ग्रीसमा यहोवाका साक्षीहरूको लागि अर्को एउटा विजय

अक्टोबर ६, १९९५ मा एथेन्सको तीन सदस्यीय महान्यायाधिवक्‍ताको अदालतमा एउटा मुद्दाको सुनुवाइ भयो। त्यो मुद्दा यहोवाका साक्षीहरूको दुइ पूर्ण-समय सेवकहरू विरुद्ध लगाइएको थियो। तिनीहरूमाथि धर्मपरिवर्तनको आरोप लगाइएको थियो र यो एक प्रहरी अधिकारीले तिनको घरमा यहोवाका साक्षीहरू आएपछि यो नालिस दायर गरेका थिए।

मुख्य न्यायाधीशले सोधेका प्रश्‍नहरूबाट तिनी यहोवाका साक्षीहरूको कार्यबारे जान्‍न इच्छुक भएको देखिन्थ्यो। उदाहरणका लागि, तिनले यस्तो प्रश्‍न गरिन्‌: “तपाईंहरू यो काममा लाग्नुभएको कति भयो? अहिलेसम्म मानिसहरूले तपाईंहरूप्रति कस्तो व्यवहार गरेका छन्‌? तपाईंहरूको कार्यप्रति मानिसहरू कस्तो प्रतिक्रिया देखाउँछन्‌? मानिसहरूको घर-घरमा गएर तपाईंहरू के भन्‍नुहुन्छ?” त्यस अदालतमा उपस्थित सबैले यहोवाका साक्षीहरूले दिएको सत्य विवरणलाई ध्यान दिएर सुने।

सरकारी वकिलले समेत यहोवाका साक्षीहरूको पक्षमा बोल्दा तिनीहरू तीन छक परे। तिनले आफ्नो वक्‍तव्यको अन्तमा यस्तो टिप्पणी गरे, “यहोवाका साक्षीहरूले आफ्नो परमेश्‍वरलाई विश्‍वास र उपासना गर्ने मात्र होइन तर ढोका-ढोकामा गएर, सार्वजनिक स्थल तथा सडकहरूमा आफ्नो विश्‍वासबारे प्रचार गर्ने र तिनीहरूले चाहेमा साहित्यहरूसमेत निश्‍शुल्क वितरण गर्ने संवैधानिक अधिकार पाएका छन्‌।” त्यस वकिलले विभिन्‍न अदालतहरू तथा राज्यसभाले यहोवाका साक्षीहरूलाई दोषमुक्‍त ठहर गरेका निर्णयहरू सुनाए। कोकिनाकेस विरुद्ध ग्रीस नामक मुद्दा पनि तिनले उल्लेख गरे जसमा मानव अधिकारसम्बन्धी युरोपेली अदालतले यहोवाका साक्षीहरूको पक्षमा निर्णय सुनाएको थियो।a वकिलले यस्तो चेताउनी दिए, “कृपया, त्यो मुद्दामा ग्रीस सरकारले जरिवानासमेत तिर्नुपरेको कुरा नबिर्सनुहोस्‌। त्यसैले यस्तो मुद्दामामिलामा वकालत गर्नुअघि हामीले होशियारीसाथ सोच्नुपर्छ। वास्तवमा भन्‍ने हो भने, यस्तो मुद्दामामिला अदालतमै ल्याउनु हुँदैन।”

सरकारी वकिलको वक्‍तव्यपछि यहोवाका साक्षीहरूको वकिलले भन्‍नु बाँकी नै केही थिएन। तैपनि यस मौकाको फाइदा उठाउँदै तिनले धर्मपरिवर्तन विरुद्ध कानुन असंवैधानिक हुनुका साथै यसले ग्रीसलाई अन्तरराष्ट्रिय जगत्‌मा अप्ठ्यारोमा पारेको कुरामाथि जोड दिए।

मुख्य न्यायाधीशले अन्य दुइ न्यायाधीशहरूलाई पुलुक्क मात्र हेरिन्‌ र यसपछि सर्वसम्मतिसाथ त्यस भाइ र बहिनीको पक्षमा निर्णय गरियो। एक घण्टा दश मिनेट लामो यस मुद्दा, यहोवाको नाउँ र उहाँका जनहरू दुवैको लागि विजय थियो।

मानव अधिकारसम्बन्धी युरोपेली अदालतमा कोकिनाकेस मुद्दाको सुनुवाइपछि धर्मपरिवर्तनको मुद्दामा यहोवाका साक्षीहरूलाई ग्रीसमा दोषमुक्‍त ठहर गरिएको यो चौथो पटक हो। ग्रीसमा प्रचारकार्यको सन्दर्भमा समस्याहरू छँदै छैन भने पनि हुन्छ र यसले गर्दा त्यहाँका यहोवाका साक्षीहरू असाध्यै हर्षित छन्‌।

[फुटनोट]

के तपाईंकहाँ पनि कोही आएको मन पराउनुहुन्छ?

यस संकटग्रस्त संसारमा पनि परमेश्‍वरबारे बाइबलमा पाइने सही ज्ञान, उहाँको राज्य र मानिसजातिका निम्ति उहाँको अद्‌भुत उद्देश्‍य जानेर तपाईं आनन्दित हुन सक्नुहुन्छ। यसबारे थप जानकारी वा निश्‍शुल्क गृह बाइबल अध्ययन चाहनुहुन्छ भने कृपया Watch Tower, H-58, Old Khandala Road, Lonavla 410 401, Mah., India वा पृष्ठ २ मा दिइएको तपाईंलाई सुविधा पर्ने कुनै ठेगानामा लेख्नुहोस्‌।