“हामी क्याथोलिकहरूले तिनीहरूबाट सिक्नुपर्ने कुराहरू थुप्रै छन्”
यहोवाका साक्षीहरूबारे यो कुरा बारी, इटालीका एक जना शिक्षिकाले धर्मको इतिहासबारे माध्यामिक तहका विद्यार्थीहरूलाई पढाउँदै गर्दा भनेकी थिइन्। त्यस शिक्षिकाले भिडियो क्यासेट प्रयोग गरेर उक्त विषय पढाउनेबारे कक्षामा भनेकी थिइन्। यो सुनेर १८ वर्षका एक जना विद्यार्थी, रोबेर्टोले त्यस छलफलमा आफूले मान्ने धर्म पनि समावेश गर्न सकिने सुझाउ दिए। तिनले उनलाई यहोवाका साक्षीहरू—नाउँपछाडिको संगठन नामक भिडियो देखाउने प्रस्ताव पनि राखे। उनले रोबेर्टोको प्रस्ताव स्वीकारिन् र करिब ३० जना विद्यार्थी भएको सम्पूर्ण कक्षाले उक्त भिडियो हेरे। “एकता, संगठन र यहोवा साक्षीहरूबीचको गहिरो प्रेम देखेर सबै प्रभावित भए,” रोबेर्टो भन्छन्। “हरेक महिना चार करोड प्रहरीधरहरा र ३.६ करोड ब्यूँझनुहोस्! छापिन्छन् भनेर थाह पाउँदा तिनीहरू आश्चर्यचकित भए।”
“तिमीहरू यत्ति संगठित छौ भनेर त मलाई थाहै थिएन,” रोबेर्टोका थुप्रै साथीहरूले भिडियो हेरेपछि टिप्पणी गरे। यहोवाका साक्षीहरूबारे शिक्षिकाले कक्षामा भनिन्: “तिनीहरूको विश्वासले एकताबद्ध तथा संगठित हुन कसरी उत्प्रेरित गरेको छ, याद गर। हामी क्याथोलिकहरूले तिनीहरूबाट सिक्नुपर्ने कुराहरू थुप्रै छन्।” उक्त भिडियो र त्यसपछि कक्षामा गरिएको छलफलले यहोवाका साक्षीहरूबारे राम्ररी बुझ्ने मौका मिल्यो।