LËR DAI LÜÜR IN JËSUS NÅGÅE
KAPITEL 11
Dau ainfach inlëre
Ine Bijbel stäit: “Wen jij ni wöör wat licht taum forståen sin uutsprääke, woo kan air waite wat fortelt wart?” (1 Cor 14:9)
Wat hät Jësus måkt?
1. Kijk der VIDEO, urer lees Mateus 6:25 bet 27. Nåheer, dau dai frågen hijr uuner antwoore:
Womit hät Jësus t’hoopmaint dai moor soo as Jehovaa oos uppasse däit?
Lijkerst dat Jësus feel waite däir oiwer dai fågels, woweegen hät hai bloos air dail oiwer eer sägt? Woweegen is dat gaud wääst dat hai soo inlërt hät?
Wat lëre wij fon Jësus?
2. Wen wij ainfach inlëre is lichter dat dai lüür andenke an dat wat wij inlërt häwe un dat gäit eer härts an.
Måk Jësus nå
3. Säg ni taufeel. Dau bloos säge wat in dem bauk stäit, ni ales wat’s duu dåroiwer waite däist. Wen’s duu ain fråg måke däist, wäs geduldig un luur bet dai mësch antwoort. Wen dai ni dai antwoord wät urer sägt wat wat ni t’hoopstimt mit dai Bijbel, måk andrer frågen dat dai dåroiwer grüüwle däit. Wen dai mësch dat oiwerst dail forstäit, dau wijrer inlëre.
4. Fortel oiwer dat wat dai mësch al lërt hät taum der mithelpe nijg daile forståe. Wosoo dat måke? Airer as anfänge lëre der kapitel oiwer upleewen, duu kast der mësche nådenke helpe wat dai al lërt hät oiwer dai doore.
5. Suik dai t’hoopmainen gaud uut. Airer as air t’hoopmainen måke, fråg dij:
‘Is dat t’hoopmainen ainfach?’
‘Däit dai mësch wat dai Bijbel lërt dat t’hoopmainen licht forståe?’
‘Däit dai mësch andenke wat dat bedüüre däit urer denk bloos an dat t’hoopmainen?’