Bläärer taum dij Lëre Helpe - Antwooren
2 BET 8 MAI
DAILE SOO AS GULD WAT INE BIJBEL STÅE | 1 SAMUEL 27 BET 29
“Dat wat Davi uutdacht hät taum krijg gëgen sij faind måke”
Perspicaz 1 sijr 164 par 8
Aquis
Twai måls as Davi fon Saul uutreete is, hät hai sich forsteeke in dai stele woo köönig Aquis regijre däir. In dat airst mål, as maint woore is dat Davi air faind wäir, Davi hät sich soo anstelt as hai forrükt wäir un Aquis hät låte dat hai weggåe is, weegen hai däir maine dat Davi kain gefärlig mësch wäir. (1 Sam 21:10 bet 15, Sal 34:titel, 56:titel) Dat twait mål wäir Davi t’hoop mit 600 soldåte, un dai soldåte sijn familge un dun hät Aquis sägt sai schule in Ziclague wåne. Sai häwe dår 1 jår un 4 månats lang wånt un in dës tijd lang hät Aquis maint dat Davi un sijn soldåte däire dai stäärer in Judeia inbreeke. Åwer Davi däir dit ni måke, hai däir dai gesuritas, dai girzitas un dai amalequitas steele. (1 Sam 27:1 bet 12) Davi hät soo gaud Aquis inreert kreege, dat Aquis hät sich sër dul up em forlåte. Un as dai filisteus sich inrichte däire taum gëgen Saul un sijn soldåte strijre, Aquis hät wul dat Davi em behüüte däir in dem krijg. Åwer bits airer as sai loosgåe sin, wek prins fone filisteus häwe ni wul dat Davi un sijn soldåte t’hoop mit em kämfe däire un häwe em forlangt dat hai schul eer na Ziclague tröögschike. (1 Sam 28:2 un 29:1 bet 11) As Davi köönig woore is, un hät gëgen dai lüür fon Gate streere, däit soo låte dat Aquis ni doodmåkt woore is. Hai hät leewt bet dai tijd hen woo Salomão köönig woore is. (1 Reis 2:39 bet 41) Kijk GATE.
Wat Bekandmökt 03/21 sijr 4 par 8
Juugende, wat koine jij måke dat andrer sich up juuch forlåte?
8 Sai anerd swårhët wat Davi doirleewt hät. As Davi uutsöcht woore is taum köönig sin in Judá, hai hät müst sër lang luure airer as hai anfänge küün an regijre. (1 Sam 16:13 un 2 Sam 2:3 un 4) Wat hät em hulpe geduldig sin, solang as hai luure däir? Hai is ni traurig woore, weegen hai hät sich anhule an dat wat hai måke küün. Sai wat hai måkt hät solang as hai sich forsteeke müst in dai filisteus gëgende. Davi hät dår sijn tijd benutst taum gëgen dai fainde fon Israel strijre. Soo hät hai dai grense fon Judá behüütet kreege. (1 Sam 27:1 bet 12)
Perspicaz 2 sijr 354 par 6
Loigen
Dai Bijbel sägt is forkërd laige taum slecht daile tau andrer måke. Åwer, dit bedüürt ni dat air mësch mut ümer dai wårhët säge tau dai lüür wat ni dai recht häwe taum dat waite. Jësus hät formånt: “Dau ni tau dai huun geewe wat hailig is, smijt uk ni dijn daile mit groote wërd tau dai swijn hen, dat dai nij ais dai pere mit der fuit un måke sich oiwer juuch heer un forrijte juuch in stüke.” (Mat 7:6) Dårweegen, wekmåls wen dat küün gefärlig tau Jësus sin, hai hät ni ales sägt wat dai lüür waite wule un hät wek frågen ni genau antwoort. (Mat 15:1 bet 6, 21:23 bet 27 un João 7:3 bet 10) Wij koine dat neemlig denke oiwer dat wat Abraão, Isaque, Raabe un Eliseu måkt häwe. As sai bedråge häwe un ni ales sägt häwe, tau dai wat ni Jehovaa dijne däire. (Gên 12:10 bet 19, kap 20, 26:1 bet 10, Jos 2:1 bet 6, Tia 2:25 un 2 Reis 6:11 bet 23)
Suik ine Bijbel daile soo as guld
Wat Bekandmökt 01/01/10 sijr 20 par 5 un 6
Koine dai doore dai leewige helpe?
