FRÅGEN WAT DAI BIJBEL ANTWOORT

Koine oos süün forgeewt ware?

Dai Bijbel sägt dat wij ale süündig lüür sin. Wij häwe dat süün ärbt fon dat airst kërl, Adam. Dårweegen daue wij öftens forkërd daile måke, wat denåste oos lëd daue däit. Åwer oos süün koine forgeewt ware. God sij Kind, Jësus Kristus is doodbleewe taum oos rere. Dat is ain geschenk fon God tau oos. (Lees Romanos 3:23 un 24.)

Wek lüür wat groot süün måkt häwe, daue sich fråge of God eer forgeewe däit. Woo gaud dat God sij Woord sägt: “Dij kind Jësus sij blaud mökt oos rëgen fon al süün.” (1 João 1:7) Jehovaa wil forgeewe, sogår dai groot süün, wen dat oos lëd daue däit. (Lees Isaías 1:18.)

Wat muite wij måke taum forgeewt ware?

Wen wij wile dat Jehovaa God oos forgeewe däit, muite wij oiwer em lëre: woo hai dai daile måke däit, em sijn formånen un wat hai for oos luure däit. (João 17:3) Jehovaa däit ümer forgeewe dai wat sich lëd daue un sich anstrenge taum aners ware. (Lees Atos 3:19.)

God gefale is ni soo slim as feel maine daue. Jehovaa forstäit oos swakhëte. Hai is barmhärtsig un gaud. Dit waite däit dij helpe mër lëre wile oiwer wosoo em gefale, is ni wår? (Lees Salmo 103:13 un 14.)