४ इस्राएलीहरूले जितेको इलाकाका अर्का राजा हुन्‌: बासानका राजा ओग।+ तिनी बाँकी रहेका रेफाईहरूमध्ये एक थिए।+ तिनी अस्तारोथ र एद्रईमा बस्थे। ५ तिनले हर्मोन डाँडा, सालेकाह र पूरै बासान+ अर्थात्‌ गेसुरी र माकाथीहरूको+ सिमानासम्म शासन गर्थे। तिनको राज्य हेस्बोनका राजा सिहोनको+ इलाकासम्म अर्थात्‌ गिलादको आधा इलाकासम्म पनि फैलिएको थियो।

६ यी नै राजाहरूलाई यहोवा परमेश्‍वरका सेवक मोसा र इस्राएलीहरूले हराएका थिए।+ त्यसपछि यहोवा परमेश्‍वरका सेवक मोसाले ती राजाहरूको इलाका रुबेनको कुललाई, गादको कुललाई र मनस्सेको आधा कुललाई बाँडे।+