३० “धूप बाल्न तिमीले एउटा वेदी बनाउनू;+ त्यो वेदी बबुल काठको होस्‌।+ २ त्यो चारकुने होस्‌; त्यसको लम्बाइ एक हात,* चौडाइ एक हात अनि उचाइचाहिँ दुई हात होस्‌। वेदीकै भागको रूपमा त्यसका सिङहरू त्यसका चार कुनाबाट उठाइएको होस्‌।+ ३ तिमीले वेदीलाई निखुर सुनले मोहोर्नू: यसको माथिल्लो भाग, चारैतिरको पाटा अनि सिङहरू। वेदीको चारैतिर सुनको बिट* बनाउनू। ४ वेदीको दुवैतिर सुनको दुई-दुई वटा मुन्द्रा बनाउनू। ती मुन्द्राहरू बिटमुनि होऊन्‌ र वेदीलाई बोक्ने डन्डीहरू ती मुन्द्राहरूमा छिराउनू। ५ डन्डीहरू बबुल काठको बनाउनू र त्यसलाई सुनले मोहोर्नू।