अध्ययनका लागि सुझाव
बाइबल पदहरू सम्झन के गर्न सक्छौँ?
के तपाईँलाई कहिलेकाहीँ आफूलाई मन परेको बाइबल पद भेट्टाउन गाह्रो भएको छ? जस्तै, आफूले सान्त्वना पाएको पद, आफ्नो गलत सोचाइ हटाउन मदत गरेको पद वा अरू कसैलाई देखाउन चाहेको पद। (भज. ११९:११, १११) त्यसोभए बाइबल पदहरू सम्झन तपाईँ के गर्न सक्नुहुन्छ? केही सुझावहरू विचार गरौँ।
JW लाइब्रेरी-को ‘ट्याग’ भन्ने विशेषता प्रयोग गर्नुहोस्। “मनपर्ने पदहरू” भन्ने ट्याग बनाउनुहोस् अनि आफूले सम्झन चाहेको पदहरू त्यहाँ सेभ गर्नुहोस्।
बाइबल पद लेखेर आफूले देख्ने ठाउँमा राख्नुहोस्। कसै-कसैले आफूलाई मनपर्ने पद ऐनामा वा फ्रिजमा टाँसेर राख्छन्। कसै-कसैले भने त्यो पदको स्क्रिनसट लिन्छन् अनि त्यसलाई आफ्नो कम्प्युटर वा मोबाइलको ब्याकग्राउण्ड बनाउँछन्।
बाइबल पदहरूको कार्ड बनाउनुहोस्। कार्डको एकापट्टि पद लेख्नुहोस् अनि अर्कोपट्टि त्यस पदमा लेखिएको कुरा सार्नुहोस्। त्यो कार्डको बाइबल पद हेरेर त्यो पदमा के लेखिएको छ भनेर सम्झने कोसिस गर्नुहोस्। अथवा कार्डको अर्कोपट्टि लेखिएको कुरा हेरेर त्यो कुनचाहिँ पद हो भनेर सम्झने कोसिस गर्नुहोस्।