यहोवाले आफ्नो नाउँ किन प्रकट गर्नु भएको छ?
पोलेन्डमा १९६४ मा प्रकाशित् “पुरानो नियमको” एउटा टिप्पणीले यो प्रश्नको घतलाग्दो उत्तर दिइएको छ। रोमन कैथोलिक गिर्जाको औपचारिक अनुमति लिएर, लुबलिन विश्वविद्यालयका प्रोफेसर, डाक्टर स्टेनिस्टो लाखले एसो भने:
“मानिस जातिको सामुन्ने, परमेश्वरको नाउँको निम्ति, उद्धार पाएका मानिसहरू नै जिम्मेवार छन्।” “अन्यजातिका मानिसहरूले पनि याहवेको [यहोवा] नाउँलाई धन्यको मानून् र यो नाउँको निन्दा नगरून्” भनेर प्रयत्न गर्ने जिम्मेवारी इस्राएलीहरूको थियो। “याहवेको नाउँको अर्थ छ . . . त्यो नाउँ स्वीकार गर्नेहरू प्रति मानिसहरूले देखाएको प्रतिक्रियाको आधारमा संसारको न्याय गरिनेछ।” प्रोफेसरले यो घोषणा पनि गरे: “याहवे नाउँ जाति जातिमा महान हुनेछ। . . . यो नाउँ संसारभरि फैलिनेछ। मोशाले बुझे अनुसार . . . त्यो नाउँको भविष्य यस्तो थियो।”
हो, मलाकी १:११ को अगमवाणीमा भने झैं: “‘अन्यजातिहरूका बीचमा मेरो नाउँ महान [हुनेछ]’ सेनाहरूका परमप्रभु [यहोवा, न्यु.व.] भन्नु हुन्छ।” “यहोवाको नाउँ [लिनेले] उद्धार पाउनेछ” भनेर, आज संसारभरि त्यस नाउँको घोषणा कसले गरिरहेका छन्? यहोवाका साक्षीहरूले! “आफ्नो नाउँको निम्ति” लिनुभएको यो “जाति” प्रति मानिसहरूले देखाएको प्रतिक्रियामा नै तिनीहरूको जीवन र मृत्यु भर गर्द छ। यहोवा र उहाँका साक्षीहरू प्रति तपाईंको प्रतिक्रिया के छ?—प्रेरित २:२१; १५:१४; मलाकी ३:१६-१८ सँग तुलना गर्नु होस्. (w90 2/1)