Denk hijr an. Ine Bijbel stäit wen air mësch doodblijwt dai “gäit tröög nam stow” un dat “dem sijn gedanke ware al”. (Sal 146:4) Saul un Samuel däire waite dat God forbaire däir aine mësche suike wat forsuike däir mit dai doore fortele. Airste, Saul hät sogår sich sër dul anstrengt dat dat Israel folk sich ni inlåte däir mit spiritismus un hexerig. (Lev 19:31)
Dau hijr oiwer denke. Wen dai reäl profët Samuel nog leewe däir soo as air gaist, däir hai God sijn lei forachte doir ain fruug mithelpe wat forsuike däir mit dai doore fortele, taum sich mit Saul trefe? Në! Gans sicher ni. Jehovaa wul ni mit Saul fortele. Den, dës fruug küün ni mit gewald måke, dat God wat ales måkt hät, mit Saul fortele däir doir Samuel wat al dood wäir. Gans sicher, dat wäir ni dai reäl profët Samuel. Åwer, air slecht ängel wat sich anstele däir soo as wen hai Samuel wäir.
9 BET 15 MAI
DAILE SOO AS GULD WAT INE BIJBEL STÅE | 1 SAMUEL 30 UN 31
“Suik Jehovaa taum kraft krijge”
Wat Bekandmökt 01/08/06 sijr 28 par 12
Häw angst taum ni Jehovaa gefale un wäs fröölig!
12 Dat Davi angst har taum ni Jehovaa gefale, dat hät em hulpe ni sofeel forkërd daile måke. Åwer, dat hät em in andrer daile mit-hulpe, air dail wäir as hai slimhëte doirsete däir, hai hät sich mit klaukhët dårmit drëgt. Davi un dai kërls wat em bijståe däire, häwe sich doir 1 jår un 4 månats lang forsteeke fon Saul in ain stad wat Ziclague haite däir, in dai filisteus gëgende. (1 Sam 27:5 bet 7) Air mål as dai kërls ni t’huus wäire sin wek kërls fon dai amalequitas kåme, sai häwe dai stad forbrent un häwe eer kiner, eer fruuges un eer fai mitnåme. As sai na huus kåme sin un häwe saie wat passijrt wäir, Davi un dai wat em bijståe däire, häwe hüült. Sai sin glijk wüütend woore un dai kërls wule sogår Davi doodsmijte. Lijkerst, dat ales uute raich wäir, Davi hät sich ni tau dul kopbreeken måkt. (Pro 24:10) Hai wul ümer Jehovaa gefale un dun, hai hät Jehovaa hülp forlangt un hai hät em hulpe. Davi un dai kërls wat em bijståe däire sin hijner nå dai amalequitas gåe un häwe ales trööghålt. (1 Sam 30:1 bet 20)
Wat Bekandmökt 15/04/12 sijr 30 par 14
Jehovaa däit oos behüüte dat wij koine rert ware
14 In sijn leewend lang, Davi hät sër feel slecht daile mitmåkt wat em kopbreeken geewt häwe. (1 Sam 30:3 bet 6) Dat wat God Davi dreewe hät int Bijbel rinersrijwe, däit wijse dat Jehovaa waite däir wat hai forneeme däir. (Lees Salmo 34:18 un 56:8.) God däit uk waite wat wij forneeme daue. Wen wij ain “forbråken härts” häwe urer “åne lust sin”, hai is näig bij oos. Gans sicher dat trööst oos, soo as Davi dat trööst hät. Davi hät soo sunge: “Ik dau groot frööligkët mit dij reäl lijb häwe, weegen duu däist mijn unruigkët saie. Duu däist mijn groot nood kene.” (Sal 31:7) Åwer, Jehovaa däit ni bloos oos unruigkët saie, hai däit mër daile måke. Hai däit oos trööste un giwt oos koråsch. Ain årt woo hai dat mökt is doir oos kristlige forsamlunge.
Suik ine Bijbel daile soo as guld
Wat Bekandmökt 15/03/05 sijr 24 par 8
Oiwerste daile fon 1 Samuel bauk
30:23, 24. Dit wat uutsöcht woore is soo as stäit in Números 31:27 wijst dat Jehovaa feele wërd giwt tau dai wat arbëds in sijne gemaind måke daue wat dai andrer ni waite. Den, jërer daile wat wij måke daue, wij muite ‘dat måke mit oos ganse sël, soo as wen tau Jehovaa wäir, un ni tau dai lüür’. (Col 3:23)
16 BET 22 MAI
DAILE SOO AS GULD WAT INE BIJBEL STÅE | 2 SAMUEL 1 BET 3
“Wat lëre wij mit dat lijd wat ‘Dai båge’ hit?”
