शान्ति हाम्रो सम्पत्ति

१. गरौं है लौ प्रशंसा,

शान्तिदाताको;

रोक्छन्‌ उनी युद्ध सब,

मिलाप सुरु भो।

शान्तिका राजकुमार ख्रीष्ट,

शीतल छहारी;

उनको जितले ल्याउनेछ,

शान्त बिहानी।

२. रीसराग र गालीगलौज,

सबै नै त्याग्यौं;

भाला, तरवार पिटेर,

फाली बनायौं।

चाहना यै हो भने,

माफी दिइरहौं;

शान्तिको भेष लिएर,

जिन्दगी जिऔं।

३. नफलाई हुन्‍न शान्ति,

फल सदाचारको;

माग्यौं ज्ञानको यो सबुत,

माथिबाटको।

सबैलाई भन्छौं हिंड्‌न,

यै पथमा ऐले;

नआएसम्म शान्ति,

राज्यले ल्याउने।