बाइबल अध्ययन के यो तपाईंको लागि हो ?
“पादरीहरूको गैर हाजिरीमा पढ्नु हुँदैन।” क्याथोलिकहरूले प्रयोग गर्ने केही बाइबलको पहिलो पन्नामा यस्तो चेताउनी लेखिएको पाइन्छ। लस एन्जलसमा क्याथोलिक बाइबल इन्सटिच्युटका के मर्डी भन्छिन्: “हामी क्याथोलिकहरूसँग बाइबलको त्यति ज्ञान छैन तर यसमा परिवर्तन हुँदैछ।” क्याथोलिकहरू पवित्र धर्मशास्त्रले जीवनमा कस्तो प्रभाव पार्छ भनी सजग भएपछि मात्र तिनीहरूमा “बाइबलको निम्ति भोक र तृष्णा जाग्नेछ।”
यस परिवर्तनको सन्दर्भमा यु.एस. क्याथोलिक पत्रिकाले एक धार्मिक शिक्षा संयोजकलाई उद्धृत गरेको छ। बाइबल अध्ययन कक्षामा भाग लिएका क्याथोलिकहरूले “आफू बाइबलको ज्ञानबाट वञ्चित भएको र बाइबलमा प्रचुर मात्रामा बहुमूल्य कुरा भएको महसुस गरेका छन्। तिनीहरू आफूले गुमाएको केही बहुमूल्य कुरा प्राप्त गर्न चाहन्छन्।”
कुरा जेसुकै होस्, बाइबलका विद्यार्थीले कस्तो “बहुमूल्य कुरा” भेट्टाउन सक्छन्? कल्पना गर्नुहोस्: दिनहुँ आइपर्ने फिक्रीहरू कसरी सामना गर्ने, के तपाईं यसबारे जान्न चाहनुहुन्छ? परिवारमा तपाईं कसरी शान्ति कायम गर्न सक्नुहुन्छ? आज किन यतिबिघ्न छुच्चो र समाज विद्रोही आचरण व्याप्त छ? आजका जवानहरूमाझ हिंसा बढ्नुको कारण के हो? यी तथा अन्य विचारणीय प्रश्नका भरपर्दो जवाफ परमेश्वरको वचन बाइबलमा पाइन्छ र यो क्याथोलिक वा प्रोटेस्टेन्टका लागि मात्र नभई बौद्ध धर्मावलम्बी, हिन्दू, मुसलमान, शिन्टो, नास्तिकवाद अनि अज्ञेयवादका लागि समेत “बहुमूल्य कुरा” हुनेछ। भजनरचयिताले भनेझैं ‘परमेश्वरको वचन खुट्टाको निम्ति बत्ती र तिनको बाटोको निम्ति उज्यालो हुनेछ।’ तपाईंको निम्ति पनि यही कुरा सही हुनसक्छ।—भजन ११९:१०५.