Wat Bekandmökt 15/06/00 sijrer 13 un 14 par 9
Dau ëre dai wat båwen dij sin
9 Is Davi unruig bleewe as dai andrer mit em slecht wäire? “Slecht kërls wile mij doodmåke”, hät Davi beert tau Jehovaa. (Sal 54:3) Davi hät sij härts tau Jehovaa upmåkt: “Ach mij God, dau mij fraimåke fon mijn fainde; . . . Stark kërls kåme mij int gëgen, åwer ni weegen mijn schuld urer süün, ach Jehovaa. Lijkerst dat ik nischt forkërd måkt häw, sai loope un måke sich trecht taum oiwer mij kåme. Stå up wen ik dij raup un kijk.” (Sal 59:1 bet 4) Häst duu dij al ais soo fornåme - dat air wat båwen dij wäir wat måke däir gëgen dij, lijkerst dat’s duu nischt slechtes måkt harst tau dem? Davi hät lijkerst ëren weese tau Saul. As Saul doodbleewe is, Davi hät sich ni fröögt, åwer hai hät air doorelijd sreewe: “Saul un Jonatã wäire soo schöön un lijbt in eer leewend, . . . wäire nog dreler as dai håwke un nog stärker as dai lööwe. Ach määkes fon Israel, daut hüüle weegen Saul.” (2 Sam 1:23 un 24) Woo’n gaur moor wat ëren wijse tau dem wat Jehovaa uutsöcht hät, lijkerst dat Saul em behanelt hät mit ungerechtigkët!
Wat Bekandmökt 15/04/12 sijr 10 par 8
Andrer bedraige - Ain hässlig moor in dai lätste dåg!
8 Dai Bijbel däit uk fortele oiwer feel reäl lüür. Wiman’s saie 2 fon der un wat wij lëre koine dårmit. Wij daue airst fortele oiwer air kërl wat reäl tau Davi wääst is. Jonatã, dai ülst jong fon köönig Saul, hai har dai recht taum dai näigst köönig sin fon Israel. Åwer, air dail is passijrt: Jehovaa hät Davi uutsöcht taum köönig fon Israel sin. Jonatã hät dat gaud annåme, hät ni Davi henstelt taum faind urer is traurig woore. Airer, Jonatã hät Davi lijbt un hät em forspråke dat reäl wäir tau em. Jonatã hät sogår Davi geewt sij tüüg, sijn espada, sijne flitsbåge un sijne raime, soo hät hai em ërt as air köönig. (1 Sam 18:1 bet 4) Hai hät ales måkt wat hai küün taum Davi stärke, hät weese dat hai mit Davi t’hoop wäir lijkerst dat dat em sij leewend koste küün. Jonatã hät mit reäligkët tau Davi sägt: “Duu warst köönig oiwer Israel un ik war dai twait nå dij.” (1 Sam 20:30 bet 34, 23:16 un 17) Is ni taum bewunren dat, nåheer dat Jonatã doodbleewe is, Davi weese hät sijn traurigkët un sij lijb up em in air doorelijd. (2 Sam 1:17 un 26)
Suik ine Bijbel daile soo as guld
Perspicaz 1 sijr 1248 par 1
Braurer
Braurer hät uk besägen mit dai wat ainig sin taum air dail måke un wat dai selwig daile im wile häwe taum måken. Soo as dai köönig Hirão, fon Tiro, wat der köönig Salomão nent hät soo as braurer, ni bloos dat sai bëd köönig wäire un macht hare, åwer weegen sai bëd wule hult un andrer sachen daile geewe taum God sij huus buuge. (1 Reis 9:13 un 5:1 bet 12) Davi hät sreewe: “Sai! Woo gaud un woo schöön is, wen bruirers un swesters t’hoopleewe in ainigkët!”. Dat schal bedüüre is ni bloos tauhööre tau dai selwig familg dat man freere un ainigkët häwe kan. (Sal 133:1) Davi un Jonatã wäire ni fon dai selwig familg, åwer dat lijb un dat sai dai selwig daile im wile hare, hät måkt dat Davi Jonatã nent hät as sij braurer. (2 Sam 1:26) Lüür wat dai neemlig daile im wile häwe un dai neemlig daile forneeme, lijkerst wen dai slecht sin, koine nent ware soo as bruirers. (Pro 18:9)
23 BET 29 MAI
DAILE SOO AS GULD WAT INE BIJBEL STÅE | 2 SAMUEL 4 BET 6
“Daut bijblijwe angst häwe for ni Jehovaa gefale”
Wat Bekandmökt 15/05/05 sijr 17 par 7
Oiwerste daile fon 2 Samuel bauk
6:1-7. Nog dat Davi wat gaures im wile har as hai der kaste fon Akord up ain wåge (kaross) drågt hät, nå God sij lei dürst dat ni, dårweegen is air groot unglük passijrt. (Êxo 25:13, 14, Núm 4:15, 19 un 7:7 bet 9) Dat wat mit Uzá passijrt is as hai an der kaste fon Akord ranergreepe hät, wijs dat, gaure wile häwe daue ni God sijn leis ümstele.
