प्रश्न पेटी
◼ के मण्डलीको सहयोगार्थ पुराना सरसामान बिक्री गरेर वा कुनै कार्यक्रम आयोजना गरेर चन्दा उठाउनु उचित हो?
धार्मिक संघ-संस्थाहरूले अक्सर रात्रिभोज, सरसामानको बिक्री वा उत्सवहरूको आयोजना गरेर चन्दा उठाउने गर्छन्। कसै-कसैलाई यो राम्रै कामको लागि हो जस्तो लाग्ला तर यो एक किसिमले पैसा माग्नु बराबर हो। यहोवाका साक्षीहरू यसरी आर्थिक सहयोग माग्दैनन्।
चर्चहरूले जसरी पैसा माग्न इन्कार गर्दै वाच टावर-को दोस्रो अंक, अगस्त १८७९ ले यसो भनेको थियो: “हामीलाई विश्वास छ, ‘जायन्स वाच टावरले’ यहोवाको साथ पाएको छ। यसैले सहयोगको लागि मानिसहरूसित कहिल्यै माग्ने वा हात फैलाउने छैनौं। ‘पहाडका सबै सुन र चाँदी मेरै हुन्’ भन्नुहुने परमेश्वरले जुटाइदिनुभएन भने छपाइसम्बन्धी काम बन्द गर्नुपर्ने बेला भएछ भनेर हामी बुझ्नेछौं।”
हामी अहिले पनि बाइबलको यो सिद्धान्त पालन गर्छौं: “हरेक मानिसले आफ्नो मनमा अड्कलेबमोजिम गरोस्, नता चित्त दुखाएर, न जरुरत भएकोले, किनभने खुशीसाथ दिनेलाई परमेश्वरले प्रेम गर्नुहुन्छ।” (२ कोरि. ९:७) स्वेच्छिक अनुदान दिनको लागि राज्यभवनमा अनुदान बाकसहरू राखिएका हुन्छन्। (२ राजा १२:९) यस्तो अनुदान मागिंदैन नता केही पाउने हिसाबले ती अनुदान दिइन्छ।