६ म के लिएर यहोवासामु आऊँ?

म के लिएर उच्च स्थानमा विराजमान हुनुहुने परमेश्‍वरलाई दण्डवत्‌ गरूँ?

के म उहाँसामु अग्निभेटी* लिएर आऊँ?

एक वर्षे बाछाहरू लिएर आऊँ?+

 ७ यहोवासामु हजारौँ थुमा ल्याइँदा के उहाँ खुसी हुनुहुनेछ?

तेलको भल बगेको देखेर के उहाँ रमाउनुहुनेछ?+

मेरो अपराध र पापको लागि

के म आफ्नो पहिलो सन्तान, आफ्नै शरीरको फल दिऊँ?+

 ८ हे मानिस, असल के हो, उहाँले तिमीलाई बताउनुभएको छ।

अनि यहोवा तिमीबाट के चाहनुहुन्छ?

केवल यति होइन र? निष्पक्ष हुनू,+ वफादार भई प्रेम गरिरहनू*+

अनि मर्यादामा रहेर आफ्ना परमेश्‍वरसित हिँड्‌नू।+