Wat Bekandmökt 01/02/05 sijr 27 par 20
Jehovaa mökt ümer dat wat richtig is
20 Wij döre oos ni forgeete dat Uzá waite müst dat hai dat ni måke küün. Dai kaste fon Akord däir bedüüre dat Jehovaa bij eer dår wäir. Dai lei däir säge dat dai lüür, wat ni dai recht hare, küüne ni an dai kaste fon Akord ranerstööte, süste küüne dai doodblijwe. (Núm 4:18 bet 20 un 7:89) Dai kaste fon Akord wäir hailig, dårweegen wäir ni ain ainfach dail dai henbringe nåm Jerusalém. Uzá wäir air levita, åwer ni air praister, dårweegen müst hai waite dai lei dåroiwer. Un nog, jåre airer is dai kaste fon Akord henbröcht woore na em sij papa sij huus taum behüütet ware. (1 Sam 6:20 bet 7:1) Un dai is dår bleewe ain 70 jåre, bet dai dag woo Davi uutsöcht hät dai na Jerusalém bringe. Kan sin set klain up däir Uzá dai leis oiwer dai kaste fon Akord kene.
Wat Bekandmökt 01/02/05 sijr 27 par 21
Jehovaa mökt ümer dat wat richtig is
21 Soo as al sägt woore is, Jehovaa kan saie wat in oos härts is. Dai Bijbel sägt dat Uzá ni ëren weese hät. Kan sin dat Jehovaa wat in Uzá sij härts saie hät wat dai Bijbel ni gans klår låte däit. Däir Uzá sich grootdaue? Wäir hai gewoont daile måke wat hai ni recht har taum måken? (Pro 11:2) Is hai groosartig woore weegen dat em sijn familg der kaste fon Akord soo lang behüütet har? (Pro 8:13) Wäir em sij gloobe soo swak dat hai dacht hät dat Jehovaa ni behüüte küün der kaste fon Akord wat bedüüre däir dat Jehovaa dår bij eer wäir? Wij waite ni. Åwer wij koine oos sicher sin dat Jehovaa måkt hät dat wat richtig is. Kan sin dat hai wat in Uzá sij härts saie hät dat hai em soo rasch gericht hät. (Pro 21:2)
Suik ine Bijbel daile soo as guld
Wat Bekandmökt 01/04/96 sijr 29 par 1
Smijt dijn dracht urer fracht oiwer Jehovaa
Davi soo as köönig har uk schuld an Uzá sijne dood. Davi is wüütend woore mit Jehovaa, denåste hät hai angst hat. (2 Sam 6:8 un 9) Dit wijst dat lijkerst wen air mësch ain gaur ümgang mit Jehovaa hät kan öftens ni dai daile onglig forståe wen slim daile passijre. Däir nuu Davi sich werer gans un går upforlåte an Jehovaa? Dës mål hät Davi sijn dracht urer fracht ni oiwer Jehovaa smeete. Weegen hät ni Jehovaa sijn ordnungs horgt. Däit dat öftens uk mit oos passijre? Daue wij Jehovaa dai schuld geewe oiwer oos problems, wen wij selwst ni Jehovaa sijn ordnungs horgt häwe? (Pro 19:3)
30 MAI BET 5 JUNI
DAILE SOO AS GULD WAT INE BIJBEL STÅE | 2 SAMUEL 7 UN 8
“Jehovaa hät ain akord mit Davi måkt”
Wat Bekandmökt 01/04/10 sijr 20 par 3
‘Dij Regirung wart up ümer fast ståen blijwe’
Jehovaa hät sich fröögt mit dat wat Davi im wile har. Dat Davi Jehovaa gefale wul un dat dat t’hooppasse däir mit Jehovaa sijne wile, Jehovaa hät aine akord mit em måkt, dat fon em sij familg däir dai köönig kåme wat up ümer regijre däir. Natã hät tau Davi sägt wat God em forspråke har: “Dij huus un dij regirung daue fast ståe up ümer foir dij, dij aigen troon bliwt fast ståe up ümer.” (Spruch 16) Wee hät dës akord ärbt un däit up ümer regijre? (Sal 89:20, 29 un 34 bet 36)
Wat Bekandmökt 01/04/10 sijr 20 par 4
‘Dij Regirung wart up ümer fast ståen blijwe’
Jësus fon Nazaré däir afstame fon Davi. As air ängel Jësus sij gebooren bekandmåkt hät, dai hät sägt: “Jehovaa God däit em dai troon fon sijm fåter Davi, geewe, un wart Köönig sin oiwer Jacó sij huus up ümer un sij Regirung wart kair ën häwe.” (Luc 1:32 un 33) Soo dës akord mit Davi, is passijrt mit Jësus Kristus. God hät em forspråke dai recht taum up ümer regijre, dat wijst dat sij Regirung ni uutsöcht is fone lüür. Wij döre ais nij forgeete, dat God måke däit wat hai forspråke hät. (Isa 55:10 un 11)
Wat Bekandmökt 15/10/14 sijrer 10 un 11 par 14
Häw starke gloobe an God sijne Regirung
14 Dau andenke an dat wat Jehovaa forspråke hät tau dem köönig Davi, in dem früüsche Israel, doir der akord wat hai mit em måkt hät. (Lees 2 Samuel 7:12 un 16.) As Davi köönig wäir in Jerusalém hät Jehovaa dës akord mit em måkt, hät tau em forspråke dat dai Messias fom em afstame däir. (Luc 1:30 bet 33) Soo, hät Jehovaa uutsöcht dat air wat fon Davi afstame däir, dai recht häwe däir taum regijre im God sij Regirung. (Eze 21:25 bet 27) Doir Jësus, Davi sij regirung ‘blijwt fast inset up ümer.’ Dai wat fon Davi, afstame, “blijwe up ümer, sij troon blijwt solang as dai sün foir mij is.” (Sal 89:34 bet 37) Jå, Messias sij Regirung wart nij ais slecht un dat wat dai måke däit, blijwt up ümer!
