तिनलाई न्यु योर्क शहरको कुन कुराको याद आउँछ
माथि चित्रको भवनका अक्षरहरू सन् १९५० को दशकदेखि नै छन्। यो भवन ब्रूकलिन, न्यु योर्कस्थित वाचटावर सोसाइटीको कारखाना हो। यसले, त्यहाँबाट ओहोरदोहोर गर्ने यात्रु, पर्यटक तथा अन्य मानिसहरूलाई बाइबल दिनहुँ पढ्न सम्झना दिलाउँछ। यो सम्झौटो कति प्रभावकारी छ भनेर एक जना साक्षी युवतीबाट प्राप्त भएको पत्रले देखाउँछ।
“स्कूलको पढाइ सिद्धिएपछि के गर्ने भनी मेरो कक्षाको एक जना साथीसित कुरा गरिरहेको थिएँ। मैले यहोवाका साक्षीहरूको मुख्यालय, बेथेलबारे कुरा गर्न थाल्दा तिनलाई अत्यन्तै रोचक लाग्यो। तिनले बताएअनुसार तिनी पहिले न्यु योर्क शहरमै बसेकी रहिछिन्। तिनको परिवार धर्मप्रति त्यति आस्था राख्ने खालको नभए तापनि हरेक बिहान तिनको घरको झ्यालबाट बाहिर हेर्दा ‘दिनहुँ परमेश्वरको पवित्र वचन बाइबल पढ्नुहोस्’ भन्ने देख्थिन्। त्यसैले स्कूल जानुअघि तिनी दिनहुँ बाइबल पढ्ने गर्थिन्।
“त्यस शहरबाट अन्तै सरेपछि तिनलाई न्यु योर्क शहरको याद आउने कुरा नै त्यही हो। तिनी अब बिहान उठ्ने बित्तिकै बाइबल पढ्ने त्यो सम्झौटो देख्दिनन्। तर वाचटावरको भवनमा त्यस पाटीको कारण उनको बाइबल पढ्ने बानी भइसक्यो र अहिले पनि उनी दिनहुँ बाइबल पढ्छिन्!”
परमेश्वरको वचन पढेर आफ्नो दिनको सुरुआत गर्नुभन्दा अरू उत्तम तरिका के होला र! त्यसो गर्नुभयो भने तपाईंले प्रेरित पावलका यी शब्दहरू पक्कै मूल्यांकन गर्नुहुनेछ: “पवित्र लेखोटहरू[ले] . . . ख्रीष्ट येशूमा भएको विश्वासद्वारा मुक्तिको निम्ति तिमीलाई बुद्धिमान तुल्याउनसक्तछ।”—२ तिमोथी ३:१५-१७.