KAPITEL 47
Büst duu trecht taum dij tauwe låte?
In dijne bijbelstuun duu häst al feel oiwer Jehovaa lërt. Un öftens duu häst al wek daile in dijn leewend aners måkt taum dårnå leewe wat’s duu lërt häst. Åwer, kan sin duu häst dij nog ni tau Jehovaa anbåre un tauwe låte weegen dat dij nog wat forstööre däit. In dësem kapitel wij daue wek daile saie wat dij koine forstööre tauwe låte un wosoo kast duu dai oiwerståe.
1. Must duu ales oiwer dai Bijbel waite taum dij tauwe låte?
Taum dij tauwe låte, duu must “dat genau kenen fone wårhët häwe.” (1 Timóteo 2:4) Dat bedüürt ni taum dij tauwe låte, must duu al dai frågen antwoore forståe wat dai lüür måke oiwer dai Bijbel. Sogår dai wat al lang tijd sich tauwe låte häwe muite bijblijwe oiwer Jehovaa lëre. (Colossenses 1:9 un 10) Åwer, duu must dai oiwerste belërungs fon God sij Woord kene. Dai ülster ware dij helpe ruuterfijne of’s duu al naug lërt häst taum dij tauwe låte.
2. Wat must duu måke airer as duu dij tauwe lötst?
Airer as duu dij tauwe lötst, ‘duu must dij lëd daue un halwrümer gåe.’ (Lees Atos 3:19) Dat bedüürt dat’s duu dij gans un går lëd daue däist fon irgends air dail wat’s duu trööguut forkërd måkt häst un duu däist Jehovaa forlange dat hai dij forgeewe däit. Dat bedüürt uk dat’s duu al uutsöcht häst nå Jehovaa sijne wile leewe un wilst nischt måke wat hai sägt wat forkërd is. Duu must uk dai forsamlunge taukijke un t’hoop mit dai gemaind preege.
3. Woweegen bruukst duu kain angst häwe taum dij tauwe låte?
Wek häwe angst dat sai ni ales måkt krijge wat sai tau Jehovaa forspråke häwe. Gewiss, wekmåls mökst duu wat forkërd. Dat is sogår passijrt mit reäl kërls un fruuges wat ine Bijbel nent sin. Åwer dau andenke dat Jehovaa ni luure däit dat dai wat sich tauwe låte nij ais wat forkërdes måke. (Lees Salmo 103:13 un 14) Hai fröögt sich wen’s duu dij best mökst! Un hai wart dij helpe. Jehovaa giwt oos sicherhët dat nischt ‘kan oos fon em sij lijb aflenke’. (Lees Romanos 8:38 un 39)
DAU MËR LËRE
Jehovaa beeter kene un em sijn hülp anneeme wart dij stärke dat’s duu dai swårhëte oiwerståe krijgst taum dij tauwe låte.
4. Dau Jehovaa beeter kene
Woo gaud must duu Jehovaa kene airer as duu dij tauwe lötst? Duu must em kene soo gaud dat’s duu em lijbe däist un wilst måke wat em gefale däit. Kijkt der VIDEO taum saie wat dai måkt häwe wat dai Bijbel lëre ine ganse wild taum Jehovaa beeter kene. Nåheer fortelt oiwer dai fråg hijr uuner:
Soo’s in dem video weese hät, wat hät wek lüür hulpe sich trecht måke taum sich tauwe låte?
Leest Romanos 12:2. Nåheer fortelt oiwer dai frågen hijr uuner:
Büst duu dij sicher oiwer dat wat dai Bijbel inlëre däit? Büst duu dij sicher dat Jehovaas Tüügen dai wårhët inlëre daue?
Wen’s duu dij ni gans sicher büst wat kast duu måke?
5. Dau irgends ain swårhët oiwerståe taum dij tauwe låte
Wen wij uutsuike oos leewend tau Jehovaa anbaire un oos tauwe låte, wij ale daue swårhëte doirsete. Taum saie wat ain fruug mitmåkt hät kijkt der VIDEO. Nåheer fortelt oiwer dai frågen hijr uuner:
Soo’s in dem video weese hät, wat fon swårhëte hät müst sai oiwerståe taum Tüüge fon Jehovaa ware?
Wosoo hät dat lijb wat sai up Jehovaa har eer hulpe dës swårhëte oiwerståe?
Leest Provérbios 29:25 un 2 Timóteo 1:7. Nåheer fortelt oiwer dai fråg hijr uuner:
Wat däit oos koråsch geewe taum dai swårhëte oiwerståe?
6. Dau dij up Jehovaa sijn hülp forlåte
Jehovaa wart dij helpe måke wat em gefale däit. Kijkt der VIDEO. Nåheer fortelt oiwer dai frågen hijr uuner:
Soo’s in dem video weese hät, wat däir dem kërl forstööre sich tauwe låte?
Wat hät em sij upforlåten up Jehovaa stärkt?
Leest Isaías 41:10 un 13 un nåheer fortelt oiwer dai fråg hijr uuner:
Wen’s duu dij anbaire däist tau Jehovaa, wosoo kast duu dij sicher sin dat’s duu måkt krijgst wat’s duu tau em forspråke häst?
7. Wäs ümer düler dankbår up Jehovaa
Wen’s duu angrüüwle däist wodul as Jehovaa dij lijbe däit, duu warst ümer düler dankbår up em un warst im wile häwe up ümer måke wat em gefült. Leest Salmo 40:5. Nåheer fortelt oiwer dai fråg hijr uuner:
Jehovaa giwt oos feel geschenke. Wat fon daue dij düler gefale?
Dai profët Jeremias däir Jehovaa un em sij Woord lijbe. Tau em wäir dat air groot ëren Jehovaa sijne nåme bekandmåke. Jeremias hät sägt: “Dij woord is frööligkët un lust tau mijn härts woore. Weegen ik dråg dijne nåme, ach Jehovaa God.” (Jeremias 15:16) Dau dës frågen antwoore:
Woweegen is air groot ëren Tüüge fon Jehovaa sin?
Wilst duu dij tauwe låte un Tüüge fon Jehovaa sin?
Is air dail wat dij forstöört dat måke?
Wat mainst duu, wat must duu måke taum dij tauwe låte?
WEK DAUE SOO SÄGE: “Ik häw angst mij tauwe låte un nåheer wat forkërd måke.”
Däist duu dij soo befijne?
WAT HÄWE WIJ HIJR LËRT?
Mit Jehovaa sijn hülp duu kast irgends ain swårhët oiwerståe taum dij tauwe låte.
Denk dij ais nå
Must duu ales fone Bijbel waite airer as duu dij tauwe lötst?
Wat kan sin must duu aners måke in dijn leewend airer as duu dij tauwe lötst?
Woweegen dörst duu ni låte dat dai angst dij forstöört dij tauwe låte?
TAUM MËR WAITE
Dau andenke woweegen as duu dij tauwe låte wilst.
“Büst duu al trecht taum dij tauwe låte?” (Wat Bekandmökt, märts 2020)
Wek swårhëte koine dij forstööre tauwe låte. Dau saie wosoo as duu dit oiwerståe kast.
“Wat däit mij forstööre dat ik mij tauwe låt?” (Wat Bekandmökt, märts 2019)
Dau saie wosoo air kërl groot swårhëte oiwerståe kreege hät taum sich tauwe låte.
Air kërl wat Ataa hit in anfang wäir sich ni sicher of hai sich tauwe låte däir. Dau saie wat em hulpe hät dat måkt krijge.