१९ म अब्राहामलाई राम्ररी चिन्छु। म यस कुरामा ढुक्क छु, तिनले जे सही र न्यायोचित छ, त्यही गर्न आफ्ना सन्तान र घरानालाई आज्ञा दिनेछन्‌ अनि तिनले तिनीहरूलाई यहोवाले देखाउनुभएको बाटोमा हिँड्‌न लगाउनेछन्‌।+ तब यहोवाले आफ्नो वाचा पूरा गर्नुहुनेछ।”

९ “तिमीहरू सचेत होओ र आफ्नो विषयमा होसियार होओ। यसो गऱ्‍यौ भने तिमीहरूले आफूले देखेको कुरा बिर्सनेछैनौ र त्यसलाई जिन्दगीभरि आफ्नो हृदयमा राख्न सक्नेछौ। तिमीहरूले यी कुराहरू आफ्ना छोरानातिलाई पनि सिकाओ।+

२१ त्यसपछि तिनले इस्राएलीहरूलाई भने: “पछि तिमीहरूका बालबच्चाले तिमीहरूलाई यस्तो प्रश्‍न गर्लान्‌: ‘यी ढुङ्‌गाहरू यहाँ किन राखेको?’+ २२ तब तिमीहरूले यसरी बुझाउनू: ‘इस्राएलीहरूले सुक्खा जमिन हुँदै यर्दन नदी पार गरे।+ २३ जसरी हामीले लाल समुद्र पार गर्दा यहोवा तिमीहरूका परमेश्‍वरले हाम्रै अगाडि समुद्रको पानी सुकाइदिनुभएको थियो, त्यसरी नै हामीले यर्दन नदी पार नगरुन्जेल यहोवा तिमीहरूका परमेश्‍वरले हाम्रै अगाडि नदीको पानी सुकाइदिनुभयो।+ २४ पृथ्वीका सबै मानिसले यहोवा परमेश्‍वरको हात कत्ति शक्‍तिशाली छ भनेर थाह पाऊन्‌ र तिमीहरूले सधैँ यहोवा आफ्ना परमेश्‍वरको डर मान भनेर उहाँले यस्ता चमत्कारहरू गर्नुभएको थियो।’”+