‘बतास हाम्रो विपरीत हुँदा’
गालीलको समुद्र डुंगामा पार गर्न खोज्दा येशूका चेलाहरूको अनुभवबारे व्याख्या गर्दै सुसमाचारका लेखक मर्कूसले यस्तो लेखे: “तिनीहरूलाई ख्याउनालाई कष्ट भइरहेको देखेर, किनभने बतास तिनीहरूको विपरीत थियो।” किनारमै हुँदा येशूले तिनीहरूको दुःख देख्नुभयो र चमत्कारपूर्ण ढंगमा पानीमै हिंडेर तिनीहरूकहाँ पुग्नुभयो। उहाँ तिनीहरूको डुंगामा चढनुहुँदा बतास थामिहाल्यो भनी मर्कूस बताउँछन्।—मर्कूस ६:४८-५१.
सोही बाइबल लेखकले “ठूलो बतासको हुरी” चलेको अर्को एउटा घटनाबारे बताए। त्यतिबेला येशूले “बतासलाई हप्काउनुभयो, . . . अनि बतास थामियो र ठूलो सन्नाटा भयो।”—मर्कूस ४:३७-३९.
हामीले त्यस्तो चमत्कारपूर्ण घटनाहरू हेर्ने सुअवसर नपाए तापनि हामी ती घटनाहरूबाट धेरै कुरा सिक्नसक्छौं। यस कठीन समयमा बाँचिरहेको असिद्ध मानिसहरू भएकाले हामी समस्यारूपी बतासबाट मुक्त छैनौं। (२ तिमोथी ३:१-५) कहिलेकाहीं व्यक्तिगत समस्याको कारण अत्यन्तै तूफानी बतासरूपी बिचल्ली महसुस गरौंला। तर त्यसबाट बच्ने बाटो छ! येशू यस्तो निमन्त्रणा दिनुहुन्छ: “हे सबै मेहनत गर्ने, र बोझले दबिएका हो! मकहाँ आओ, म तिमीहरूलाई विश्राम दिनेछु।”—मत्ती ११:२८.
‘बतास हाम्रो विपरीत’ भएजस्तो देख्दा हाम्रो मनको तूफान ‘थामेको’ महसुस गर्नसक्छौं। कसरी? यहोवा परमेश्वरको भरोसायोग्य प्रतिज्ञाहरूमा विश्वास गरेर।—तुलना गर्नुहोस् यशैया ५५:९-११; फिलिप्पी ४:५-७.