ख्रिष्टियन जीवन
नयाँ संसार नजिकै छ भनेर सुसमाचार सुनाउनुहोस्!
नोभेम्बर महिनामा हामी नयाँ संसार नजिकै छ भनेर सुसमाचार सुनाउन विशेष प्रयास गर्नेछौँ। (भज ३७:१०, ११; प्रका २१:३-५) यस अभियानमा पूरापूर भाग लिन आफ्नो तालिका मिलाउनुहोस्। तपाईँ सहायक अग्रगामी सेवा गर्न चाहनुहुन्छ भने ३० घण्टा गर्ने वा ५० घण्टा गर्ने भनेर छनौट गर्न सक्नुहुन्छ।
सकेसम्म धेरै मानिसलाई नयाँ संसारबारे उल्लेख गरिएको बाइबल पद देखाउन तयारी गर्नुहोस्। आफ्नो इलाकाका मानिसहरूबारे विचार गर्दै बाइबल पद रोज्नुहोस्। पहिलो भेटमा कसैले चासो देखाएमा तिनलाई प्रहरीधरहरा जनसंस्करण सङ्ख्या २, २०२१ दिनुहोस्। त्यसपछि तिनलाई सकेसम्म छिटो पुनःभेट गर्नुहोस् र सधैँभरि जीवनको आनन्द उठाउनुहोस्! पुस्तिकाबाट बाइबल अध्ययन सुरु गर्न प्रयास गर्नुहोस्। “असल कुराको सुसमाचार” सुनाउने काममा व्यस्त हुन पाउनु साँच्चै खुसीको कुरा हो!—यसै ५२:७.
नयाँ संसारको आशा मौलिक गीत हेर्नुहोस् अनि निम्न प्रश्नहरूको जवाफ दिनुहोस्:
सानी बहिनी कस्तो सुन्दर भविष्यबारे कल्पना गर्दै छिन्?
तपाईँ नयाँ संसारमा के-कस्ता कुराहरू अनुभव गर्न चाहनुहुन्छ?
आफ्नो आशाबारे मनन गर्दा त्यसले नोभेम्बर महिनाको अभियानमा पूरापूर भाग लिन तपाईँलाई कसरी मदत गर्नेछ?—लुका ६:४५.