Suik ine Bijbel daile soo as guld
Perspicaz 2 sijr 1165 par 1
Lätste dåg
Dai profesijr fon Balaão. Airer as dat Israel folk rinergåe is in dat forspråken land, Balaão hät tau Balaque, köönig fon Moabe, sägt: “Nuu gåe ik weg tau mijn folk, åwer airste, låt mij dij beschaid säge, wat dit folk taum dijn folk in dai tijd foiruut måke däit. . . . Ain stërn kümt fon Jacó un ain cetro wart upståe fon Israel. Un gans sicher wart dai Moabe sijne foirkop inplatse, un al der gewaldige krijg kërls eene breege.” (Núm 24:14 bet 17) In anfang in dës profesijr häwe wij sai dat dës stërn, dai köönig Davi is, dai wat dai moabitas gewune hät. (2 Sam 8:2) Wij koine saie in dës profesijr dat “dai lätste dåg” anfånge häwe, as Davi köönig woore is. Weegen dat wat Davi måkt hät, däir wijse dat wat Jësus nog måke däir, soo as Köönig. Dës profesijr hät uk besägen mit Jësus, wen hai sijn fainde uutrote däit. (Isa 9:7, Sal 2:8 un 9)
6 BET 12 JUNI
DAILE SOO AS GULD WAT INE BIJBEL STÅE | 2 SAMUEL 9 UN 10
“Davi hät reäl lijb weese”
Wat Bekandmökt 15/06/06 sijr 14 par 6
Duu kast fröölig sin
Davi hät soo sreewe: “Fröölig is dai wat sich bekümert oiwer der gewöönlige, im dag mit unglük Jehovaa däit der rere. Jehovaa däit der behüüte un däit der leewe låte. Dai wart fröölig nent upe Ër.” (Sal 41:1, 2) Jonatã un Davi hare aine gaure ümgang t’hoop un dårweegen, hät Davi tau Mefibosete, Jonatã sij låm kind, gaurigkët weese, dat kan man nåmåke soo as man dai gewöönlige behandle mut. (2 Sam 9:1 bet 13)
Wat Bekandmökt 15/05/05 sijr 17 par 11
Dai oiwerste daile fon 2 Samuel bauk
9:1, 6, 7. Davi hät sij woord hule, wij muite oos uk anstrenge taum oos woord hule.
Wat Bekandmökt 15/02/02 sijr 14 par 10
Dai häwe müst sich drëge mit dat wat soo wäir as paike im flaisch
10 Wek jåre nåheer, dai köönig Davi, weegen sijn groot lijb up Jonatã, hät gaurigkët weese tau Mefibosete. Davi hät Saul, sij land em ales afgeewt un hät Ziba uutsöcht, wat Saul mithelpe däir, taum dat land bearbëre. Davi, hät uk tau Mefibosete sägt: ‘Duu warst ümer eete an mijn disch.’ (2 Sam 9:6 bet 10) Gans sicher dat gaurigkët wat Davi weese hät tau Mefibosete hät em trööst un em hulpe sich drëge forståe mit dat slecht forneemen wat hai har, weegen dat hai ni gåe küün. Woo wat faines koine wij dårmit lëre! Wij muite em nåmåke, un uk gaurigkët wijse tau dai wat soo wat häwe as ain paik im flaisch.
