३३ लेआ फेरि गर्भवती भइन्‌ र अर्को छोरा जन्माइन्‌। तिनले उसको नाम सिमियोन* राखिन्‌।+ तिनले यसो भनिन्‌: “यहोवा परमेश्‍वरले मेरो बिन्ती सुन्‍नुभयो। मेरा पतिले मलाई माया नगरेको परमेश्‍वरले देख्नुभयो। त्यसैले उहाँले मलाई अर्को छोरा पनि दिनुभयो।” ३४ त्यसपछि तिनी फेरि गर्भवती भइन्‌ र छोरा जन्माइन्‌। तिनले उसको नाम लेवि* राखिन्‌।+ तिनले यसो भनिन्‌: “अब त मेरो पति मसँग नजिक हुनुहुनेछ किनभने मैले उहाँको लागि तीन जना छोरा जन्माइसकेँ।”

२३ लेआले जन्माएको रुबेन+ याकुबको पहिलो सन्तान हुन्‌। लेआबाट जन्मिएका अरू छोराहरूको नाम सिमियोन, लेवि, यहुदा, इस्साकार र जबुलुन हो।