२५ त्यहाँ बसोबास गर्न थाल्दा ती मानिसहरूले सुरु-सुरुमा यहोवा परमेश्‍वरको डर मान्दैनथे।* त्यसैले यहोवा परमेश्‍वरले उनीहरू बसेको ठाउँमा सिंहहरू पठाउनुभयो+ र ती सिंहहरूले केही मानिसलाई आफ्नो सिकार बनाए। २६ तब अस्सेरियाका राजालाई यो जानकारी दिइयो: “तपाईँले जुन जातिहरूलाई बन्दी बनाएर ल्याउनुभयो र सामरियाका सहरहरूमा राख्नुभयो, ती मानिसहरूलाई त्यहाँको धर्म* थाह छैन र उनीहरू त्यहाँको देवतालाई पनि चिन्दैनन्‌। त्यसैले ती देवताले त्यहाँ सिंहहरू पठाइरहन्छन्‌ र ती सिंहहरूले मानिसहरूलाई आफ्नो सिकार बनाउँछन्‌। ती मानिसहरूलाई त्यहाँको धर्म र देवताबारे थाह नभएकोले नै त्यसो भएको हो।”