Suik ine Bijbel daile soo as guld
Perspicaz 1 sijr 291 par 5
Bård
Mank feel früüsche folk, sogår mank dai israeliten, dai kërls aine bård häwe, har groote wërd. In dai lei wat God tau Israel folk geewt hät, sai dürste ni dai gans sijr fon eene bård måke. (Lev 19:27 un 21:5) Jehovaa, hät dat forlangt weegen wek wat em ni dijne däire, hare ain religion moor der bård gans afmåke.
13 BET 19 JUNI
DAILE SOO AS GULD WAT INE BIJBEL STÅE | 2 SAMUEL 11 UN 12
“Dau ni erlaube dat forkërd wünsch dij oiwerhand nimt”
Wat Bekandmökt 06/21 sijr 17 par 10
Duu kast afkåme fon Satan sijn slenge!
10 Dat dai köönig ümer mër häwe wul, hät hai sich forgeete ales wat Jehovaa em al geewt har: rijkhët, groot ansaien, un dai feel krijg wat hai al gewune har. Davi däir waite dat dai geschenke fon God “tau feel wäire taum sägen”, un hai wäir sër dankbår dåroiwer! (Sal 40:5) Air mål hät Davi forgeete wat hai fon Jehovaa kreege har. Hai wäir ni fröölig, hai wul nog mër häwe. Nog dat hai al andrer fruuges har, Davi hät anfånge ain forkërd wünsch ine härts häwe oiwer anerd kërl sijn fruug. Dai fruug wäir Bate-Seba un eer kërl wäir Urias, dai hitita. Dat hai ni freere wäir mit dat wat hai al har, Davi hät seks bedreewe mit Bate-Seba un sai is kåme taum kind luure. Davi hät dës groot süün måkt un nåheer hät hai nog wat måkt dat Urias doodmåkt woore is! (2 Sam 11:2 bet 15) Wat däir Davi denke? Däir hai denke dat Jehovaa dat ni saie däir? Davi wäir air reäl dijne fon Jehovaa, åwer hät sich forfuire låte mit forkërd wünsch un dårweegen hät em dat sër slecht gåe. Åwer Davi hät sägt wat hai forkërd måkt har un hät sich dåroiwer lëd dår. Gans sicher hät hai sich sër dankbår fornåme dat Jehovaa em forgeewt hät! (2 Sam 12:7 bet 13)
Wat Bekandmökt 09/19 sijrer 17 un 18 par 15
Dau Jehovaa rasch horge - Woweegen un wosoo?
15 Lijkerst dat Davi schef oiwer sijn aigen familg wäir, hai is uutsöcht woore fon Jehovaa taum schef sin oiwer dat gans Israel folk. Dat Davi köönig wäir, har hai groot macht. Wekmåls, hät hai ni onglig dës macht benutsen forståe un hät groot süün måkt. (2 Sam 11:14 un 15) Åwer Davi hät weese dat hai Jehovaa horge däir un hät dat formånung annåme. Im gebeed däir hai säge wat hai ine härts har un däir måke wat hai küün taum Jehovaa sijn formånen någåe. (Sal 51:1 bet 4) Un nog, Davi wäir soo gewöönlig dat hai annåme hät formånen ni bloos fone kërls, åwer uk fone fruuges. (1 Sam 19:11, 12 un 25:32, 33) Davi hät lërt mit dai forkërde daile wat hai måkt hät un hät måkt dat dai oiwerst dail im sijn leewend wäir Jehovaa anbeere.
Wat Bekandmökt 06/18 sijrer 17 un 18 par 7
Erlaub dat God sijn leis un dai wårhëte fone Bijbel dijne forstand lenke daue
7 Woo gaud is dat wij hüüt ni nood doirsete bruuke taum waiten woo traurig is dat wen man God sijn leis ni horge däit. Ine Bijbel ståe lüür een nåme wat groot süün måkt häwe un wij koine sër mit eer lëre. Provérbios 1:5 sägt: “Dai klauk horgt un däit mër lëre.” Dat best inlëren wat wij krijge koine kümt fon God un hai kan oos inlëre wen wij leese un grüüwle oiwer dat wat ine Bijbel stäit. Soo as dau andenke an dai groot waidåg wat dai köönig Davi fornåme hät as hai God ni horgt hät un sich inlåte hät mit ain forfrigt fruug, Bate-Seba. (2 Sam 12:7 bet 14) Den wen’s duu dës geschicht leese däist, dau dij fråge: ‘Wat har küüt Davi aners måkt häwe taum ni dës groot süün måke? Wen soo wat mit mij passijre däit, wat dau ik måke? Dau ik uutrijte soo as José urer dau ik mij inlåte soo as Davi?’ (Gên 39:11 bet 15) Soo’ne sort angrüüwlen kan oose härts helpe ‘hasse dat wat slecht is’.
