“. . . महिनामा पत्रिका प्रस्तुत गर्ने तरिका”
हरेक महिना सेवा सभाको तालिकामा पत्रिकाहरू प्रस्तुत गर्नेबारे एउटा भाग हुन्छ। यसको उद्देश्य लेखहरू पुनरावलोकन गर्नु होइन, बरु पत्रिका प्रस्तुत गर्ने तरिकाहरूबारे छलफल गर्नु हो। त्यसकारण यो भाग सञ्चालन गर्ने भाइले निर्देशनमा दिइएअनुसारै पत्रिकाहरूप्रति उत्साह जगाउन एकदम छोटो परिचय दिनेछन्। त्यसपछि, कुनै एउटा लेखबारे (वा शृङ्खला) श्रोताहरूलाई आ-आफ्नो सुझाव दिन भन्नेछन्। त्यसो गर्दा अरूले पनि छलफलमा ध्यान दिंदै आफूले प्रयोग गर्न चाहेको तरिका नोट गर्न सक्छन्। श्रोतालाई पूरै प्रस्तुति बताउन लगाउनुको साटो चासो जगाउने खालका प्रश्नहरूबारे सोध्न सकिन्छ। त्यसपछि कुन बाइबल पद पढ्ने हो, त्यसबारे टिप्पणी गर्न लगाउनुहोस्। अन्तमा, तिनले प्रत्येक पत्रिका प्रस्तुत गर्ने तरिकाबारे प्रदर्शन गर्न लगाउनेछन्। पत्रिका पहिल्यै पढिसकेका छौं भने सभामा टिप्पणी दिन तयार हुनेछौं। हामी सबैले राम्रो तयारी गऱ्यौं भने यस भागद्वारा एक-अर्काको बुद्धिलाई तिखार्न सक्नेछौं।—हितो. २७:१७.