७ तिनले त्यो यहोवा परमेश्‍वरसामु चढाऊन्‌ र त्यस स्त्रीको निम्ति प्रायश्‍चित गरिदेऊन्‌। त्यसपछि ऊ रगत बगेको कारण अशुद्ध भएको अवस्थाबाट शुद्ध हुनेछे। कुनै स्त्रीले छोरा या छोरी जन्माउँदा यही नियम लागू हुनेछ। ८ तर ऊसित भेडा चढाउने औकात छैन भने उसले दुई वटा ढुकुर वा परेवाका दुई वटा बचेरा ल्याओस्‌;+ एउटा अग्निभेटीको निम्ति अनि अर्को पापभेटीको निम्ति। त्यसपछि पुजारीले उसको निम्ति प्रायश्‍चित गरिदेऊन्‌ र ऊ शुद्ध हुनेछे।’”

२१ “यदि ऊ गरिब छ र उसको औकातले दिँदैन भने आफ्नो प्रायश्‍चितको निम्ति दोषभेटी चढाउन र त्यसलाई डोलाउने भेटीको रूपमा डोलाउन उसले भेडाको एउटा निष्खोट पाठो ल्याओस्‌। साथै अन्‍नभेटीको निम्ति एपाको दस भागको एक भाग* मसिनो पीठो, जुन तेलमा मुछेको होस्‌ अनि एक लग तेल ल्याओस्‌। २२ अनि आफ्नो औकातअनुसार उसले दुई वटा ढुकुर वा परेवाका दुई वटा बचेरा पनि ल्याओस्‌; एउटा पापभेटीको निम्ति अनि अर्को अग्निभेटीको निम्ति।+

१३ “‘धातु बग्न छोड्‌यो र ऊ निको भयो भने धातु बग्न छोडेको सात दिनपछि उसले आफ्नो लुगा धोओस्‌ र खोलाको पानीले नुहाओस्‌ अनि ऊ शुद्ध हुनेछ।+ १४ आठौँ दिन उसले दुई वटा ढुकुर वा परेवाका दुई वटा बचेरा+ भेट हुने पालको* प्रवेशद्वारमा यहोवा परमेश्‍वरसामु ल्याओस्‌ र पुजारीलाई देओस्‌। १५ अनि पुजारीले तीमध्ये एउटालाई पापभेटीको रूपमा र अर्कोलाई अग्निभेटीको रूपमा चढाऊन्‌। यसरी तिनले धातु बगेको त्यस मानिसको निम्ति यहोवा परमेश्‍वरसामु प्रायश्‍चित गरिदेऊन्‌।