais nå
Woweegen is gaud oos süün tau Jehovaa säge?
Wat muite wij måke dat oos süün forgeewt ware kan?
Woweegen muite wij tau dai ülster hülp forlange wen wij ain groot süün måke?
TAUM MËR WAITE
Dau saie wosoo air kërl Jehovaa sijn barmhärtsigkët fornåme hät soo as stäit in Isaías 1:18.
Wosoo helpe dai ülster dai wat groot süün måkt häwe?
“Wosoo lijb un barmhärtsigkët wijse tau dai wat grootsüün måkt häwe?” (Wat Bekandmökt, august 2024)
Dau saie wosoo uutdüüre taum aim wat ni Tüüge fon Jehovaa is woweegen dat air ruuterschikt wart fone gemaind.
“Wosoo helpe dai ülster dai wat ruuterschikt woore sin fone gemaind?” (Wat Bekandmökt, august 2024)
Lees dai geschicht “Ik müst tröögkåme na Jehovaa” taum saie wosoo air kërl wat sich aflenkt har fone wårhët fornåme hät dat Jehovaa em werer tröög raupe har.
“Dai Bijbel mökt dat leewend aners” (Wat Bekandmökt, 1 april 2012)