Suik ine Bijbel daile soo as guld
Perspicaz 1 sijr 653 par 3
Davi
Jehovaa hät dat ales saie un hät dat ni in forsteek låte. Wen Jehovaa erlaubt har dat juízes eer gericht hare, doir dai lei wat Moisés sreewe har, den wäire sai bëd doodmåkt woore un gans sicher dat kind wat Bate-Seba luure däir wäir uk doodbleewe t’hoop mit eer. (Deut 5:18 un 22:22) Weegen dai akord fon sijm Regirung hät Jehovaa barmhärtsigkët weese tau Davi un hai selwst hät dat int raich bröcht (2 Sam 7:11 bet 16), weegen dai aigen Davi däir uk barmhärtsigkët wijse (1 Sam 24:4 bet 7, pass dit t’hoop mit Tia 2:13) un weegen God hät saie dat eer dat lëd daue däir. (Sal 51:1 bet 4) Åwer sai sin ni bleewe ån stråft ware. Doir dai profët Natã Jehovaa, hät sägt: “Ik bringt oiwer dij air unglük wat fon dij aigen huus kümt.” (2 Sam 12:1 bet 12)
20 BET 26 JUNI
DAILE SOO AS GULD WAT INE BIJBEL STÅE | 2 SAMUEL 13 UN 14
“Amnom sijn afgünigkët hät groot unglük bröcht”
Perspicaz 1 sijr 31 par 6
Absalão
Amnom is dood måkt woore. Absalão sijn swester Tamar, wäir sër fain. Dat hät måkt dat em sij halw braurer Amnom eer sër gërn häwe wul. Amnom hät sich ais anstelt soo as wen hai krank wäir, un Tamar is dår henschikt woore taum em helpe un taum em kåke. Un dun hät Amnom eer mit gewald angåe. Dat lijb wat Amnom oiwer Tamar har, is mit ais hassen woore, un hai hät måkt dat Tamar up ruu schikt woore is. Sai hät sijn strijpig tüüg intwëreete wat wijse däir dat sai dem köönig sij ërlig määke wäir, un mit asch oiwer der kop, Tamar hät sich trufe mit Absalão. Hai hät glijk andacht dat küün Amnom, sij halw braurer måkt häwe, weegen hai wul gërn Tamar häwe. Absalão hät tau sijne swester sägt sai schul kain wat updrüke un hät eer mitnåme taum in em sijn huus wåne. (2 Sam 13:1 bet 20)
Wat Bekandmökt 09/17 sijr 5 par 11
Dau dij anstrenge taum dij selwst hule krijge
11 Ine Bijbel stäit oiwer wek lüür wat ni dai wünsch taum seks bedrijwen hule kreege häwe un häwe feel dårweegen doirset. Wen’s duu soo wart doirsete däist soo as Kim, wat däit dij helpe? Dau dij tijd ruuterneeme taum andenke wat passijrt is mit dem jonge wat stäit in dem kapitel 7 fon Provérbios. Dau uk dai geschicht fon Amnom lëre un dau andenke an woo wat slechtes ais em sij uutsuiken ruutergeewt hät. (2 Sam 13:1, 2, 10 bet 15 un 28 bet 32) Dai papa un mama koine uk oiwer dit lëre in dai bijbelstuun ine familg. Soo daue sai eer kiner helpe sich selwst hule krijge un klaukhët häwe taum sich ni forfuire låte.
Perspicaz 1 sijr 31 par 9
Absalão
Twai jåre wäire forbij. Wäir dai tijd taum dai schåpe besnijre, un Absalão hät ain fest inricht in Baal-Hazor, 22 kilomëter af in norte fon Jerusalém. Absalão hät dai köönig Davi un sijn kiner nöögt taum kåme. As sij papa sägt hät dat hai ni kåme däir, dun hät Absalão Davi andreewe taum Amnom, sijne airste jong schike in sijn stel. (Pro 10:18) As Amnom sich gaud befijne däir weegen dem wijn upm fest, Absalão hät em doodmåke låte. Davi sijn andrer kiner sin trööggåe nam Jerusalém, un Absalão is na Síria gåe, woo sij groosfåter wåne däir in Gesur sij gëgend. (2 Sam 13:23 bet 38) Dat wat dai profët Natã sägt hät is passijrt: Dai “espada” däit nij ais wegblijwe fon dijn “huus”. (2 Sam 12:10)
Suik ine Bijbel daile soo as guld
Wåkt Up! 22/12/04 sijr 8 par 5 un sijr 9 par 1
Dai fainhët wat mëre wërd hät
Absalão air fon Davi sijn kiner, hät weese dat hai air mësch wäir mit hässlig moors lijkerst dat hai sër hübsch un smuk wäir. Oiwer em dai Bijbel sägt: “In dem ganse Israel wäir kair mësch wat soo låwt wäir weegen sijne fainhët as Absalão. Fon der kop bet dai fuit hai har kaine fëgel.” (2 Sam 14:25) Åwer dat hai soo afgünig wäir is hai gëgen sijne aigen papa bleewe un hät em dai troon wegnåme. Hai hät sogår em sij papa sijn fruuges mit gewald angåe. Dat hät ruutergeewt dat Absalão aine sër slim dood hat hät. (2 Sam 15:10 bet 14, 16:13 bet 22, 17:14, 18:9 un 15)
Wilst duu soo sin as Absalão? Gans sicher ni. Hai wäir air mësch mit hässlig moors. Hai wäir groosartig, wäir ni reäl. Em sijn fainhët hät nischt loont taum sich rert krijge. Gans aners, ine Bijbel stäit oiwer feel lüür wat klauk un fründlig wäire, åwer sägt nischt of sai fain wäire. Den blijwt klår, wat der mëste wërd hät is soo as dai mësch inwarts is.
