येसुले युद्ध नामेट पार्नुहुनेछ

पृथ्वीमा हुनुहुँदा येसुले मानिसहरूलाई अपार प्रेम देखाउनुभयो। यहाँसम्म कि उहाँले हाम्रो लागि आफ्नो ज्यान अर्पण गर्नुभयो। (मत्ति २०:२८; युहन्‍ना १५:१३) चाँडै उहाँले परमेश्‍वरको राज्यको राजाको रूपमा आफ्नो अख्तियार प्रयोग गर्दै “पृथ्वीबाट . . . युद्ध नामेट पार्नुहुन्छ।” (भजन ४६:९) यसरी उहाँले मानिसहरूप्रति फेरि प्रेम प्रकट गर्नुहुनेछ।

बाइबलमा येसुले भविष्यमा गर्नुहुने कुराबारे बताइएको छ:

• “मदतको लागि पुकार्ने गरिबहरूको तिनले उद्धार गर्नेछन्‌, दीनदुःखी र असहायहरूको पनि तिनले उद्धार गर्नेछन्‌। तिनी दीनदुःखी र गरिबहरूमाथि टिठाउनेछन्‌ अनि तिनले गरिबहरूको ज्यान जोगाउनेछन्‌। तिनले अत्याचार र हिंसाबाट तिनीहरूलाई बचाउनेछन्‌।”—भजन ७२:१२-१४.

येसुले हाम्रो लागि गर्नुभएको त्याग र चाँडै भविष्यमा गर्नुहुने कामको लागि हामी कसरी कृतज्ञता देखाउन सक्छौँ? एउटा तरिका भनेको येसुले प्रचार गर्नुभएको “परमेश्‍वरको राज्यको सुसमाचार”-बारे अझ धेरै सिकेर हो। (लुका ४:४३) त्यसबारे बुझ्न “परमेश्‍वरको राज्य के हो?” भन्‍ने लेख हेर्नुहोस्‌।