परिचय

अहिले आदर लोप हुँदै गइरहेको छ; यो विरलै देख्न पाइन्छ। कसैले आदर देखाइहाले भने पनि मानिसहरू अचम्म मान्छन्‌।

उदाहरणको लागि, अहिले धेरैजसो मानिसहरू आफ्नो आमाबुबा अनि वृद्धहरूलाई खासै आदर देखाउँदैनन्‌। साथै प्रहरी, हाकिम अनि शिक्षकहरूलाई पनि आदर गर्दैनन्‌। सामाजिक सञ्जालमा पनि मानिसहरूले एकअर्कालाई होच्याउने गरेको देखिन्छ। अमेरिकाको एउटा पत्रिकाअनुसार (हारवर्ड बिजनेस रिभ्यु) अहिले अनादरपूर्ण व्यवहार “झन्‌झनै बढिरहेको छ” र यसबारे मानिसहरूको “गुनासो पनि बढ्‌दै छ।”