27 JUNI BET 3 JULI
DAILE SOO AS GULD WAT INE BIJBEL STÅE | 2 SAMUEL 15 BET 17
“Absalão wäir groosartig un hät ni horgt”
Perspicaz 2 sijr 692 par 7
Dai wat nå foir gäit
In Oriente wäir ine moor, dat lüür nå foir loope däire, foir dem köönig sij wåge, taum bekandmåke dat hai kåme däir, un em helpe in dat wat dai bruuke däir. (1 Sam 8:11) Absalão un Adonias, häwe dit nåmåkt taum sich groot wijse, hare 50 lüür foir eene wågen taum nå foir loope. (2 Sam 15:1 un 1 Reis 1:5) Kijk CORREDORES (BATEDORES).
Wat Bekandmökt 15/07/12 sijr 13 par 5
Dijnt der God fon fraihët
5 Ine Bijbel stäit oiwer feel lüür wat andrer inreert häwe slechte daile måke. Air fon dai is Absalão wääst, hai wäir dem köönig Davi sij kind un wäir air sër fain mësch. Åwer mite tijd, grår soo as satan dat måkt hät, hai is groosartig un afgünig woore un wul in sijm papa sijn stel regijre, air dail woo hai kain recht oiwer har. Taum dat krijge, Absalão hät sich anstelt as wen hai sich bekümre däir mit dai israeliten, hai hät soo dår as dai wat regijre däire sich ni bekümre däire mit dai. Soo as dai Düüwel dat måkt hät in dem Eden gåre. Absalão hät sich soo anstelt as wen hai air gaur mësch wäir, åwer in dai neemlig tijd, däir hai sër slecht oiwer sijne papa reere. (2 Sam 15:1 bet 5)
Perspicaz 1 sijr 1138 par 1
Hébron
Wek jåre nåheer, Davi sij kind, Absalão is trööggåe nå Hébron, un dår hät hai sich soo bekandmåkt as wen hai dai köönig wäir. (2 Sam 15:7 bet 10) Kan sin hai hät Hébron stad uutsöcht taum dit måken, weegen Hébron wäir ain ul stad fon Judá un dai stel woo hai geboore wäir. Spårer hen, Davi sij enkelskind, dai köönig Roboão, hät Hébron werer upbuugt. (2 Crô 11:5 bet 10) Åwer, nådem dat dai lüür fon Babilônia Judá uutrot häwe, wek fon dai Judeus wat tröögkåme sin, sin in Hébron (Quiriate-Arba) wånen bleewe. (Nee 11:25)
Suik ine Bijbel daile soo as guld
Wat Bekandmökt 08/18 sijr 6 par 11
Däist duu ales dåroiwer waite?
11 Daile wat ni gans un går wår sin, kan irgends air fon oos sër wat schåre. Sai ais wat passijrt is mit dem köönig Davi un Mefibosete, Saul sij enkelskind. Davi is sër gaud un fraigeewig mit Mefibosete wääst, hai hät em al dat land wat Saul hööre däir, tröög geewt. (2 Sam 9:6 un 7) Åwer, spårer hen, häwe’s slecht fortelt oiwer Mefibosete tau Davi. Airer as sich dat nåfråge of dat wirklig wår wäir, Davi hät Mefibosete al dat land wegnåme. (2 Sam 16:1 bet 4) Nåheer, dat sai inenaner fortelt häwe, Davi hät sai dat hai forkërd wäir, un hät em werer wat tröög geewt fon dem land. (2 Sam 19:24 bet 29) Davi hät woo anglööwt wat hai ni genau waite däir of dat soo wäir. Wen hai sich ales glijk onglig nåfrågt har, wäir dës groot ungerechtigkët ni passijrt.